Clan Names, Meaning & History.
surname info is currently not listed.
If you know its Meaning, Clans or History, please add it by making a comment below.
Tag: sealogo
Ke batho ba Selamolela matebele,
Bakgalaka re bua nabo,
Batho baga ngata ya masebo,
Batho bago aga ntlo bodibeng,
Batho bago ana ka mmamoyo-motloutsi,
2)Ke batho ba ho okama-a-madiba,
Bare sere o bina wa okama bodiba,
O re le ditlaela diwele ka metsing,
Ke batho babo mmamputla-a-tsatsi,
Batho bago gotsa mollo bodibeng.
3)Ke batho babo mabifi-a-mahlo-a-makhwibidu,
Bare hee lena basadi bitsang banna,
Batle le matswaa bae bofe,
Lea bona e khwibiditse mahlo,
Mo etswagogona basadi barotse mangina.
4)Ke motho wabo chaisa ka marakana,
Ka makhwibi a letsatsi,
Bare ba eja a hlonama,
A hlonamixa molongwana,
Seemole seemola metse ya batho,
Bare tshiwana metsa mare botlhoko boye lepelo,
5)Ke motho wa BoSeemole,
Seemole seemola sa makgowana,
Seemole seemola metse ya batho,
Wabo matome thito ya seepe,
Bare gorema ga tee ke go feleletsa.
6)Ke bakgalaka seapea makgabakgaba,
Makhura a tswa ka diphatlo,
Batho babo monna wago wago ema-ema,
A re fase ga ke dule go dula dikokotla,
Bare o eta a ema-ema le makgowa,
Ebile maphodisa a mohloile.
7)Ke bakgalaka babotswa bokgalaka bja makhura,
Bare kwa retswang gara tshaba relaetse,
Mo re tlile ka gobuxa,
Eupsa gare bake gobuxa,
Re baka naga,
Re baka lebo malepu wa radikgonya.
8)Bare wa tseba nkabe tate o nthata,
Nkebe o mphile bogoxi lenna ka buxa,
Ka gore dikgomo tsa bakgalaka dia falalafala,
Ebile tse dingwe ba dibala kwa Bobirwa,
Be re basadi ba Bobirwa ba direta bale ka gae,
Banna bona ba direta bale kgorong,
9)Bare a tswale diate,
Re tle reje kgomo tsa ditimedi,
Hee wena moximanyana tena,
O seke ware ge o dixitse wa nganga masebe,
Ka gore kgomo tsa bakgalaka ke tse dintshi,
Di tlabe e sale ditsena ka kgoro ya mathomo,
Tsa felela ge tsatsi lewela.
AGEE! BAKGALAKA WEE!
AGEE! BAKGALAKA WEE!!