Ke ba Raphophi a Ramorei, bo Ramapulana a thobela, Raphophi a leshako.

Ke ba Serakalala maoleng, batho ba bo phalane a mmakadikwa, go dikwa ga se go bolawa Ke go hlakolwa ka tlogelwa gobane beng na Tlou ba gana.

Ke Ditloukgolo di tumula megaba ge ele bana ba Tlou ba shala ba eja dikgabane. Ke batho ba bo tshotshi ma boya e rwele dingwe di boya di komota. Ba reng o se bone molete wa tshotshi mabapa ge ele beng ba tsena ka merwalo.

Ke batho ba bo Mokhudu mokotwane motho wa go bopa Ke Badimo le batho, ba rego Mokhudu tshaba hlaga o ya e bona e a swa, a rego ke tla e tshaba bjang gobane di hlwa di nkwela difako.

Ke bo Sephophorosa Nkwe thabeng, Letsolobolo la bo Mokgadi letapa go lema ge e le go ja o phala le bashomi. Ke batho ba bo Letsolobolo a ke lome ke tshosa ka mebala fela.

Ke Batswetla ba mmakgokane ba ila fore, ba ila pudi ya mosela. Ageee…Ditlou weee…..