Ke Mokgaga wa Mmakubela,
Ke hlapa ka Maphoto ka meetse,
Ke tšhaba go paologa/sehlefala.
Bakgaga ga rena moeno,
Re hweditše noka e tletše,
Ra re go ana ke go thapa.
Maupa a tia koma leopeng,
Marumo ga a tšhabiwe,
Go tšhabiwa tlala le moya.
Ke nna Lehumo a Serogole,
Lehumo a sebidikana,
Ba rego le ge o ka hlapa wa tlola,
O ka se phale Lehumo la bo Ntlhodi.
Ke nkwe masesane,
Ya go loma mediti,
Makgopong a go befa le kgoši.
Rena re ba bina Tlou, makubu re matebele,
re batho ba baboago Tubatse tletlolo (Stoffberg),
ga mmamorongwa wa Lesiba le Phetola.
Ke nna Mokgomola Madutlela (Rapitsi),
moneša-pula eseng phefo,
moneša pula ye esa dumego (Pula ya Modupi),
yeo enago ka marothodi a bo pula.
Ke rena segata ka moshito, ditsebe ke maphaga…
Re bana ba Kgosi Mafedi Madutlela go tšwa Phashaskraal ga Madutlela (Sekhukhune).
Re bagale ba Marumo maila go fenywa !!
Ke nna Mokgomola Madutlela,
Moneša-pula e sego phefo;
Moneša-pula ka marothodi.
Tlou! Segata ka moshito,
Ditsebe ke maphaga a go thiba phefo.
Motho wa go gata go šiiwe,
Wa bo-Mokgomola a Madutlela !!
Rena re ba bina Tlou, makubu re matebele,
re batho ba baboago Tubatse tletlolo (Stoffberg),
ga mmamorongwa wa Lesiba le Phetola.
Ke nna Mokgomola Madutlela (Rapitsi),
moneša-pula eseng phefo,
monwasa pula ye esa dumego (Pula ya Modupi),
yeo enago ka marothodi a bo pula.
Ke rena segata ka moshito, ditsebe ke maphaga…
Re bana ba Kgosi Mafedi Madutlela go tswa bolepye ga Madutlela (Sekhukhune).
Re bagale ba Marumo maila go fenywa !!!