Shubane Surname: Clan Praises:
Ke maneke a Shubane a bakone bakukunapula ba je ba dipula boshego batho ba robetse/ba etsele , ba etsele mphorogohlong wa dithaba ,thaba ya moholoholo thaba mohloka leshuba ga a robalwe , Shubaneng la thaba go dula dibata le digagabe mokone o tla lwela ke mang ba ga bo bophuthi le bopudi ba se na marumo . Ke mmina phala ya bo phuthi le bo pudi sephelela go taboga marumo a dira , barego ngwana phala o phela gare ga mahlalerwa , phala ga e chabe kotsi ya e tsheroga ebile ga e robege ya menoga ke diphala tsa mona marula tsa ya !
Ke bana ba phala e kgolo Mapasegolo sa go golela Theberebe Sephologa-thabeng , sa re phala ya bohlale e belegela ngwana leShubeng la dithaba masweswaneng , oa mosegare ngwana obelegela go fepa baloi ka thari ya go shuba ngwetsi ya lapa leshu , lapa leshu lemashubashuba lehloka ngwetsi ke tla shubela ke mang ngwetsi e gana go shubiwa boshego ere koma ke a mosegare ya boshego ba bina bapontje !
agee Shubane wee!
agee maneke a Shubane a bakone!
Sereto se sengwadile ke / written By:
Mr T Shubane , morwa Seakhomba Seashupa se shupa Koporo mahwela tsileng ya botsumela mmpa mohlaka lebitla, sa shupa Koporo le Mogapane ba shupile Moabanaga le Molapateng , sa shupa bo Mapasegolo Theberebe le Sephologa-thabeng
agee! maneke
agee! Shubane wee!!!
agee ba bina phala ya bo phuthi le bo pudi,
agee! Bakone wee!!
🔍 SEARCH 🔍+ ADD CLAN NAMES▶ UTube Channel