Ke BA Moabelo a Thaba,ke bakone ba go itia dikgopo le matsogo.
Ke batho ba bo kukumara a boima ,o rwesitse matlala seimaima, sebodu Sa rantlapela a fotwane.
Ke batho ba bo kgomo tsa bo mosimane ga di jewe ,ge o jele tsona o jele modimo o jele kgwara ya ramakgaphola a fotwane.
Ke BA bo nkgogotlana malesela,ke yena leshala le etla la Moabelo a Thaba.
Ke mahlaburwane a madietane,mabaka dinama tsa kgosi.
Mamokgaswe o fihlile Lesotho,meetse a megobe a kgapatseya.
Letlametlo la kgodupong la ntsa hlogo le hunyela le kgantsa dinama.
Ke batho ba madietane a borwa
BA makgabutla a malope
Boulaula matlakala.
Kgosi ya go hwa maloba,maabane e letse e oma.
Ke sefofa ka fly machine ya mokgorogoro, e lebile mosee WA mawatle.
Ke batho ba bo padishi, dipatla o swara diwane o swara dilo tsa go hlabana dintwa.
Ke batho ba malegora legaela tshwene,tshwene e sena boagelo.
BA ramodiela a mosehla, nonyana nkopa selemo,lehlabula e ja tsa yona.
