Rapetswa Clan Names, Origin & History

Ke Nna Mokgadi Sharon Rapetswa
Mokgadi wa Matome Setimela sa Bandelierkop
Setimela wa Lehangwa kgomo ya maswi a mantsi
Lehangwa wa Mponeng….

Ahee Mokoena moila lehlaka moroka WA meetse a pula…

BAKWENA BA-GA RAPETSWA FAMILY CLAN PRAISE

KE BAKWENA BA ILA LEHLAKA BAROKA BA MEETSE A PULA. KE BATHO BA RAPETSWA NKGOLO A MOHLAO. KE BATHO BA BO TANGWA-TANGWA DIPELO
MANGALA AE SENA SAYE.
KE BATHO BA BO MPHIRI WO MOSO.
KE BATHO BA BODUPE BYA MMANGWAKO‘A MOLOTšA, BOANALESODI LE
DIPHOOFOLO. SEHLARE KE MOTHO WA BOSIU, HE O DULA SE A DULA, HE
O SEPELA SE A SEPELA. NOKA YEšO LEHLABA NKABE E EPSHA KA TOPA
DITšHILO.
KE BATHO BA BO-MOKGADI LETAPA GO LEMA GO JA O PHALA LE
BAšOMI. BATHO BA BO-MMAKOPU MMASETHWANE MMANYAKALA
MASOBE. KE BATHO BA BO-MMASEKGOTA SA BALEPSWE.
KE BATHO BA BO LEHANGWA LA MMAKWENA LA GO GAMA DIKGOMO
MASWI A TLATšA DINAKA LE KA DI KGAMELO. DIKGEKOLO TšA KGOTSA DI
LE KA MOšENG. DIKGALABE TšA KGOTSA DI LE KGORONG. MATHARI BA
KGOTSA BA EYA KGONYENG. BASIMANA BA KGOTSA BA ILE GO DISA.
AYELELEEE!!!
RE DITLOGOLO TšA MADIDIMALO WA BOTLOKWA,
SE BONE PELO GO
DIDIMALA,
PELO BOHLOKO E BOKWELE!
RE DITLOGOLO TšA MAOMELA’A
BOLOBEDU TšA THAMAYAMPHA E HWILE MARAPONG.
RE DITLOGOLO
TšA LEHONONO LA MOPEDI. BARE LEHONONO GA A BUKWI LE MO APEYA
LE LESWIKA, ‘SWIKA LA BUKWA YENA A SALA.
BATHO BA SETHEPE SEPHATHAKGA-NOKA, KE BATHO BA BO TSIANA-LA-THIPA-HLOGO.
KE BATHO BA BONTšHAKGA-LA-MASALEDI. LE RENG LE TšEA DITABA LA
BOTšA NTšHAKGA MOLA NTšHAKGA A SENA SEPHIRI A TšEA DITABA A
BOTšA BATHO.
BA GA-RAPETSWA A BA LOYANE BA TENA KA BOHODU FELA.
AHEE MOKWENA MOILA LEHLAKA MOROKA WA MEETSE A PULA!
AYELELE!!!
AYEE BAKWENA WEE!!!!!!!!!!!!!!!!