BAKGALAKA WEEEEE!
KE SEMENYA SA MMAMASAI,
SA THEKO YA MAHLO A MAHWIBIDU,
MAHLO A HWIBILA A HWIBILELA GO HLABANA,
KE MPHARENG A SENA KGOMO A KA LEMOLA MOTHO,
KE BA BO LEFENYA TLALA E EBE SETLAELA E TLAELE,
BATHO BA NGATA O MOSEBO,
BA BO LEHO LETSHOLA MATSAMAKA MABEDI A SALE PITSENG,
MABEDI A FEPE BANA.
MAFIRI WEEE………………………….
KE MAFIRI A MMUPUDI MADIA SELO A UTUWA
BANA BA BO MACHUNE A NAKEDI A FATA,
MAKGALAKA A DI NGOTLO RE LOBA RE BOELA GAE!!!!!!!!!!!!!!!!!!!!!!!
MPHARENG WEEEEEEEEEEE !
Ahee Ditlou wee!!
Ke batho ba Mohlabeng wooRatlou
Tloukgolo ya Madirokana
Batho ba go boya boakamela Mpodu bokgalaka
Meboto ya babe phalatswe e kae?
Tswapong ke kae?
Ke ba BoMohlabani Mohlabi hlabana ntwa le sekoloto sa Mpodu
Manowe a mohlaba o sale e le bolemi bo bokhwibidu
Ke Tlou ga ena serole
Motho gare go ‘ana Tlou a fseega
Ke tshetshema o lema mphane ya khuma lelodi
Sethulame re ‘ana Thaba ya Ramponye a’kgosi
He o le letswika ngala
Rena re ba tshilo ya marobadiepe
Baroka marothi magolo a Meetse a mapula
Meetse ya ba mafalela lekwiting la seokodiba morengmogolo Seokamela makala
Meetse re nwa khutetsa boakamela a manowe
Ditlou wee! Bare Motho are go ja a khora
Are penye penye a gata batho ka digata masepa
Ke batho ba mmaphela badimong
Seakamela sere go busa wa sinyalala
Bare ge re busa reala diatla go khuparetsa ke go khora bogosi
Ke mapolane a bolenkwe lepataka la lethole la mabala a makhwibidu
Kua moseanoka ba ruile dipudi
Mpodumokgalaka o gapile dikgomo
A ya boakamela noka ga e nyogwe
Boakamela gao etelwe bosiu
Mokgekolo o e tserwe ke phiri shuping
Ke Mpodu Mokgalaka koma tsa gagwe o rupa le basadi.
Ke tshaba mediti (it is too long….)
Ahee Mokgalaka wa Makhenyani wa go nya boloko, Baroka ba ke nya dithokolo,
wa nya pheta ke a topa ka bea thamong.
Re Bakgalaka ba Bokgalaka Phalaborwa bollanoto Thabeng ya Serotlo. Morolong wa morodi tšhipi ye khwibidu
Re bakgalaka ba khenyadi tshumeni mankha-noto tshipi ya kgata yengwe e a menagana.
Phalaborwa-bollanoto Thabeng ya kgokolo ntshwe la Badimo. Serotlo Serotlantshwe meloko se kopantsha bana ba thari ye ntsho.
bana ba tšie kgalaka re Bakgalaka ba Nmatha Matomma Botomi ya ba bolao re ba Tshwene ya Masia legare marata go beola dingwe.
Ditshwene moswana o opile phala mmala ge a re ‘kudumela maepa thotse ga go lehumo le le tswago kgauswi’, ge le ka se dire bjalo le tla hloka le pudi ya leleme le letala.
Ke rapatsa patla e kgolo ya Bakgalaka, ka patla ka re khii
Barapatsa re siile bokgosi morago kua bokgalaka.
Ageee Bakgalaka weeee!
Rena re batho ba Phela a bothata;
Batho ba ga Seakamela sa podu mokgalaka;
Ba re o sere o ana tlou wa tšhoga;
O ana selo sa mošito o mogolo;
O ana kgolo a mmadiroka;
Ke batlogolo ba bo kubu Mmamotlotloane le sehlare sa masogana;
Ke batlogolo ba ga ntšana a sekgala;
Ba mahuduwa a se na ntlo!
Agee Bakgalaka!!!
Ke Sebata se segolo sa mamoriti o maswe ga o nnwe ,o nna ke mona le pelo.
Bakgalaka wee boelang gae hlogo tsa mampsa dia bola,di hloka le bakgakgathedi.
Boshulawee,, bakgalaka weeee
Maphoofolo tswapong ya thaba ya ngwato,ba duma moriti bao lebeletse,bare retla o tsena bjang.
Mo go patlameng nna tau ya bokgalaka,banna ba longwa ke mala ba sulelwa,
Agee Sebata wee, Bakgalaka weeee.
Mokoatlo surname info
Bathokwa ba mmaseboko boko ase retwe baneng.
Bana ba mosadi a marago a pitsa e kgolo, batho babo sebopo nkekenene wa setswhara se tsoga maragong ,
Batho babo Thikitla wa Mmakata,Sekgwaula o kgwahlile lege ba ntia seola melora,
Rena re magadimana ntweng gere elwa gare gadimane.
Re bomaila gotenwa! Bathokwa wee!!!
Mahlangu ,Matsutsa wee!!!
Batho ba go tšwa gaShashi wa Muune antlo tša goswa!
Keba Mmalodi a Bokgalaka,
ke ke batho babo Sebothata sepalela masoana.
Ke ba bontsha mpaka o faole tshukudu dilo tsa Naga di botse di faotswe,
Ke Moswana Motalane wa bomma Maropeng.
By Percy Malodi
Ke bakgalaka ba Ramaite!!
Ke Babirwa ba Mmathokolo’a Tlou.
Mmirwa’a tšwa makopo a se Mmirwa ke mmirwana.
Agee ditlou wee!! Ke Moseri’a matsikangope!!
a’kgope Mmashape bodiba boretele
Makgatle wa bo maite, motho wa botse ka montle le ka gare
Agee ditlou wee!!
ke ba bina Tlou Moseri’a meraba ,
Mmashape ‘a loka la bo mmatepe dinonyana dilla boshego le mosegare le ge ngwedi o kganya dire tso tsiwo tsiwo !
Ke Sebata se segolo sa mamoriti o maswe ga o nnwe ,o nna ke mona le pelo.
Bakgalaka wee boelang gae hlogo tsa mampsa dia bola,di hloka le bakgakgathedi.
Boshulawee,, bakgalaka weeee
Maphoofolo tswapong ya thaba ya ngwato,ba duma moriti bao lebeletse,bare retla o tsena bjang.
Mo go patlameng nna tau ya bokgalaka,banna ba longwa ke mala ba sulelwa,
Agee Sebata wee, Bakgalaka weeee.
Ke Masetla tlou ya Bolepye sehula tlou ka thebola ya hwa e sena leshoba.
Ke tlou kgolo ya Bolepye diphelele di tswa Bokgalaka . Ke Masetla a ntswanyana.
Ke batho ba go shia Thaba Bolepye Thokola ba e bea kae.
Ke batho ba bo Masedikwe sa Bokgama batho ba ga Mmapedi.
Ke batho babo Mmakoto Moetlaetli monyana wa ga Masetla, kgaetsedi ya Makoba la Moletlane
Ke batho babo Masetla bana Masetla bana Maretologa mohla mongwe a Fulara.
Ke batho ba bo Matome thate ya seepe wa tla gatee wa tlogela.
Yena morwa Tshukudu ya mpapanana.
Ke bona batho ba bo Pheegane a Malesela.
Makgobokane, rantsha ya ja leoka kua gabo sekhatsa sa moratha tlhako di a lewa.
Ge ele maoka a lewa itsweng Ke mokwakwalla molema tshemo a sa fetse.
Ke bona Batlogolo ba Makoba. Lena Makoba la Moletlane. Ke Morwa Masetla ‘a ntshwanyana.
Ke batho ba bo Mahlodi , Mahlodi la ba ntelele. Go lla Ke go llishana.
Ke yena Mahlodi la Pitsa falala.
Ga bo pitsa go hwile mang.
Ke batho ba boyago Bolepye
Tsatsi la fisha Bolepye
Phalaborwa le besha nama
Agee tlou – Agee Bolepye wee!
Powered by WordPress & Theme by Anders Norén