Ke bakgalaka ba ramaite,Ke babirwa ba mmathokolo’a tlou
Mmirwa’a Ε‘wa makopo ase mmirwa ke mmirwana
Agee ditlou wee!!
Ke Moseri’a matsikangope wa kgopela maboshapa wa bodiba boretele makgate wa bo maite motho wa botse ka montle ka mo gare o betere,
Agee ditlou wee ke ba bina tlou Moseri’a meraba monadi wa loka la bo mmatepe dinonyana dilla boshego le mosegare le ge ngwedi o kganya dire tso tsiwo tsiwo !
Agee bakgalaka wee,ke bakgalaka ba thokolo Enya maswi,bakgalaka ba bo tau ya tswala ya molefe,a re ke batho ba bo maropeng a Moseri’a matsikangope,Ke maadimangwe bare mengwe metse a tsene o tsena a sia matoko,ke batho ba bo matome thataseepa ngwana magosi a Rema ga tee a lesa,bakgekolo le bakgalabje ge ba molaya bare matome thometsa moo ore geo thoma o thome ka mmu wa bo sethemane dilo tsa bo masesete mokgatho wa nko le molomo,agee ditlou wee ke tsona ditlogolo tsa bo mogale mogalefa gohle are mpe a boa are ndou,ke bona batho ba bo tabudi ya masogana tabula banna matswalo, iwuuuu!