Mqwambi, π
Holomi,
Khawuta,
Tete,
Tshanabe,
Tshazibane,
Gcaleka! ππ
Day: 19 September 2022
Mnikathi, Khaphela, Gcwensa, Β πΒ
Maqoqo, Soyika, Mngethwa,
Noziphaka, Gwingcane, Mthondo
khweli ntaba, Nina enancisha ingane
inigqolozele, Nina enafumbatha
ngakubili abafokazane befumbethe
ngakunye, Nina botho elidala, Nina
bakanogubuza phezulu eZulwini, Nina
babali bentuthwane yadluli thwele
yadlulingathwele, Mavulihlathi
kwavulekindlela ebheke Mgungundlovu. Nime njalo nina
bekhehla ingundla zintaba yaze yayophelela ezintabeni zaseMthulini
uManzini Mnikathi uziguduzile zaka Zulu bembiza Mnikazi wezinto
waliguduza elaseSwatini bambiza Mnikati namuhla baziqhenya
ngesihlangu sakho kwesikaMswati, ubuze uNxamakala uyazi kuthi lesihlalo aqhiyeme kuso esikabani. Gcwensaaaaaa ! ππ
Yamela,
Dazela,
Mdodo onga amaphela,
Khoza,
Makhobeni,
Sililela ukuphana abanye belilela ukuncishana. π
Yamela omazinyo amahlophe ngokungasiphuzi isijingi uphila ngentuthu yempepho njengezinkonjane zezulu.
MdlovuΒ
UMphahlwa Umphahlwa ophahle izindlela zombili eya emgungundlovu nase mgungundlovana,
umagwaza ephindela njenge zulu,
ihawu eladla amanye amahawu,
umgibeli wehashi elimpunga elabonwa umlungwana ebheke empofanyana udumo lagwaza amajaha ayengakagwazi, umsingawodi,Β
Umanqondo Inyathikazi yokhalo,
umbombombo kamachamsela unididwa ngemihla, induku emhlophe eyamila esigxhotsheni, labasakhiphe lomoya yagudleka ngalapho yakhula yaze ya isihlahla esikhulu esihlala amashinga,
isigejela esimadolo abanzi isigodo esikhulu esivimbela abaya eluSuthu, Cirha Onojaholo, Ntswentswe !!! ππ
BhebheΒ – Makhedama, Soyengwase, Nina bakaBhebhe kaMthendeka! πNina bakaSoqubel ‘onjengegundwane!
Nina baseSiweni, kwaMpuku yakwaMselemusi, kwaNogwence webaya! Dlomo weNdl ‘ende! Sihlangu samavaka seswel ‘ababhemu! Wen ‘owalala nomunw’endunu, wavuka wawuncinda wawukhomb’ilanga!
Makhul’emini abafokazana bekhul ‘ebusuku!
Zingwazi zempi yakwaNdunu! Njoman ‘eyaduk’ iminyakanyaka, yatholakal ‘onyakeni wesine; yabuye yatholakala ngowesikhombisa!
Langeni, owavel ‘elangeni! π
Khathide π
Masobode,
Wena owasobodela udlubu nokhasi,
Mgwaqo awedlul’esibayeni, ngoba kuvalwe
ngamakhanda amadoda,
Mbend’ebomvu enjengetolwane, Boya obuningi obungangenyathi,
Mbokod’ebomvu kaMagayiza esunduza abeSuthu
namaNdebele,
Sicabha esihle esakhothwa izinyoni
zakwaKhathide,
Sombheshane, Makhunga, wena owakhunga izimbila emgedeni,
zaphuma zingenamisila,
Nanamuhla azinawo umsila ngesimanga
sikaMaKhunga,
Ndolwane,
Magonondo! ππ
Sikomolo πππ
Ngwane,
Ndungunye,
Mbizela,
Masumpa,
Masenga Sileka,
Ndukuzinobulongwe,
Hlongwane! πππ