Ahee Mokgalaka wa Makhenyani wa go nya boloko, Baroka ba ke nya dithokolo,
wa nya pheta ke a topa ka bea thamong.
Re Bakgalaka ba Bokgalaka Phalaborwa bollanoto Thabeng ya Serotlo. Morolong wa morodi tšhipi ye khwibidu
Re bakgalaka ba khenyadi tshumeni mankha-noto tshipi ya kgata yengwe e a menagana.
Phalaborwa-bollanoto Thabeng ya kgokolo ntshwe la Badimo. Serotlo Serotlantshwe meloko se kopantsha bana ba thari ye ntsho.
bana ba tšie kgalaka re Bakgalaka ba Nmatha Matomma Botomi ya ba bolao re ba Tshwene ya Masia legare marata go beola dingwe.
Ditshwene moswana o opile phala mmala ge a re ‘kudumela maepa thotse ga go lehumo le le tswago kgauswi’, ge le ka se dire bjalo le tla hloka le pudi ya leleme le letala.
Ke rapatsa patla e kgolo ya Bakgalaka, ka patla ka re khii
Barapatsa re siile bokgosi morago kua bokgalaka.
Ageee Bakgalaka weeee!
Tag: wasilota Page 5 of 177
Rena re batho ba Phela a bothata;
Batho ba ga Seakamela sa podu mokgalaka;
Ba re o sere o ana tlou wa tšhoga;
O ana selo sa mošito o mogolo;
O ana kgolo a mmadiroka;
Ke batlogolo ba bo kubu Mmamotlotloane le sehlare sa masogana;
Ke batlogolo ba ga ntšana a sekgala;
Ba mahuduwa a se na ntlo!
Agee Bakgalaka!!!
Re maphagwana a bo ntshidi a bo mphatatsadingwe, Re matswara ka nti kgole e sa le pitseng,Ke batho ba bo matswara ka nti kgole e sa le pitseng,Re ba bo sehlwa sa Mamoila Molopo, sehlwa ikepele mowe retlo bowa re go hwetsa, Re batho ba bo tsianemankoko,Tsiane e segobotsana,E tomoleng le e lahle, E senya motwatwadima,Ke batho ba bo Mathibela Ramolwetsi, Mathibela di a go lewa, Di a go lewa ke Basotho,Moeding wa bo phepha, Ke Nkwetona, Ramatlotlo Nkwetona nkwe sefologa thaba, O fologile ka bolepa, Ba sala ba boga mabala a fetile, Ke tshukudu e marebolane, E rebolela ntwa go hlabana, Re batho ba bo makgale e pudulele thoko, Lethoko le go swanetse makgale, Ke makgale a nakadipedi sehubeng, Ke ba bo lesilwane Ramogokgo le sila maboelele, motsengwa tubatse,metse e mebedi ya bo lesilo mongwe o tlase mongwe o tletlolo. Rena ga geshu re boa Sebake ‘naga Matebele, gabo lefodi nkego moropa, gabo lebele nkego tlowana.
Aheeeee!.
Makgalaka weeee!
Ke Sebata se segolo sa mamoriti o maswe ga o nnwe ,o nna ke mona le pelo.
Bakgalaka wee boelang gae hlogo tsa mampsa dia bola,di hloka le bakgakgathedi.
Boshulawee,, bakgalaka weeee
Maphoofolo tswapong ya thaba ya ngwato,ba duma moriti bao lebeletse,bare retla o tsena bjang.
Mo go patlameng nna tau ya bokgalaka,banna ba longwa ke mala ba sulelwa,
Agee Sebata wee, Bakgalaka weeee.