Mchunu

Abantu bakwa Mchunu kusengabe Nguni bazinza phakathi kwe Thaleni ne Nkandla no Mzinyathi.
Isizwe sakwa Mchunu sagqama ngenkathi kubusa inkosi uDingiswayo kwa Mthethwa, ngaleso sikhathi sabe sibuswa uMacingwane.
UMuzi ka Macingwane wabe use Thaleni ubizwa ngokuthi kuse Ngonyameni.

Izibongo ezihlobene nabakwa Mchunu u Majola, Mcumane, Ngqulunga no Ndawonde.
Ake sibazalanise:
U Mavovo uzale uNyanda Lubhoko (Dubandlela)
uLubhoko wazala uJama, Lucungu nabanye,
uJama wazala uMacingwane,
uMacingwane wazala uNsundu, Mfusi, Gandeduze, Ndabezimbi, Mqanyana, Phezulu, Nyoni no Phakade,
uPhakade wazala uGabangaye no Mbelebele,
uGabangaye wazala uSilwane, Ngomane nabanye,
uSilwane wazala u-Mzochithwayo yena ozale u-Simakade okunguyena obusayo manje,
uMfusi wazala uZimema owazala u-Mmeli.

Izithakazelo zakwa Mchunu:
Macingwane, Yeyesa, Phakade,
Wena wase Ngonyameni,
Jama ka Silwane,
Nyanda yemi khonto,
Phakade akagugi koze kuguge izingane zakhe,
Wena kano Gida ngo Bambo,
Ezinye izintombi zigida ngomshayelo.
Ndabezitha!

81 thoughts on “Mchunu

  1. Jack Mzimbhili Labase

    Ndawonde is related to Zitha Labase Jwara and Mbongwa. They settle in Msinga after they have separated from the family and subsiquently made contact with Mchunu but there is no Blood relatioship. Hence there is absolutely nothing that has been mentioned that include uNdawonde in the History kaMchunu nor ithakazelo zabo.

    1. Mpums Ndawonde

      Uqinisile Labase, asihlobene nhlobo nabakwa Mchunu. Engikwaziyo ukuthi ngezikhathi zakudala babeganisela oNdawonde no Mchunu full stop.

      1. Jack Mzimbhili Labase

        Injalo lendaba zalo, just that abantu bakwaNdawonde bayathanda ukuthi bayahlobana noMchunu but they future no where kwithakazelo nomlando wabo, ubuhlobo obunjani lobo? No one can devorce uNdawonde from Labase and Zitha because even the Zitha people in Zimbabwe do state that bona ba ngoNdawonde and Labase, remember that they left Natal with Mzilikazi in the 1800’s, so they still have the original version than people in KZN who have been diluted through merging and paying tribute to other clans like Mchunu etc.

  2. Msizi

    Sekuphelele njalo ngezithakazelo zakwamchunu noma kukhona ezifihliwe?

    1. Msizi;
      Izithakazelo nezithopho aziphekele kwazise umndeni nomndeni ubuye ufake ezawo ngqo. Lapha sifake ezaziwayo kanye namakhosi ngoba umlando ulandeleka kalula ngawo.

    2. nami angtholi kahle izithakazelo ezincane kanjena seziphelile noma zifihliwe ezinye? kanti futh abakwa ndawonde nahlobene ngani namachunu ojama kasjadu yeyesa ay ngiyama la nenkoc ayqedwa

  3. melisizwe Mchunu

    AbakwaMchunu
    ukuze kuthiwa bangabakwaMchunu nje kungoba bedatshulwa nguMchunu, indoda eyayiphila ngezikhathi zoMalandela, kodwa thina sibathathe kuMavovo owazala uNyanda.
    Ukwelamana kwabakwaMchunu, UMavovo uzale uNyanda owazala uLubhoko (Dubandlela) ULubhoko wazala amadodana amaningi amanye wawo abalwawo uJama, uMajola, uDladlama, uNtube, uNontshinga, uNcasanga, uNgqulunga noGama wakwaMchunu.
    uJama ufakwa ekuthakazelweni ebongwa Ngokuzala intsizwa uMacingwane (waseNgonyameni) eyaba neqaza elikhulu eMachunwini. uMacingwane wazala uNtsundu, uMfusi, uGandeduze, uNdabezimbi. uMqanyana, uPhezulu, uNyoni kanye NoPhakade,
    uPhakade kuveza wayeyiqhathanzipho njengo wayengagugi kwakuze kuguge izingane zakhe ngoba wayesaqine eqine okwebhungu wayeneqwaba yomakoti Nezingane, yingakho ekuthakazelweni abakwaMchunu.
    UMfusi yena wazala uZimema owazala uMmeli OGabangaye noMbelembe kuthiwa bagugabedlula uyise. UPhakade uzale uGabangaye noMbelebele kanye nabanye. UGabangaye wazala uSilwane, uNgomane nabanye. uSilwane yena wazala uMzochithwayo, nabanye. UMzochithwayo yena wazala uSimakade, nabanye.
    Abantu bakwaMchunu bangaMaNguni ngenxa yolimi abalukhulumayo Lokhu sikuthatha ekutheni imvelaphi yabantu balezi zibongo iseNingizimu yeNtilasifali Mpumalanga.
    Enzalweni yamaNguni kukhona azibiza ngokuthi bangamaNguni angamaDebe. amaNguni angamalala kanye namaNguni angabaMbo, oNdlovu kanye nabanye. njengabantu oKhumalo, noQwabe nezinye izibongo abakwaZulu.
    Kodwa lapho abakwaMchunu sibathola sebezinze khona ekufikeni kwabo lakwaZulu, kwakuphakathi kweThalaneni eNkandla kanye noMzinyathi. Kuthi omakhelwane babo ngaseMpumalanga kwakungaMabomvu kanye nabaseMbo, kanti ngaseNtshonalanga kwakungabaThembu.
    Ukuqinisa ukuthi abantu baseMachunwini babakhelane nabaseMbo sizokhumbula ukuthi kwathi ngesinye isikhathi abantu baseMbo(abakwaMkhize) beneNkosi yabo uMavovo, naseMaChunwini babenoMavovo nakhona.
    Kwaduka intombi yaseMabomvini eyayiyogana uMavovo waseMbo kodwa yahlangana noMavovo waseMachunwinini, waseyikhohlisa intombi wathi nguyena uMavovo kodwa uMakhelwane wakhe nguMavovana.
    Okwathi esekuzwa lokhu omunye uMavovo, wahlomisa impi ukuba iyolanda lentombi Nangempela yalandwa, yalethwa kuMavovo wakwaMkhize.
    Izintombi zaseMachunu azigani kwaMajola nakwaNdlela ngoba laba baphuma khona emaChunwini. Mcumane, Ndawonde ezinye izibongo ezibalwayo ukuthi ziyadlelana nabaseMachunwini kodwa kune Nkulumo mpikiswano ngalokho.
    AbaseMachunwini bazalana nabakwaNdlela, Ndima Lembede. Kuhambe kwahamba abantu bakwaNdlela sebebuswa nguLembede baxabana nabakwaMchunu. KwaMchunu kwase kubusa uLubhoko.
    Baze basuka bayokwa kwaNtabankulu ngaseMthonjeni weMfolozi emnyama, besuka eSikhaleni Sebomvu. Ngesikhathi abantu bakaLembede bebalekela uLubhoko
    uLembede wasala esebulewe base babekisa ngesihlahla esithize ukuthi wangcwatshwa kuphi. Leso sihlahla kuze kube namuhla kuthiwa yisihlahla sikaLembede.
    Ngesikhathi sokubusa kukaDingiswayo kwaMthethwa yilapho isizwe sakwaMchunu sagqama khona kuze kufike esikhathi sokubusa kweLembe (uShaka). Isizwe sakwaMchunu ngaleso sikhathi sabe sibuswa nguMacingwane. Umuzi kaMacingwane wawuphezulu kweThala echaza ukuthi uyiNkosi enkulu ngaphezu kwawo wonke amakhosi akhelane nawo.
    uMacingwane wakha ihlalankosi aliqamba ngokuthi kuseNgonyameni, Ngakho wayezibiza nguBhubesi loqobo Lokhu yikho okwamfakela esikhulu isigcwagcwa kuDingiswayo kanye noShaka.
    Phela ngaleso sikhathi uDingiswayo wayeqala umsebenzi wokuhlasela izizwe, ayezinqoba zaziba ngaphansi kombuso wakhe.Umuntu owawuqedelela lowo msebenzi nguShaka, ngoba uDingiswayo wayesekhotheme, yingakho phela kukhona isizwe samaZulu namuhla. Owaqala umsebenzi wokusakha kwa kunguDingiswayo kaJobe.
    Kuthiwa uMacingwane wamhlupha kakhulu uMpongo kaZingelwayo wakwaNdlovu waze wabaleka wayozinikela kuZihlandlo wakwaMkhize owaze wamkhoselisa naye ethembe uShaka okwakungumhlobo wakhe omkhulu.
    ekuhlaseleni kukaShaka bahlakazeka abantu bakwaMchunu abanye balishiya elendabuko yabo. Bahamba bayohlala oThukela, abanye abahamba bagcina bakha naseNtshonalanga kapa lapho uthola abantu bengoMacingwane.
    ngoba ushaka wayeneNgalo elide eyayifinyelelele kwazuluNatal wonkana wenza imizamo yokufuna uMacingwane Kodwa wahluleka.
    uMacingwane wahlala ezindaweni ezahlukene zesifundazwe sakwaZulu-natal ngokucashela uShaka. Kunokuvela izinkulumo mpikisano zokuthi kunokushiwo ukuthi uMacingwane wagcina Lapha esedliwa amazimzimu kanyei ukuthi uMacingwane washonela eSandlwane ehamba namangisi elwisa wona.
    AmaChunu asinda ekuhlaselweni kaShaka aphindela kwelendabuko yabo sekubusa uPhakade eyobuyisa ubukhosi baseMachunwini. Njengoba sesa khothama isilo saseMgungundlovu uDingane kaSenzangakhona. Sekubusa uMpande kaSenzangakhona owehlula uNdaba. wenqaba ukuhlobo uphakade nompande lapho izinto zazishubile kodwa ekugcineni kwaba noxlolo
    Abantu bakwaMchunu sebeyisizwe esikhulu kakhulukazi eMsinga, nakwezinye izindawo zesifubazwe sakwaZulu-natal zikhona izinsalela laphaya eNkandla zaseMachunwini.
    Mchunu, Majola,kladu, ngomane, Macingwane Wena wase Ngonyameni, Nyanda Yemkhonto Jama kaLubhoko, yeyesa kaMvumbi Phakade akagugi gugabafokazane, Wena kano Gida ngo Bambo Ezinye izintombi zigida ngomshayelo, Ndabezitha!

    1. Siyabonga Macingwane uMelisizwe ngempela. Kuhle ukuthi ulwazi onalo ulusabalalise ukuze izizukulwane ezizayo zingeke zilahleke. Nathi lapha siqoqe ulwazi esiluthola esidlangalaleni. Ukuba yinjabulo enkulu Uma kuvela abanikazi besibongo becacisa noma begcwalisela

      Umsebenzi njalo Ndabezitha!

      1. MPHENI MCHUNU

        Siyabonga Macingwane ngolwaz osipha lona,uma kukhona ofuna olunye ulwazi akothenga incwadi esihloko sayi sithi “UPKHOKO” iyatholakala emtapweni wolwazi(LIBRARIES).Unwele olude kubobonke oMacingwane

    2. Nokuphila Majola

      Thank You bhut bengfuna ukwazi ukuhlobana kukaMchunu noMajola.

      1. lucky

        uMajola,uNgqulunga. nabanye bazalwa uLubhoko wakwaMchunu

    3. Ceezar

      Ndabezitha! usiMelile-isizwe sikaMchunu

      Waze wayilamula lendaba. Yingakho singazani kanje. Kodwa emvakwa la akusekho ukudideka ukuthi uMchunu no Majola oba. Syabonga baba kakhulu. Melisizwe Mchunu uyatholakala kuma social network baba?

    4. Mabutho Mchunu

      Ndabezitha ngyabonga wayichaza yazwakala kalula nkosi ngifisa ukwazi ukuthi Mangaki kanti akuphi onke amakhosi aseMachunwini

    5. Sibonelo Mchunu

      Kuyisifiso sami ukuba nawe Melisizwe kuzobhungwa ngalomlando wesizwe sakithi ngoba kukhulu ukudideka esinakho siyinzalo ka Mchunu, siqukethe imilando engafani sisodwa Ndabezitha

    6. Kwamnandi ukufunda lomlando , manje siyathola ukuthi uPhakade uyena akawela waya eMsinga kungabe wayelishiyiswa yini elaseNkandla njengoba asebenza kangaka ukubuyisa ubukhosi . Ndabezitha

    1. Siyabonga ukuba wusizo, futhi kusinika umfutho ukuvakashelwa abantu abafana nawe kule ‘site’ kwazise silazi kakhulu iqhaza olibambile ukuthuthukisa umphakathi.

      Mbathastan

  4. bongiwe mchunu

    Nami ngiyabonga ukuthola ulwazi ngesibongo sami kodwa ngeshwa angicaciseleki kahlehle ngikhule ngazi ukuthi ngingu mchunu macingwane nyanda yemikhonto kuze kube manje angazi ukuthi kuthiwani emva kwa lokho kodwa manje sengiyaza ngyabonga isandla sedlula ikhanda ngenikwenze kimi

    1. zandile nothy mchunu

      cha nami ngibonge kakhulu ngiyntombi yakomacingwane kodwa angeneliseki ngba kukhna izithakazelo engingaziboni laph ezith mangun amahle ngabe zishoneph?
      Nawe unelungelo lokugcwalisela ozaziyo.

  5. Buyi Mchunu

    Ngiyabonga Macingwane , Nyanda Ye Mikhonto, mina bengingazazi lutho ngezithakazelo bengazi uMacingwane, ngibonga nokwazi imvelaphi yama Chunu, kanye nokuhlabana no Majola, mina ngila eGoli, ngiyawathanda amaChunu onke.

  6. Sbonelo Mchunu, Ezimpolombe

    Nakhanyisa nalokhu ubaba angazange angikhnyisele kukho macingwane sibonge ndabezitha sibonge mnguni waselangeni. ngisho ngoba manje siyalwa nabantu bakamajola siyabaphika kanti bazalwa kithi ekhaya, lokho kudalwa indlela okusabalala ngayo isibongo sakithi buka nje kwawakithi amaChunu akabizwa sidalo umajola uma sithakazela. ingabe lokho kulungile na?

  7. Lindi Dlamini

    please help me, thina singoDlamini Shenge,Shenge kaNdaba,ngoMalandela,infolozi emnyama inketha baweli,umqenqom omuhle wasodungeni.
    Inzalo yethu kuthiwa eke Halimanzi (uma besho bathi amabhunu athi kuye haal jou mense and waai ( base bembiza ngokuthi Uhalimanzi.Ngokodabuka sidabuka eDlebe umndeni wase ukhakazeka ngaselo sikhathi.

    Iminyaka emningi besizinze eLenge saseMhlumayo in Ladysmith.

    1. Fikile Noxolo Majola

      mina ngcela ukwazi ukt umajola nomchunu kuhlangana kanjani? nginokudideka nje ngba abanye bathi akuhlangani

      1. Ayi chaaa Fikile unenkinga kuchazwe yonke into emlandweni ukuthi uMajola uzalwa inkosi uLubhoko inkingayabantu badidwa uMajola ukuthi uyatholakala nase Eastern Cape abantu ababalekela izimpilabo besuka kwaZulu bazebayofika eMpuma koloni/Eastern Cape

  8. Vusmuzi Masilela

    Ngicela izithakazelo zesibongo sakwa Masilela

  9. Ngicela izithakazelo zakwa Dlamini. – ngizwe kancane
    Dlamini Mntungwa Lokothwayo

    Ngicela nezithakazelo zakwa Malaza

    Ngicela nezakwa Ngubeni

  10. Mthokozi Mchunu

    ndabezitha uyatholakala yini kuma social networks kunemibuzo enginayo ngesibongo sakithi emaChunwini

  11. philile

    Syabonga Macingwane sengizithole zonke ebengifuna ukuzazi

  12. Thulani "Sgidi" MCHUNU

    Ngisukuma nokuzibongela nami Machunu amahle. Ngiyojabula mangingathola umlando oveza inkosi yase Mooiriver eMdubuzweni, uPEWULA ukuth yena kulomlando uzalwa ubani azale obani kuze kube manje?

  13. Fanyana Mchunu

    Siyabonga Sisi melisizwe

    Ngizwa uthi oNgqulunga bazwalwa Kwa Mchunu, Mina gezwa abanye bethi ongqulunga bakhuselwa kwaMchunu.
    ngayikuphi okuyiqiniso.

  14. Bongumusa "Musa" Brian Majola

    ngejabula ngezincazelo zezibongo ikakhulu uMchunu noMajola khona abantu ababethanda ukungena phakathi kwethu engikuthandayo ukuthi umlando awuguquki uhlale umile nje

  15. Sonwabile Mbelebele

    can you please elaborate more about the Mbelebele lineage…
    my surname is Mbelebele and my clan name is Tolo,dlangamandla,mchenge,Zulu it’s a mfengu clan name. am doing research on its origin.

    1. Nkosiphendule Jama kaDlamini II

      Mbelebele, nxa ungu Tolo you then aren’t related to amaChunu. AmaTolo are the same as amaZizi. There are two lineages which we can trace uTolo, one from Soga, one from Ayliff and Whiteside which they collected from amakhosi wamaZizi (they gathered all abaMbo in the EC) in about 1835. Ngizoqala ngokaSoga:
      Ndlovu
      Dlamini
      Sibalukhulu
      Khuze
      Tolo (iwele lika Zizi).
      I personally reject this one for various reasons. Here is the one I that is true.

      Mtiti
      Miya
      Ncwabe
      Dlangathi
      Ndzaba
      Masango
      Ngubondze
      Tolo noMtiti (amawele) kunye noShweme/Limakho. UMtiti kaNgubondze uzele uDlamini 2 ozala thina ooJama, Lamyeni, Tenya, Ndlovu noLanga oseLesotho. So, there. We are still gathering the exact descendants of Tolo kaNgubondze.
      AmaTolo and amaZizi descend from Mtiti 1 who is a descendant of Matalatala (Dlamini 1) of the Swatis.

  16. Jama kaDlamini II

    @Mbelebele: nakuwukuthi you are Tolo it means you originate where I originate. You are not part of amaChunu but part of amaZizi but amaTolo have since become independent. I am still researching on the exact lineage of Tolo but here is lineage. We have two conflicting ones, I will elaborate on the one I think is more correct after giving you umnombo ka Soga osetyenziswa nangu bhut’Stanley apha:
    Dlamini kaNdlovu uzele uSibalukhulu ozele uKhuze ozele uZizi kunye noTolo, amawele, kunye noMiya noNdlangisa amawele. (mna ndiyawuphika lona). Nawu endiwuphakamisayo:

    Mtiti
    Miya
    Mcwabe
    Dlangathi
    Ndzaba
    Masango
    Ngubondze
    Mtiti II ozele uDlamini wesibini ozala oJama, Lamyeni, Langa, Ndlovu kunye noTenya. UMtiti/Mzizi lona wabe eliwele lika Tolo. Imfusi ibe nguShweme/Limakho.
    Nanko ke umnombo kaTolo.

    1. Jama ka Dlamini ll

      Siyabonga Dlamini ukucacisa. Umlando usinika inking a vele ngoba wawuqhubeka ngezwi lomlomo kungabhalwa phansi endula. Isikhathi uma Siya amaphutha ayenzeka ugcine sewushintshile.

      Inking a enkulu ngukuthi abantu bakudala babe benezimfihlo. Uma abantu abanolwazi oluthe ukwehluka kulolu esilubhalile beqhubeka nokuveza olwabo, lokho kuyasikhulisa isizwe sika Dlamini.

    2. Sonwabile Mbelebele

      ndiyabulela this info is really helpful and I really appreciate it

  17. Nkosiphendule Jama kaDlamini II

    Mbelebele, nxa ungu Tolo you then aren’t related to amaChunu. AmaTolo are the same as amaZizi. There are two lineages which we can trace uTolo, one from Soga, one from Ayliff and Whiteside which they collected from amakhosi wamaZizi (they gathered all abaMbo in the EC) in about 1835. Ngizoqala ngokaSoga:
    Ndlovu
    Dlamini
    Sibalukhulu
    Khuze
    Tolo (iwele lika Zizi).
    I personally reject this one for various reasons. Here is the one I that is true.

    Mtiti
    Miya
    Ncwabe
    Dlangathi
    Ndzaba
    Masango
    Ngubondze
    Tolo noMtiti (amawele) kunye noShweme/Limakho. UMtiti kaNgubondze uzele uDlamini 2 ozala thina ooJama, Lamyeni, Tenya, Ndlovu noLanga oseLesotho. So, there. We are still gathering the exact descendants of Tolo kaNgubondze.
    AmaTolo + amaZizi and abePhuthi (a branch of amaZizi) all descend from Mtiti 1/Mzizi 1, a descendant of Dlamini 1 (Matalatala) of amaLangeni in Swaziland.

  18. Jama kaDlamini II

    Ngiyakubonga ngempendulo bhut’Stanley. Uqinisile kukho konke okushilo. Ngicela ukuchaza. Mina umlibo obhalwa ngubaba uSoga kanye neNkosana uPokwana ungishiya ngingenele ngezizathu zokuba kawuwavezi onke amaZizi esephelele. KunamaZizi akwa Ndzaba, Dlangathi, Shweme noma Limakho/Limakhwe, awakwaMfene lawa ekuchazwa ngawo ukuba ayendawakwaTenza aze afuduka eluThukela alibangisa eLesotho lapho alithola khona elobuMfene. Kukhona namaZizi akwaBhengu (uNonyathi, uKhatsini), nawakwaTshezi (uTenza, uMkhabela, uCitshane). Lomnombo ofaka noSibalukhulu awsivezeli baqhamukaphi laba bantu. OMiya baba amaZizi kanjani ngoba bethi bona nawuNdlangisa bazalwa uMzizi?

    Okunye futhi okuba yinkinge ukuthi ubunengi bezindlu zamaZizi kazithakazeli ngoKhuze noSibalukhulu. Ezibafakayo ngoNdlovu (bathatha izibongelo zaseNhlangwini eqinisweni) bese ke nesikaJama lesi esikhandwa la kwi internet, haha. Ngafunda uR.t. Kawa (Ibali Lamamfengu, 1929), owakeliZizi ngokwakhe. Ngabuya ngafunda uBryant (Olden Times in Natal) beno Ellenberger (History of Basotho). UEllenberger ubhala ngabeSotho afake ke namaZizi angamaMfene wakwaMalukazi kaTenza kaMadikane kaMhlwane kaGoqolo (oMabhengu, Ngwane). Ubuye akhulume ngamaPolane wakwaMafu, bese ke ebalise ngabePhuthi, esakwaba yisizwe eLesotho. Labafwethu laba bayayiphika into yokuthi thina sihlangene namaHlubi futhi sabe sikhuluma izilimi ezehlukile (basaligcinile elabo yize selachashazelwa iSesotho kakhulu). Bathi bona uLaake (Langa) uzalwa uDlamini. Umlibo oyichaza kahle lento yilona wababhali esengiba balule wena wasemaMbatheni, wena Sontshikazi omkhulu kamaDlamini. Ngicela ukuwubhala ngokukaKawa manje:

    Dlamini 1 (Matalatala)
    Songololo
    Mtiti 1 (Mzizi wokuqala)
    Miya noNdlangisa
    Ncwabe kaMiya
    Goqolo
    Dlangathi noMhlwane (kuphuma amaMfene nabakwaTshezi, Saliwa, Mkhabele)
    Ndzaba kaDlangathi (uNdzaba nguMajozi, uMqhamo)
    Masango
    Ngubondze
    Mzizi 2, Tolo/Dlangamandla (amawele) kanye nemfusi uShweme/Limakhwe. Kukhona amaZizi akwaMbona isibongo sengathi azalwa noDlamini 2 ngoba isithakazelo sabo sithi baduba ubukhosi.
    UMzizi 2 uDlamini 2 yena ozale kanje:
    Langa/Laake, uLamyeni, uNdlovu, uTenya kanye noJama.
    Tenya:
    Tshanikuhle
    Njokweni 1 (kuphuma abaseSikhalweni kuye)
    Mhlanutshile
    Xuza
    Rhengqwa
    Mkhawu/Mrhawu noMtshibe
    Njokweni noMsuthu (izindlu zasebukhosini eNgqushwa).

    Lamyeni:
    Ngxibinoboya
    Ntondwa
    Mtatele
    Ndunakathi
    Ndosi
    Lunika
    Mkhuli (ngiyema)

    Laake/Langa ozala ubukhosi babePhuthi nabakwaMafu:

    Langa/Laake
    Titi (uThokothoko lona)
    Kobo
    Tsele
    Khanyane
    Mokhwebi
    Thibela
    Mokuwane
    Moorosi (inkosi eyasiza inkosi uMoshoeshoe)
    Letuka
    Masakale
    Chere
    Mochenko
    uJama
    Sijadu
    Nomane
    Mtikitiki
    Ntabuyenyuka (kangazi ukuyaphambili ukuthi balandelana kanjani)

    Langa

    1. Enkosi Zlzi elihle. May I have ur contact details so as to discuss more about various issues.
      076 364 3072

  19. Siphelele Mabutho Ngibe

    Mina nginesbongo esase Eastern Cape kodwa izithakazelo zami UMajola, Mchunu Macingwane Ngqulunga,Phakade,Ndabezitha… . Ngiyabona kemanje ukuth ngiphuma kuphi emthethwami. Mina ngidabuka Emzimkhulu. Futhi ngazi ukuth ubukhosi bamachunu kuke Msinga,Wasbank,Mooiriver,Nkandla nake Mzimkhulu

  20. Themba Mchunu

    Likhona iChunu elingangisiza ngezibongelo zika Macingwane kanye no Phakade?

    1. sibonelo mchunu

      jah ezikaPhakade ungazithola la kumina bhuti

  21. Hay ndiyabulela Nina bakwa mchunu,nam ndingu Majola,umchunu,ungqulunga kodwa ndikhulele e maxhoseni e east London so ndiyavuya ukuva ngesiduko Sam kangaka.nabantwana bam dizotshe ndibachazele kakuhle.siyathanda kakhulu uku visiter e kzn every year but I m so great to hear these news.Raymond Xolani Majola,Cape Town.

  22. Sthembiso Mchunu

    EKE MHLOBO WAMI APHO ECAPE TOWN RAYMOND MAJOLA SIKE SAHLANGANA NGOJULY EMNAMBITHI NENKOSI UNDABEZITHA WASEKUVUKENI ELENGE SAYIXOXA INDABA KAKHULU EKAMAJOLA NOMCHUNU SIYAFISA NANI BASE EASTERN CAPE UKUBA NIFIKE LAPHA EKZN SIHLANGANE SIKHULUME KABANZI NGALOLUDABA LWETHU SISAZOBUYELA FUTHI EMNAMBITHI SISAZOYISET IDATE YOKUTHI SIZOHLANGANA NINI NONDABEZITHA OSEMNAMBITHI SOJABULA UMA NANI NGAPHO UMA NINGAVELA NGINAYO NANE VIDEO YAKHONA SIXOXA NAYE KABANZI NGATHI MACHUNU ungangithinta ku 0721531827/0797277949

  23. Macingwane o Lembethe bona bangena kanjani emaMchunwini?? ngezwa kuthiwa nabo abakithi, kuthiwa kwenye yezindlu zakaMchunu kwazalwa umfana owaphuma embhethe kuthiwa babaza ogogo bathi hayi bo lembhethe ichunu sakheka kanjalo isibongo sakalembethe ngicela ulwazi uma kukhona onalo asicobele ngoba yinhle lenkundla ngokusichazela mina ngizalawa insinzwa kamaNtombela uGobile ugobe njengesikela yena ezalwa uMaphahla, uMaphahla ezalwa u Meke lonke loluzalo luphuma khona endlini yaseMsinga. Ngijabula nokuzwa ukuthi uZola owakithi insizwa esiyihlonipha kakhulu ngegalelo layo emphakathini futhi sengiziqhenya kakhulu uma sengazi ukuthi Inyanda yemikhonto lena. maMchunu Shezi Pietermaritzburg

  24. Ndabezitha ,ngiyezwa Melisizwe , siyabonga Phakade engathi singakubeka lokhu emiqondweni yethu ukuze sikwazi ukukudlulisa nasezinganeni , engicela ukucaciseleka kukhona ukuthi : njengoba uPhakade ngokuzwa kwami kuthiwa uyena owasuka eNkandla waya eMsinga kwasekwenzenjani ngoba uyena uwavusa ubukhosi sebufadalala ngenkathi uMacingwane engasabonakali nanokuthi ngiye ngizwe kuthiwa likhona iliba ( ithuna) likaMacingwane eNkandla , lapho abathi uma aMachunu eya khona kuvele kuphume imamba eluhlaza ikhuphuke ngesihlahla somupentshisi bese beyakhothama maqede yehle .YEYESA

  25. Izibongo zikaMacingwane zithi zipholumeva olwahlaba umkhwekazi kuleyondawo.Ezika Phakade ,uphakade akagugi ithole elehla ngamandla ekwehleleni alngesaba kulimala . Sibonge kuwe Melisizwe muhle umlando osilethela wona , sekukuthina ukuwugcina . NYANDA ,YEYESA

    1. Awungisize Nyandayeminkonto, ungiphe I source lapho uthole khona izibongo zika Macingwane kanye no Phakade.

      Ngiyabonga Phakade

      1. Cingangwane

        kukhina obaba nabafowethu abazaziyo, inkinga isikhathi siba sincane uma nginabo , sijwayele ukuhlangana kunemicimbi ,kodwa ukuzithola ngobuningi bazo ungashayela kulenombolo 0793262087 (Buhle Mchunu)

      2. mfanelo01

        Ngixolise ukuphuza kangaka ukuphendula mfwethu , Cha ngiye ngizithole ekhaya kubafwethu abahlala esigodlweni neNkosi (emachunwini) kodwa mina angikho eduze kwayo .
        uma . ngisazobabuza ukuthi zithini sezizonke

  26. sibongiseni Mchunu

    Syabonga ukusazisa ngemvelaphi yethu Machunu ngoba Mina Nje bengingayazi .kuyasiza lokhu ukuthizazi nezibongo ohlobene nazo ngaze kwenzeke okubi kuganane abantu bandawonye.niqhubeke nokusikhulisa ngemvelaphi.Ngyabonga

  27. I wish I could have contact details of Jama kaDlamini II, I am from the Goqolo clan ( Mabhengu, Ngwane)

  28. mthabiseni khoza

    Ngbingele bengcel ningphe ithakazelo zaka Khoza ngyazaz kancane ay zonke,ngzaz lana, khoza ogumende otshamanzi nina bakwa Mzicela nina bakwa mlamlankunz nina bakwa mkhathini ongabonwa obonwa izinkonjane kphel nina bakwa malebe egwevu nina enimhloph ngenhliziyo njengeqwa nanjengoswayi,ngzaz laph kphel

  29. Nonhlahla Mchunu

    Syabonga ngezithakazelo zasekhaya oh maybe kodwa sinolaka singoYeyesa kodwa mhlampe asifani zingane zakwethu

  30. Ngyaziqhenya ngomacingwane ncono sengiyazi ngemvelaphi yami iam proud of my surname ngiyanithanda nonke bo macingwane

  31. Thanks guys for the good job you have undertaken. It is highly appreciated. I would like Mr Jama kaDlamini II to forward his contact numbers to me.

  32. Fikisile

    Fikisile Mabaso (uMaMchunu)
    Ngiyabonga nonke bondabezitha. Ngakhala mina ngishintsha isibongo and namanje akwehli kahle. Ngiyasithanda isibongo sami and mina ngibona sihlukile sonke thina bakwaMchunu (unique) Ngiyanithanda nonke Macingwane amahle. Ngijabulela ukuzwana kwethu uma sibonana noma singazani……….

  33. Freddy Mchunu.

    Ngiyazibongela ngencazelo osinike yona ,izithakazelo aze zibalulekile ukuze sifundise nezingane zethu.

  34. Nonkululeko Ngqulunga

    Siyabonga ngokusazisa imvelaphi yethu Singabase machunwin oNGQULUNGA yeyese phakade ongagugi

  35. Sanibonani nonke bakwethu

    Ngizoqala ngibonge kakhulu kuMbathastan ngokunakekela inkundla ebaluleke ngaloluhlobo; futhi angibonge nakubafowethu nodadewethu, nabazali bethu ngokunikela ngolwazi kulesigcawu esihle kangaka.

    Mina nginguMajola, omkhulu bami badabuka eXopo, kwaNokweja (KZN Midlands). IsiZulu yilona limi engiluncele ebeleni, kodwa uma (if) abadala bexoxa umlando, kuyavela ukuthi ukhokho (grand-grandfather) wayesithetha isiXhosa, bese ngidideka lapho-ke. Kodwa nje ubaba ongizalayo wayekhuluma isiZulu esome geqe futhi wayethi thina singamaZulu.

    Manje lento iyangihlupha emoyeni ngoba phela njengoba sazi-ke songe ndlu kaNtu ukuthi uma kwenziwa umsebenzi wabantu abadala kuye kusetshenziswe izithakazelo, futhi-ke uma (if) kuziwa ngasesilwaneni okumele sisetshenziswe: kwaXhosa kusetshenziswa imvu (sheep), kanti kwaZulu – imbuzi.

    Okunye engikukhumbulayo, wukuthi ubaba wayethakazela athi: “Nina enihlamba ngobubende, abafokazana behlamba ngamanzi…”. Ekhaya sikhule silulekwa ngokuthi thina bakwaMajola asilidli igazi lesilwane (i.e. lokhu okuthiwa yiqobelo = igazi lembuzi/nkomo, etc. eliphekwa lixutshwe namaqatha enyama yangaphakathi). Futhi kwakunesisho sasekhaya kwaMajola esasithi umuntu wakwaMajola akayibhemi insangu, ngoba iyamala (allergic) kangangokuba angahlanya imbala. Nogwayi (cigarette) lo sawuzama nabafowethu wasehlula, kanti-ke nje angimkhumbuli umuntu wakwaMajola/Mchunu obhema into eshunqayo, nokwenzayo kuvame ukuthi kubonakale izimpawu zokuhluleka (e.g. ukubhayiza, nokulutheka [addicted]);

    Kodwa-ke, okuyiyona ngqikithi yokubhala kwami kulenkundla, ngicela onolwazi angisize ngomlando wakithi, ngifuna ukuthola ukuthi ngingena kwaXhosa noma ngingena kwaZulu (Chunu) na?

  36. Andile Maxwell Hawes

    ngicela ukwazi ukuba uDlamini ozala uLatha ukuba uphumaphiyena ezala uZulu yena azale uMashwabada, unceka, uNtshawe noDadaengathi bazathakazela bathi Sidwabasiluthuli

  37. manqoba Mchunu

    Siyabonga Macigwane. Igama uManqoba Mchunu okhulele egoli kodwa u baba wazaledla emsinga EmaChunwini wakhulela E-scote and moved to Katlehong Gauteng after the death of his father to work for his family. I would like to share what I have been thought by my Father.
    MCHUNU
    Macigwane, Nyanda yonkanto, Jama Kanslwame, Yeyese, Yise Wasemngeni, Wena Owanyathela ukudla kudliwe, Ndabezitha,

  38. Jabulani

    Sanibonani. I am trying to understand the linkage between Mnguni , Mchunu and Ndima

  39. Mnce

    Thanks gentlemen. Keep it up with the good work. Mna ke ndingu Goqolo, Mabhengu, Teni, Tshengezana, Tshevula, Ngwane. I have read all the books mentioned above except History of the Basotho by Ellenberger. Please advise, how can I get the book written by Ellenberger?

    Thanks

    Goqolo

  40. AmaChunu are the Chunu tribe, Ama means “Tribe of”. The Chunus are an elite warrior class tribe that consists of 8 clans of each nation that live in own villages but their special occupation is to fight. To find more examples of AmaChunu, just look up the Manchu in China (this is where Manchurian candidate comes from). Before white people came, the Chunus were based in Angola along with their close cousins, the Maputu/Mpoto/Mpondo. See, Pondo lived in Kunene and surrounding areas in the South of the Kikongo Kingdom that traded with the Portuguese. Remember that from the Pondos comes Mkhize, which is actually a tribe called Kisii/Gusii/Nkosi/Ekosii (the Khiza story with the trek ad the mountains is nonsense). They would thus have been the Putu-Kisii. Maputu/Pondo are a warrior class Gaada or Nkatha. How Gaadas worked was that each Nkatha would be formed by different nations as agreed with each other. With the old Kingdom, it was big and had its centre initially in Ithiopia until it moved to Kikongo and then KZN. There were at least 5 different Gaadas/Nkathas. The Xhosas fall under the Borana/Korana/Kran/Kolan/Golan – which contain the Sapo/Sambo/Mambo and the Gona/Kwena/Ngwenya – both are large Gossas/Khozas in Africa. The Borana(Ethiopia)/Korana (South Africa-Cameroon-Nigeria etc.) were great artists and singers and in fact sang in religious functions and performed some Gaada rituals such as rite of passage and it was supposed to be a place where one sought refuge if they killed someone by mistake. This included the Khoi Khoi (herded cattle and sheep wherever there was grazing land), San (Moved around per season and pure foragers and hunters – some kept goats) and Zulus (sedentary farmers – stayed in one place for many seasons) – All black and all Bantu. Another was the Mchunu – an elite fighter unit. Maputu – the Right-hand house and Mazalankosi of the Northern Milalulu area (that’s where “sehla ngesilulu” partly comes from – just google it and you will see what I mean). I do not understand yet 100% how they worked but i know this: You could start off ages 0-8 years in Mbo country, then 9-16 at Ndebele country, 17-24 at Korana, Cape Town (learning essence of being Nguni, spirituality, astronomy + travel and singing/libations, 25-32 – Venda (learning crafting, trading etc. 33-40 – MaLuba (Kongo) 40-48 Machunu, 48-56 – Borwa/Birwa/Mlilwana/Zulu (own chiefdom) or you can start your own new Gaada (which is what Shaka did and destroyed the old Mambo Kngdom that ruled Zimbabwe, Mozambique, Eastern and Western Cape all the way to Kongo. My 2 cents. Learn about Inkathat yangempela also called a Gaada system. This is the governance and educational structure we need in South Africa – there would be 9 unemployment and people would be 100% happier.

    1. Andile hawes

      It would be appreciated if the writer could give ten generations back from Macingwane as it would help to know the original tribe of AmaChunu.

      Please explain the genealogical connection of Majola and Mchunu as it would help the confusion that exists between oJolonkomo ama Mpondomisa who originate from Sibiside. According to history records, Mavovo of amsChunu and Mavovo of abaMbo are two different individuals.

      The interesting phenomena of that era is the domination of kids born out of Msizi ritual as Kings. What was the significance in relation to new Kingdoms?

      Thank you very much for the artice

      Andile Hawes

Leave a Reply

This site uses Akismet to reduce spam. Learn how your comment data is processed.