Sereto sa Mathabathe ‘a Kau ‘a Matile Re Bantwane Bakwena BagaMmangwato abo Kgama Re boa Mmangwato ra ja Poo ra tloga Re tlhaga Modimolle ‘a Mmangwato Thaba lebaka Thaba kgolo re fsele tlhogo ra tlhoka segoro (seitshiro) sedibelo sa tlhole Ra re Modimolle ‘a Mmangwato ntshiroge lentswe re bone la Ntwane Re Mathabathe ‘a matuku Re batho babo Kekole Re batho babo Mamatsue letlapa Re batho babo Selogela tlala maano, sebyala motsoko go tlogwa Re batho babo Selape sa Marutla makumula ntlo monyako Ra gopola kolobeng ra rutla ra tloga, ntlo go sale go setse ya mathudi Re batho babo Sôka sa bo Dikeledi Soka mphegolla nala o fegolotse nala makalakaleng, ko kgatha Phooko le Marapong O re ge nne e se ka balobe ba matlhwana, ‘bata seo nkebe se mo padile Mampya a ile a lapa melala, e na a sala naso bata seo Re batho babo leraga thata labo Mothibedi a selete!