Tag: seakwa

Agee mokoneee ….weee

Ageee mokgaga wa mmakubela..

Mokgaga wa ntshi-dikgoloooo….

Ke mokgaga wa mmahlapane ka mapoto;;;ahlape ka meetse o tshaba go phaologa..

Ke motho wa bo mmangata a lekgolo

Kgona kheribane kA bo ra-BOTSHILO

Re batho ba go tswa khe phame ka mmamoatli a tiloane.

Gona kua khe lwa ka mphaka…

Ke phutiana ya boya bontlana ;magola ka go ikhilela…

Ba re phuti hloga dinaweng;tsa makhura di na le benye

Ba re mokgaga ga a shome marega a re o tshaba go kwa maotshane;

Selemo a re o tshaba go nkga makgwafa.

Re batho ba bo Lehlodi la ntshana se tia koma legoleng

Makubu batla ka go bogela

Letshibogong ge o ka wela bakwena

Le rena Bakgaga re wela kalona.

Bakgaga gaba tsele noka.

Ge ba tsela noka ke ka morato wa kwena…

Bakgaga ga ba na moano

Re batho ba bo Ntshaupa la bora bosehlana

Ba re maupa ga se ka leshoto

A upa upa dinonyana…….

A tia koma selemo

A tia koma leopeng

A tia koma le ka metla a dipula..

Re batho ba bo Mmatshwaana kgomo ya bokgaga magana golala le dingwe ya re e tshaba go hlola maraga

Aggee Makgotlo nonyana ya bosiu….

Ya re ge a kwela ka mafuri a apara dieta ..a tshaba go kgohla mantle a dihlogolwana

Ageee Maphai kheshakene kgope ya twakiri —-Ramalepe

Ba re ke kgomo ya Mabushe sefulela kgole

Ke kgomo ya moshate se llisa badisa….

Wa e gapa o molato

Ba re ruri ruri go bane MAAKE wa nthata

Omphile mokgopa wa tshipa

A re ke sa le re tshakaila tshakaila nke thete……ke re

ke nna motho wa bo BOTHETELE tshirolla moetse ga ra mampsha a molebelete

Motho wa bo MAMPSHE lehu lakotseni…..

Re batho babo MALEPE malema megwene

Rena bangwe re lemile kgaufsi le di tsela

Agee LEHAKA kgolo koboga hlogo— bakgaga ba koboga dikgara..

Ba re bodiba ke bjo botala;;;

Ga bo akumelwe

Nna MAAKE ka bo akumela

Ba makala ba re nkane a boile…….

aaaaaaaiiiiiiiiiiiii aaaaaaaiiiiiiiiiii mekgolokwane……….

Ke tshaba mediti