Tlou,
Tebele,
Ke Ma-Tebele Ma-khwankhwana, ba hloka kgomo ba ja motho!

Ke Batho ba go bowa kua lebopo thaba boshega, kua ga tshwaane a bo molepo, ga tlou ya tomula mogaba, ga tlowana tsa goja kgabane fateng sa majeetsana a gabo shega,

Ke batho ba gabo lemetsa, ke nama madumela go beshwa, bare ba dihlaa ba sega ba metsa, wena o sega o eja o kase khore!

Ke batho ba gabo Matshaba, Ke batho bagabo thobela bula noka lewatle, bare tshaba o etla keno maphoswaneng,

Ke batho ba gabo Malatsi phonyonkga, yena oile a phonyokga maswati, maswati a phokokgile mapono a mokakalletse, bare tshidi tshabela mono, tshabela mono lebopo thaba boshega, mono ga Tlou ya tomula mogaba, ga Tlowana tsa goja kgabane.

Bare yena mahlogeledi a bo mokabi, batho ba robile mokabi bare ba lomeletsa, bare mmofu le nosi di a lwa, di lwelang , di lwela borola disa bolele.

Bare ke bana ba mmakosha a’ngwana dipudi, ke ngwana di fula matlokolo, bare kwenadi pula ge ena dio beela kae?

‘ma sumela isindrebele sa kethu, ‘lendrebele la sumela mala le afa!

Tlou, Tebele !