Mankgane Clan Names

Gagešu re boa Tubatse tletlolo,
Re batubatse mohlogopela a seake. Ke bana ba thabana fula marole, mo barego magolo a fula ka go boifa.
Ke rena batho ba bo mmašai kobakoba, ba rego mmašai a satlo tšama a kgama ke marapo ka ga batho, a kgame ke digoba tša nama ka gešu.
Ke setlogolo sa bo Mmotoro maphaswane, ke sa bo leihlo malebelela gohle, ba rego ga ke a lebelela motho a phologa. Moseka tša lebowa o a duma, o re nkabe ke tšerwe ga Mokokodi, wa phoku morwa Mankgane segwegwe, ke Mankeke ya lewa, ke Tšhwene segehlemiša, ke bana ba Kgatutu gobola maila go fenywa.