Sereto sa Mohlala-Morudi

Agee Mohlala-Morudi moka Letebele, maoto nke ke leseya. Hlomela maoto e be diphatana motlatlaila Mokwena.Rebowa Mogodumo a bana ba šika la Nape. Sepitsi e rwele nka e etela Mogodumo. Thaba tše pedi go rata go etelana ka meriti.Batho ba Mphogoduma leope noka ya go šita makgema go tshela.
Re batho ba leruruba ba Lesiba la bo Kgomogoroga.Ba ruma ka nna ntwa Maroteng Bapedi bare kgoši re alwa, re lwa le batho ba thipa e khubedu.Ke batho ba sekatakata sengope ba sekgoro sa maleša motho moetlo kgomo o tšee dihlako o bee kgakala kgomong ya ngwana a Mašilo.Re bow Tubatse tletlolo re batho ba kgomogorora morwa Mohlale le Mogohlo.
Re Bapedi gobane re nwa meets a noka tše pedi, Motsepula le Tubatse.Ke Mokutu mo tlala maudu o tlalago mathetobola molapo meetse a pula a sa tlalego.Re bowa Sellale saga Ra Mohlala-Morudi Tswako reiše moano. Re tšhabile rupu sa meeno go betlwa.Re bowa Sebetole maru a maso a Ngwatlale a bonago ke motsogi gae, motla letšatši ga a bone.
Agee ge gešo mono Matibidi a namane Mphato makolokotong a noka ga mogutšana tšhautšhau mogotšana fetoga pula batho ba šupago tlala ka monwana tlala e tsoga e tlogile.Gobagobane o fetile bošego magobareng a swere goba sa motho e ka be ele sa kgomo a kabe a ntshegetše.Ba ga Mohlala ga re ba nyane re ikgodiša ka legowa la pula, bana ba monamodi a ntwa ya Mogologolo re ra Hlong lehlankela Batswako ba Mosoma.