Mogoboya Clan Praises, Meaning, Origin & History

Sereto Sa ba ga-Mogoboya

Agee Noko ,Agee Motlhabine 🦔
Agee mpedi ago rekwa ka kgomo
Agee mpedi mohlakwana
Agee Tubatse, Hlabirwa
KE modula Mesorong mohlagasweng Ga
Ramogo mmukwa tlholo
Mola mengwe e bukwa mafotlhe
KE maege a lepedi Moroka
Masegamixi abo photo
Photo e tlaba dithamaga
Dithamaga Ra Sia mmala go kobana dingwe
Agee ba Bina NOKO wee
KE Batlhabine ba Mmaphuti a mafala
KE Batlhabine ba Mmakatikela a Ditshipi
Tshipi Yeo oka e gatago ya menama
KE Batho ba Mmaphashaka ka Lerumo
Bao ba ilego go tsoma , ba boya ba enetshe ka
seala sa tlholo
Ba boya Serare Tlhabine
Serare gesu mekhweteng
Mafuding a Ra-go-Dikwa
Bolla thakga Leretje
Gwa lla theko bosele
Ke Yona Thaba ya Serare
Thaba ya gesu ,Thaba ye botse
Godimo re fefa Thaba mafelo
Tlase Ra Bina mantlakalana leselo
KE Gona badimong babo kgoshi Mogoboya
Mogoboya mong Tlhabine
Re batswana gotswa Maimela
Re bompedi a bohloko bobe Batswana
Re Batho babo Serurubele sa mokhoba ke a
pofa
KE Serurubele sa go kgantsha mebalaya Sona
Mona Le Madi a tshabe
Mona Le ngwana a lomege
Re Batho babo MOKGADI a lote
KE Yona photo ya masogana
Yona photo yabo Peu le Motlili
Re Batho ba Noka ya Letlhabine
Leo le go wago boshego mola
Rena balata re robetse
Re Batho babo Sefelele
Sefelele e kepele Mekhotlha
O Se bone mokgotlha go Nabalala Kwa Gabo
Ramatadi Boroka Tlhabine.