Maabane clan praises & surname history

Ba geshu bare ngwathelang Magabetje buushwa bja mabele a bo kweng, o shile mabele ga gabo e sale a matalana, o shile mabele ga gabo sehlakwane sa marumo nageng ya matebele.

Ga geshu ge rere toke toke mashishi, mashishi ke banna bo madula diolo mola diphuthi ele basadi bo maphutha dithetho…Wa geshu Ngwaketse rena re mmone ge a fologa lehlalahlala thabeng, a le thomo a le mabalana ngwana tautona …

Setino kere kong kong ke konketja moswati segoba sa nama ke re moswati o kaja se se kaa kaa o ka nona naa, mo go ja moretelogo moruswi, wa magukubjwe a magukujwana a maji a jang selo a tlotloma a ba a fetja a tlotloma…Setino nna ke a bolaya ke bolaile Sebina mosadi wa mmangabane moloi wa tubatse, ba gabo ba shala ba lla ba re mmolai Sebina a se tjeye tshoya ya sebina a oma motho ka yona mola Sebina ka yona a be a fetja meloko ya matebele e tletje…

Re bana ba kgoshi ba tswantswa lebelo, ba tjie ye shielego madira ntweng, bana ba kgoshi ba Lethiba leapara swana aeshita le magoshi ba sa epare, yena a tjea swana a apara, ba Lethiba la meetse le mohlaba wa pudi ya phooko. Re bana ba kgoshi ba Magabetje a molopo moso wa Matjedi, Setino ore ke hweditje bo Setinwana ba dutje bare ke feka maano, ba fo hwetja nna Setino e mogolo ke a fekolotje…Magukubu shiale a ilo nwa meetse Tubatse tletlolo…nna ga geshu nathe e a loma e lomile motho a bapola mokaka bjwale ka namane ya pholo ga e lebile mashishing a magolo a Mmanape wa Hlabirwa, a maja thepe kanjani pedi maila selele…..TOKE TOKE MASHISHI…..TOKE🤣🤣🤣🤣🤣Toke toke Lephathe weee.