Mamaila ba bina Phuthi

Sereto sa Ba ga Mamaila
Rena ba ga Mamaila
re dithamaga tša bogatšana,
re batho ba go tšwa Mashishing a magolo.
Ke manyapa a hlabirwa,
ma ila selele.
Bareng: Diphuthi ke basadi,
Mashishi ke banna.
Re batho ba go ja thepe makanjane,
ke bana ba Kubane, macheyi a ditaba.
Ke bana ba Lekate – Phuru le Legolo;
ba re: “Lekate shole, o kata ka senthago.”
Re sobela Moutsane, re ya,
re sa yele go dula,
re ya re boe.
Ke Mamaila Mmatabe,
yo a tabago moloko,
a bo a tabanya le meloko e šele.
Ba re: Mamaila, hlompha Moretse,
gobane Moretse ke mogolwago.
Re batho ba marama a motago ga dithama,
ba re: Ngwetsi, o se tšhoge Mamaila;
le ge o ka lla,
o tla belega bana,
o tlo ba Mmetlwa le mmetwana.
Re dithama tše ntšhi,
dikgaka tša go goboala,
tša šaba le go kgamathela madi a phokgwe.
Ke tšhaba baditi…