Category: Uncategorized Page 9 of 12

Tinanatelo – Ndzimandze

Nkhosi.

Ndzimandze.

Mphephetse.

Ndzimandze waNgwenyama.

Wena waMavuso waNgwane.

Kuhlase waNgwane.

Mabhabha zeNdinane.

Mthisila ngajozi.

Mabulungo lamahle lakuMhhohlo.

Khaba lelihle liyasonga liyasakabula.

Tinanatelo – Mwelase

Nzima!

Mona!

Nine leningaweli ngemajubuko

Leniwela ngetihlenga temfula

Nine bakamcabula nkunzi kuvele lilanga

Luta lunye

Tingaba timbili lolunye lweta nonyoko

Mwelase longaweli ngelijubuko

Lowawela ngetinkwazi temfula

Phuthini!

Khuhlase waMgabhi

Tinanatelo Mbhamali

Mveni.

Tfoleni.

Wena wageza ngelubisi,

Emanti akhona.

Wena lomanangananga njengemphangele.

Wena waseBuhleni.

Tinantelo – Mphila

Dliwako!

Mnenene!

Dzimbidzimbi!

Tikhwehlela temadlakadlaka.

Nine bantfu bandzile

Bona abakandzi.

Tinanatelo – Matfunywa

Tsikati.

Simelela.

Mabhunya lowabhunyisa ematfunywa.

Mtsengi waTsikati.

Wena wagudla sibaya sematfole.

Tinanatelo

Zwane
Mangetse!
Zikodze waPhikela!
Zwane akadleli phasi,
Udlela emkhombeni wenyamatane.
Nselendvuna!
Lindzamkhonto!
Mabhayi kawalingani,
Langephasi nalangetulu.
Vezi lowadla sihlahla njengengwabatane.
Wena wemaNgweni!

Zikalala
Khuteni.
Cebisa.
Machaphachapha.
Masilaphepha Njegenyamatane.
Wena lokwaphambana Indlela.
Kwangaphambani inhloko.
Mhayise.
Wena ungashaywa ngendvuku,
Indvuku uyayilandzela.
Mlandvo waseNgubaneni.
Mbangalulaka.

Vilakati
Mphephetse weNgwedze neNgwavuma,
Lowadla dzadzewabo watsi akananyongo akanamhlehlo.
Bindza waQhayi.
Nkhosana lomncane lowasindza ngekutilamulela,
Wahamba ensimini yatondza kumila.
Khulu.
Gama kaMgabhi.
Gama wedvwa losemsengeni,
Lodlalisa ngelusiba lwajojo.
Malingakhulu waboGama.
Nkhomo tadla emabele ekulinyelwa,
Ngoba tadla emahlanga akaLaNdlela.

Tfomo
Lukhambule!
Ndabezitha!
Masondv’ amhlophe netinyawo tawo.
Wena wadla dzadzewenu watsi
Akanamhlehlo akananyongo.
Mhlwazi!
Ngcamane!
Sigungu lowatfuma Khubonye waNdlovu,
Watsi akabuye nengubo yebunono.
Makhunga loncama.
Nyoka takhwel’ emtsini tingenatinyawo.
Logudza lowagudz’ emadvodza tinkhomo tawo.

Siwela
Nkhomati!
Mawelele!
Ndlangamandla!

Soko
Mawandla!
Sichawukati!
NaboNkhosi!
Ndabaziyawo!
Nyawo timnyama ngephasi,
Timhlophe ngetulu.

Simelane
Mpembe.
Mnguni waseBuhleni.
Mnguni wakoNtjingila.
Wena wagicika ngesilulu eNkhalaneni.
NaboNgwane.
NaboYaka.
Ndlovu tidl’ ekhaya
Ngoba teswele belusi,
Teluswa yintfombatane Demazane.
Ndlebe timchewana,
Tachewulwa ngemagundvwane.
Ndlebe tikhanya lilanga.
NaboLokotfwako.
Lomavovokati kulaseNkhalaneni.
Ngelengele.
Lubhembedvu lumaletjana entsanyeni.
Bhozongo.
Magutjwa.

Sigudla
Manjoma!
Mcuba!
Msangabe lomhlophe netinyawo takhe.
Matalankhosi latala Mlambo.
Buhlalu abuhlangani entsanyeni,
kodvwa kuZangazanga iNkhosi yebeSutfu buyahlangana.
Magomba lansibandze lanhlitiyo tibovu.
Wena wakaDlutjana wagadza esitjeni.
Nkhomo tidla ekhaya ngekweswela belusi.

Sibanyoni 
Malambule!
Matsetsa!
Khozakhulu!
Mhlumayo!
Dada lelabhula emanti ngemaphiko,
Nyoni leyakha kabi yabhekisa umlomo esitibeni,
Labanye batsi yibambeni labanye batsi yiyekeleni
Yenta ngekwenta kwayo.

Sambo
Mlahleki!
Ningizimu!
Mkhomazi!

Nyoni
Lusiba!
Gwalagwala!
Sophila!
Giyoni!
Wen’ ungahlonywa bafokazane,
Uhlonywa ngemakhosi.
Mitiya mibili
Ingaba mitsatfu iyadzabuka.

Ntimane
Mantjiyane!
Nkhasha!
Khondlwane!
Tinyo lendlovu.
Mnyama khwishi.
Sibong’ esihle.

Nkhalanga
Ngobe!
Nyangembili!
Mabhundlane!

Nhleko
Mgilija.
Mgcwango lomhlophe netinyawo takhe tekunyatsela.
Nyangandvuna.
Mahluzu lowaphalala emazubukweni.
Ngubo yengwe, yengwenyama.
Wena wanonela ekhatsi njengendlati.

Nhlebeya
Mnguni waseBuhleni.
Myaba kaYoyo.
Wena weGudunkomo.
Mnguni akazayanga,
Watsi yehheni
BeNguni sengehluyekiye kuzaya,
Seniyosaye nizaye
Bomlenze ophiyayo.

Ngomane
Msutfu!
Mshika!
Mfuyi wematje.
Mdumezulu!
Simkhulu!
Dlabu lodlabe ngaNtiyi kumaSwati
Sibumbu lesikhulu lesitala emakhosi.
Ndlamatiko!
Sihlahla sembondvo lesehlula bagawuli.
Hhoyi!
Lugedlane lotikhwama tigcwele emayet’ aMshika.
Khungwane!
Mganu lowamil’ emini kuMandlakazi
Kwatsi ebusuku wahhohloka.
Matjembeni

Ndzinisa
Mtima.
Mzomba.
Nyamatane lengadliwa
Lowasibekela Ngwane ngelutfuli,
emaNtima ayakhetsana nayebandla,
kusuka liDludlu kuhlala iNkhalakatsa.
Lubheje lubovu lwaboTfunyiswako.
Ntfushwana lencane,
Ngekubal’ emadvodza.
Mhlaba wetinkhabi.
Mafulela.

Ndzimandze
Nkhosi.
Ndzimandze.
Mphephetse.
Ndzimandze waNgwenyama.
Wena waMavuso waNgwane.
Kuhlase waNgwane.
Mabhabha zeNdinane.
Mthisila ngajozi.
Mabulungo lamahle lakuMhhohlo.
Khaba lelihle liyasonga liyasakabula.

Mwelase
Nzima!
Mona!
Nine leningaweli ngemajubuko
Leniwela ngetihlenga temfula
Nine bakamcabula nkunzi kuvele lilanga
Luta lunye
Tingaba timbili lolunye lweta nonyoko
Mwelase longaweli ngelijubuko
Lowawela ngetinkwazi temfula
Phuthini!
Khuhlase waMgabhi

Mphila
Dliwako!
Mnenene!
Dzimbidzimbi!
Tikhwehlela temadlakadlaka.
Nine bantfu bandzile
Bona abakandzi.

Mbhamali.
Mveni.
Tfoleni.
Wena wageza ngelubisi,
Emanti akhona.
Wena lomanangananga njengemphangele.
Wena waseBuhleni.

Matfunywa
Tsikati.
Simelela.
Mabhunya lowabhunyisa ematfunywa.
Mtsengi waTsikati.
Wena wagudla sibaya sematfole.

Tinanatelo NCONGWANE

Mvila.
Ndzimandze.
Macedza.
Nkwakha lebovu.

Tinanatelo SHABALALA

Mshengu.
Shabalala.
Ludvonga lwaMavuso,
Lway’ eMbo lwabuyelela.
Sidvwabasilutfuli.
Singabancwaba seta nemlandzakati.
Madlangamphisi.

Tinanatelo – MDLULI (LUKHELE/SIKHANDZISA)

Lukhele.
Mhlanti wendlunkhulu.
Mbokodvo lenhle legaya bulawu bemakhosi.
Sikhandzisa.
Nyoka.
Sikwayo.
Mambane.
Dlulakholo wemaKholweni.
Wena waMshengu weMashobeni.
Guca batfokote,
Batsi zhi! Yahlaba yaseMnyovini.
Mshengu longavali ngemahlahla,
Uvala ngetinhloko temadvodza.

Tinanatelo – MOTSA

Mvulane.
Dlebankhomo loluhlata njenjencoshane.
Bhindi.
Ncumase.
Banemanga bakaShabalala,
Batsi uMhlongamvula udzilikile,
Kantsi bentiwa kuhalela.
Wena wesijolojolo,
Wena wencaki.
Mdlalose.