Sibindi Clan Names:

ESibindi, eGodonga eMsundulomunye, Bengwani, Mtungwa weZembe
Mbuduma kaMasoka kaManala, Wen’ owasok’ Amadod’ elibele ethi awuyikusoka, Kant’ usoke ngokampeyana.
Ncagu ncagu ngokomzimba Kant’ uDumo lwakhe lukhulu,
Luzwakel’ eNyakatho
Luzwakel’ eNingizimu
Luzwakel’ eMpumalanga
Luzwakel’ eNtshonalanga !

Wen’ owagqagqel’ umuzi weNkosi ngotsheko,
Wen’ owangen’ esizibeni nesikhuni sivutha
Waphinde waphuma naso silokhu sivutha
Mthunzi waMakhosi,
Wen’ owacashisa okaMashobana, mzukwana ebalekeluShaka
Kant’ uzokhel’ amalahl’ ekhanda

Nkunz’emanxeba nxeba
Eyagwaza zonk’ kodwa ayaze yaphec’intamo
Mathunda kuzalw’ amaduna
Ezinye zithund’ kuzalw’ ezinsikazi !

Zinyane lemvubu elahlonitshwa yiNgwenya
Laye layovumbuluka kwaMthwakazi
Kodwa eNdubazi naseMgidla beliphika
Bethi laloba, ladliwa yingwenya yakwaMatshobana
Kanti lisawadla amabele !

Ndlondlobala Mdlodlom’ omnyama wakwaMnyamana
Nethezeka nsika yendlu yakwaNdebele
Nab’ ugabh’ amathaf’ oGwembe noNgulukudela

Godonga, Sibindi sikaMdali, Msundulomunye, Bengwani, Mntungwa, Manala kaMusi !!!

Sibindi Surname Meaning.Sibindi Origin.Sibindi History:

Sibindi Surname Meaning.Sibindi Origin.Sibindi History: The meaning, origin and history of the Sibindi surname is not listed.This surname is prevalent Read more

Umlando wakwaSibindi | Sibindi history

umlando wakwaSibindi. Mzilikazi was well welcome by the King and his people, appreciating his skills in battles etc. as a Read more