Category: Uncategorized Page 10 of 12

Tinanatelo Masina

Lutsala.
Mngomakati loluhlata, lojojokati.
Mancele.
Nine lenaphuma uMkhondvo,
Naphuma iNgwemphisi.
Malala nembhidvo emlonyeni.
Ngcina lagandza ngamlente munye,
Lomunye lawuwokomisa.
Sabelani maNgoma niyabitwa ngesheya.
Gutjw’ agodvuke nemhlambi wakhe.
Mtfombotsi.
Wena wabhembesa netindvuku tabonyoko.
Khombelwako.
Mavutfwel’ ekhatsi njengelihwabha.

Tinanatelo – Manana

Mcusi WeNdlunkhulu,
Loluhlata njengencoshane.
Mbuyisa.
Mfati lomabele madze,
Lowanisela ngesheya kweliGwa bangakaniseli.
LoMazombe uMasibekela,
Ngekusibekela Ngwane ngelutfuli.
Ndzimandze waboGama.

Tinanatelo – Khoza

Mabone.
Gcawuzi.
Matalwa emini,
Ungatalwa ebusuku ufute ekhabonyoko.
Khotane.

Tinanatelo – Magagula

Mtfombeni.
Msutfu.
Gujw’ agodvuke nemhlambiwakhe.
Sibumbu lesikhulu, singaba sincane sifute khabonyoko.
Mavutfwel’ ekhatsi njengelihwabha.
Nkomtwako.
Sibuyani lesabuya nemaTfombeni.
Mgongoloti loluhlata longavutfwa netiko.
Waphekwa nelitje kwavutfwa litje kwasala wena.
Ngubonene.

Tinanatelo Hlophe

Mabhengu.
Mkhonkhosi.
Lukhalo lubovu.
Mahlase.
Nyoni ledlel’ egaleni kantsi
Letinye tidlel’ esigangeni.
NaboNkhosi.

Tinanatelo Jele

Luvuno.
Ngubo yengwe.
Ngubo yesilwane.
NaboGasa
Ngcina lidla liguca ngemadvolo.
Nyoni ledlel’ egaleni,
Letinye tidlela phasi.

Tinanatelo – TSABEDZE

Sihlase
Mnyambo loluhlata netinyawo takhe.
Mncukama.
Mtseku.
Ndundundu.
Ndlebe katatiwa kantsi tiyeva.
emaNyambo ayakhetsana ,
kwakhetsana boGama naNakati.
Mkholo lonsundvu netinyawo takhe.
Mawandla.
Wena longeweli ngelijubuko,
Uwela ngesihlenga semfula.
Malindza.
Guliwe waNgubo.
Ndlovana.
Nkhomo lendvuna.
Vundlamanti.
Phangodze.
Wena lowawela imifula lemibili
Kuwesitsatfu wawela etihlabatsini
Telwandle letimhlophe nkhe.
Wena welujwini lwetinyosi.
Sijula sendvuku.

TINANATELO

TSABEDZE
Sihlase
Mnyambo loluhlata netinyawo takhe.
Mncukama.
Mtseku.
Ndundundu.
Ndlebe katatiwa kantsi tiyeva.
emaNyambo ayakhetsana ,
kwakhetsana boGama naNakati.
Mkholo lonsundvu netinyawo takhe.
Mawandla.
Wena longeweli ngelijubuko,
Uwela ngesihlenga semfula.
Malindza.
Guliwe waNgubo.
Ndlovana.
Nkhomo lendvuna.
Vundlamanti.
Phangodze.
Wena lowawela imifula lemibili
Kuwesitsatfu wawela etihlabatsini
Telwandle letimhlophe nkhe.
Wena welujwini lwetinyosi.
Sijula sendvuku.

JELE
Luvuno.
Ngubo yengwe.
Ngubo yesilwane.
NaboGasa
Ngcina lidla liguca ngemadvolo.
Nyoni ledlel’ egaleni,
Letinye tidlela phasi.

HLOPHE
Mabhengu.
Mkhonkhosi.
Lukhalo lubovu.
Mahlase.
Nyoni ledlel’ egaleni kantsi
Letinye tidlel’ esigangeni.
NaboNkhosi.

KHOZA
Mabone.
Gcawuzi.
Matalwa emini,
Ungatalwa ebusuku ufute ekhabonyoko.
Khotane.

MAGAGULA
Mtfombeni.
Msutfu.
Gujw’ agodvuke nemhlambiwakhe.
Sibumbu lesikhulu, singaba sincane sifute khabonyoko.
Mavutfwel’ ekhatsi njengelihwabha.
Nkomtwako.
Sibuyani lesabuya nemaTfombeni.
Mgongoloti loluhlata longavutfwa netiko.
Waphekwa nelitje kwavutfwa litje kwasala wena.
Ngubonene.

MANANA
Mcusi WeNdlunkhulu,
Loluhlata njengencoshane.
Mbuyisa.
Mfati lomabele madze,
Lowanisela ngesheya kweliGwa bangakaniseli.
LoMazombe uMasibekela,
Ngekusibekela Ngwane ngelutfuli.
Ndzimandze waboGama.

MASEKO
Ngcamane.
Khubonye waNdlovu.
Maphanga.
Mdandulukwane.
Ndlovu tidl ‘ekhaya ngekweswela belusi.
Khabangobe waMaphanga.
Guca batfokote bafati nemadvodza.
Wena wakaLuhleko.
Khabangobe.

MASINA
Lutsala.
Mngomakati loluhlata, lojojokati.
Mancele.
Nine lenaphuma uMkhondvo,
Naphuma iNgwemphisi.
Malala nembhidvo emlonyeni.
Ngcina lagandza ngamlente munye,
Lomunye lawuwokomisa.
Sabelani maNgoma niyabitwa ngesheya.
Gutjw’ agodvuke nemhlambi wakhe.
Mtfombotsi.
Wena wabhembesa netindvuku tabonyoko.
Khombelwako.
Mavutfwel’ ekhatsi njengelihwabha.

MDLULI(LUKHELE/SIKHANDZISA)
Lukhele.
Mhlanti wendlunkhulu.
Mbokodvo lenhle legaya bulawu bemakhosi.
Sikhandzisa.
Nyoka.
Sikwayo.
Mambane.
Dlulakholo wemaKholweni.
Wena waMshengu weMashobeni.
Guca batfokote,
Batsi zhi! Yahlaba yaseMnyovini.
Mshengu longavali ngemahlahla,
Uvala ngetinhloko temadvodza.

MOTSA
Mvulane.
Dlebankhomo loluhlata njenjencoshane.
Bhindi.
Ncumase.
Banemanga bakaShabalala,
Batsi uMhlongamvula udzilikile,
Kantsi bentiwa kuhalela.
Wena wesijolojolo,
Wena wencaki.
Mdlalose.

SHABALALA
Mshengu.
Shabalala.
Ludvonga lwaMavuso,
Lway’ eMbo lwabuyelela.
Sidvwabasilutfuli.
Singabancwaba seta nemlandzakati.
Madlangamphisi.

NCONGWANE
Mvila.
Ndzimandze.
Macedza.
Nkwakha lebovu.

Tinanatelo Mavuso

Nkhosi.
Mavuso.
Ncele lekhohlwa leMtimkhulu,
Lelakhohlwa umuti lawunika bafokatane.
Wena wenjojo leyaya emfuleni.
Mavuso waButwako.
Wena wakhokhotela esibayeni kaMaphanga
Ngendzaba lesabekako.

BAKAMAVUSO

BakaMavuso, boNcele, badzabuka kubakaDlamini emuva ngesheya kweLubombo emtini waMavuso waNkhosi waseNkhanini.

Batalwa nguMagudvulela waMavuso. Magudvulela lo liphosabukhosi. Liphosabukhosi kusuke kushiwo loyo labefanelwe bukhosi kepha bamphunyuka ngetizatfu letitsite. Magudvulela kwakunguye indlalifa yaMavuso. Kepha unina wakhe Magudvulela angafuni kuba yindlovukazi, futsi atsi bukhosi butawubangela umntfwanakhe emazondo nenhlupheko. Soyasuka langa lelinye kuphekwe tjwala kungumhidvo, sewutsatsa Magudvulela wenya sandla sakhe kulomhidvo loshisako. Kusuka lapho-ke Magudvulela sewuba lincele ngoba sekudla unina sewasenya emhidvweni.

Ngoba lincele kaliwubusi-ke, sebumphunyuka njalo bukhosi, njengoba sekutsiwa boNcele labakhohlwa umuti bawunika bafokatane. Umuti sewudliwa nguLudvonga umnakabo, sekuba nguye indlalifa-ke nyalo.

Magudvulela, njengoba asaliphosabukhosi nje, sewuyakhishwa lapha ekhaya. Unikwa bantfu bakhe, netinkhomo, sewuyekwakhelwa wakhe umuti khona angete abangisa Ludvonga, losekunguyena indlalifa. Sekuba kudzabuka kwesibongo sakaMavuso ngaMagudvulela umsa waMavuso.

Kusuka ngale kweLubombo, bakaMavuso beta naNgwane kuleli lakaNgwane, bakha eShiselweni lapho sibakhandza babuswa nguMhlwatsi. Mhlwatsi utele Mbhijikezi, lotele Nyangane, lotele Mahudvula, loteleSidzindzi.

Nyangane abetfula timphahla tensimbi enkhosini Mahlokohla.

TINANATELO
Nkhosi.
Mavuso.
Ncele lekhohlwa leMtimkhulu,
Lelakhohlwa umuti lawunika bafokatane.
Wena wenjojo leyaya emfuleni.
Mavuso waButwako.
Wena wakhokhotela esibayeni kaMaphanga
Ngendzaba lesabekako.