iimbongo – Kokela & History

Kokela,
Kokela kaMasonto,
Lisinga,
Singa lenyana,
Nyange Komo,
Ngowagoma uNotswayile wathi “akana nyongo akana mhlwehlwe”,
Nange ikomo ingagoma iyafa.
Bathi Mkhubezitha.

Mlibelwana kaDabeza,
Jojo weZitha onga yi Nyoni eKhathaza abalimi, inyoni ephapha hlangana nezingwe kanye nengwenyama.
Pengu ibuzwa kibo Mdawu.

Bathi izizwe zilimile,
Izizwe ezalima emangweni wamathangazana,
Ngumathanda ibisi angana Komo.
Bathi “ledlha mrena ukwaKomo gadesi”

Lisinga, iNyanga ejama ngokujama phambi kweKosi.
Bathi gijimela ngeSgodlweni uphethe zako Silwane isiduna sanga phetjheya kweLigwa esingahlulwa lithambo, ulekelele komkhulu ngempengu zako Tlwayile.

Lisinga, Nala eliMqongo.
Tjhuka nasi iskhumba ngeseMbuduma sitjhinge ngesgodlweni,
Yinyanga lengarori kwaphela kodwana kuyiNyanga eyaBhodla yadlongoza yatjhiya abalinganyana namanaba neNgongoma

Bathi uMbandeni unengongoma,
Ingongoma ulitholephi?
Ulithole kwaLisinga LeNyanga
KwaTlwayibe, KwaNyangeKomo nabantu.
Bathatha isungulu baliqubunga,
Kokela nguMbina Dawu
Lisinga !!!