BAKGALAKA WEEEEE!
KE SEMENYA SA MMAMASAI,
SA THEKO YA MAHLO A MAHWIBIDU,
MAHLO A HWIBILA A HWIBILELA GO HLABANA,
KE MPHARENG A SENA KGOMO A KA LEMOLA MOTHO,
KE BA BO LEFENYA TLALA E EBE SETLAELA E TLAELE,
BATHO BA NGATA O MOSEBO,
BA BO LEHO LETSHOLA MATSAMAKA MABEDI A SALE PITSENG,
MABEDI A FEPE BANA.
MAFIRI WEEE………………………….
KE MAFIRI A MMUPUDI MADIA SELO A UTUWA
BANA BA BO MACHUNE A NAKEDI A FATA,
MAKGALAKA A DI NGOTLO RE LOBA RE BOELA GAE!!!!!!!!!!!!!!!!!!!!!!!
MPHARENG WEEEEEEEEEEE !
Ke Ngaletšane se ngaletša mošomo, magana o bona madi a kgwathe fase.
Wa Makopo ‘a masia legare, selatswa lebje lephoko, a re lebje nkane o ntanya meno.
Morodi wa tšhipi, marata o kganya ge le hlaba ka Bokgalaka.
Ke molora wa moretšhe, le ge mahlo a khibitše, tša menong di na le seetša.
Sebone mosolosothi bo nnyane, botšiša tlou, o tla itšhatšharela.
Ga gešo re duma hlogo tša ditšhukudu, go lla noto ebile la Boroka le ya nošetša.
Ke setlogolo sa Ntsoko ramanna ka bothata ana le Madibana Seopeng, Kwena ya mosela o mo telele. Banna ba re ga e bolawe basadi ba re e sa le ye ntokwana.
Bokone, ba mo halela lehoho le di kgomo a diše, le ya mpotoko a ba mo rwadiši
Ke ya Masenyane e nya boloko, Baroka ba e nya dihlakola. Tloukgolo ya Bokgalaka, ditlou Tshubya ke ditshwene, ga bo tšona ke Bolepye.
Ke tshwene senaiwa mmele, se gana go naiwa makopong.
Khunelang tshwene letete, mogolo ga a hloke thokgola.
Keba Mmalodi a Bokgalaka,
ke ke batho babo Sebothata sepalela masoana.
Ke ba bontsha mpaka o faole tshukudu dilo tsa Naga di botse di faotswe,
Ke Moswana Motalane wa bomma Maropeng.
By Percy Malodi
Bakgalaka ® clan names. Iziduko Bakgalaka 😍 Bakgalaka Origin. Bakgalaka History
The meaning, origin and history of the Bakgalaka surname is not listed.
This surname is prevalent in South Africa
Powered by WordPress & Theme by Anders Norén