Category: Uncategorized Page 8 of 12

Manjoma!

Mcuba!

Msangabe lomhlophe netinyawo takhe.

Matalankhosi latala Mlambo.

Buhlalu abuhlangani entsanyeni,

kodvwa kuZangazanga iNkhosi yebeSutfu buyahlangana.

Magomba lansibandze lanhlitiyo tibovu.

Wena wakaDlutjana wagadza esitjeni.

Nkhomo tidla ekhaya ngekweswela belusi.

Malambule!

Matsetsa!

Khozakhulu!

Mhlumayo!

Dada lelabhula emanti ngemaphiko,

Nyoni leyakha kabi yabhekisa umlomo esitibeni,

Labanye batsi yibambeni labanye batsi yiyekeleni

Yenta ngekwenta kwayo.

Mlahleki!

Ningizimu!

Mkhomazi!

Lusiba!

Gwalagwala!

Sophila!

Giyoni!

Wen’ ungahlonywa bafokazane,

Uhlonywa ngemakhosi.

Mitiya mibili

Ingaba mitsatfu iyadzabuka.

Mantjiyane!

Nkhasha!

Khondlwane!

Tinyo lendlovu.

Mnyama khwishi.

Sibong’ esihle.

Mgilija.

Mgcwango lomhlophe netinyawo takhe tekunyatsela.

Nyangandvuna.

Mahluzu lowaphalala emazubukweni.

Ngubo yengwe, yengwenyama.

Wena wanonela ekhatsi njengendlati.

Mnguni waseBuhleni.

Myaba kaYoyo.

Wena weGudunkomo.

Mnguni akazayanga,

Watsi yehheni

BeNguni sengehluyekiye kuzaya,

Seniyosaye nizaye

Bomlenze ophiyayo.

Ngobe!

Nyangembili!

Mabhundlane!

Msutfu!

Mshika!

Mfuyi wematje.

Mdumezulu!

Simkhulu!

Dlabu lodlabe ngaNtiyi kumaSwati

Sibumbu lesikhulu lesitala emakhosi.

Ndlamatiko!

Sihlahla sembondvo lesehlula bagawuli.

Hhoyi!

Lugedlane lotikhwama tigcwele emayet’ aMshika.

Khungwane!

Mganu lowamil’ emini kuMandlakazi

Kwatsi ebusuku wahhohloka.

Matjembeni

Mtima.

Mzomba.

Nyamatane lengadliwa

Lowasibekela Ngwane ngelutfuli,

emaNtima ayakhetsana nayebandla,

kusuka liDludlu kuhlala iNkhalakatsa.

Lubheje lubovu lwaboTfunyiswako.

Ntfushwana lencane,

Ngekubal’ emadvodza.

Mhlaba wetinkhabi.

Mafulela.