izithakazelo

💛

izithakazelo

Tag: ratseane Page 6 of 20

Thwala Tfwala Clans continued

By

On

Ncamane,
Skhandisa samakhosi,
Thwala lomzimkhulu,
Mnyamande,
Mkhont’oduma njengezulu,
Ithala lomkhonto lisemaNyamandeni,
Nhlangothi zimanxebanxeba,
Wena kaMlamulankunzi ungaziyeki zibulalane,
Wena kaSiwela owawela umfula ngesilulu,
Mnyango kawuvalwa, uvalwa ngamakhand’amadoda,
Ntshivakazi engenampondo,
Bhijela wamaMbane,
Sakade kaGemane,
Gemane kaSiwela,
Nzilagazi!

Ezinye zihamba kanje:

Thwala/Tfwala
Mnyamandze,
Shivakati,
Wena wakaSiwela, owawela umfula ngesilulu,
Skhandzisa saMakhosi,
Thwala lomzimkhulu,
Mkhonto odumama njengezulu,
Inzimakazi engenazimpondo, ingaba nezimpondo iyahlaba,
Ithala lomkhonto lisemanyamandzeni,
Nhlangotsi zimanxebanxeba, wena kamlamulankunzi ungaziyeki zibulalane.
Mnyango kawuvalwa uvalwa ngemakhanda emadoda,
Ntshivakati engenampondo,
Bhijela wamambane,
Gemane kasiwela,
Nzilagazi.

Myeni clan

By

On

Mdolomba

Mzukase,

Mnguni wasenhla

Wena waseNingizimu

Mabasendleleni zombili, enye ngeyokuya, enye ngeyokubuya

Gwebeshomnyama, ophuza amanzi okuhlalelwa

Wena owabalekela insingizi ngokusindela uthi silwane

Mdlomba kaDuma

Wena ongengakanani ngoba nasentendeni yesandla uyahlala

Ngwenya kaMalambe

Mzimela

Mziyankatha!

Izithakazelo Zakwa Mbatha

By

On

  • Mbatha, Shandu ka Ndaba
  • Gumbi Lama Gwala
  • Sontshikazi, Mthiya othiya ngenkomo abafokazana bethiya ngamahlahla
  • Ndabezitha!
  • UShandu ubengengakanani,
  • ngoba entendeni yesandl uyenela
  • Nasothini lomkhonto uyahlala athi cababa,
  • Mazalankosi!
  • Mavungama!
  • Mathabathanyawo!
  • Makhabaluthuli!
  • Makhub’anothuli!
  • Nina benyathi emnyama kansele
  • uShandu owalima insimu eyilimela izinyoni
  • Zase zimbonga zathi tjiyo…tjiyo…tjiyo!
  • uBhabha ku Gwaza
  • uNkentenkente olwakhela izintaba zeNhlazatshe
  • Kwaze kwaphuma abafazi bengabhincile
  • bathi, ingabe lolunkentenkente lunkenteza lwenzani,
  • uShandu ongayimbathi ingubo oyimbatha ngokusibekela kwelanga,
  • Wavala ngehhemu emizini yamadoda
  • uShandu omuhle ngamazinyo akhe;
  • uZihlabathi zoLwandle;
  • Ebe emkhulu engangezulu
  • wena ka Magizagiza;
  • Mulamlankunzi zidedele zibulalane;
  • Shandu uyiNkosi eyabonwa nawu Shaka ka Senzangakhona;
  • Yena abathi usi Shaka ka shayeki,
  • Wathi Shandu ka Ndaba uyiNkosi,
  • Futhi uyohlala uyiNkosi;

Lalela ngizihaya kamnandi izithakazelo zakwaMbatha

Abanye bathi:

Mbeje, Mndaba, Mlotsha,

Magwaz’aphindelele njengezulu,

Mavungama!

Wena owavungamela uMvelase evela eNyandeni;

Dladla, Mpembe, Mhlophe, Gadlela, Dwala…

Mgabadeli gokugabadela inkundla kwa Bulawayo; Mgabadeli ngokugabadela izinkomo zamadoda;

Wena owaMbatha isikhumba seNyathi uZulu esahambaze!

Wena owaba ngu Ndabezitha! kuqala!

Baze bazama ukuthatha iziBongo zakho ngamaqhinga;

Wasala uzisebenzisa njengoba usazisebenzisa namanje;

Manyosi wena owadla intondolo yembuzi yonke wayiqeda ilanga liphuma waze wehlisa ngomhluzi wayo;

NDABEZITHA!!

NDABA KOMKHULU!!

source: thanks to admin of amambatha.wordpress.com – please visit his website for more information

Izithakazelo Zakwa Myeni

By

On

Mdolomba

Mzukase,

Mnguni wasenhla

Wena waseNingizimu

Mabasendleleni zombili, enye ngeyokuya, enye ngeyokubuya

Gwebeshomnyama, ophuza amanzi okuhlalelwa

Wena owabalekela insingizi ngokusindela uthi silwane

Mdlomba kaDuma

Wena ongengakanani ngoba nasentendeni yesandla uyahlala

Ngwenya kaMalambe

Mzimela

Mziyankatha!

Page 6 of 20

Previous

Next

© 2026