Ke rena ba Monama motshudi wa meetse a pula. BaLegwanye la mameta dikgoshi ; labo diatla diphaswa. Atla ditshweu mogatsa Disele wa Mphahlele. Ke wa kgoshi segwana sega makhura sa hloka makhura se ga bjwala, sa hloka bjwala se ga maswi a mphehlo. Wa seatla seabi se se rego gofa moshuana a boelwa a be a tsoge a ne lapana la gagwe. A itakaila Diatla; are ke filwe ke mme mmago segodi.

Ore kefile Radipholo a boelwa; ke file le barwa Mamakoko a magopong; ke ngwana motswala a noshi wa bo segodi se tswa molemong. Ke phala ba ba tswetseng ka lekoko, ke wa kgoshi wa madingwane a bo hwai. O thuba senkgororo, o thubile lekoko le leso matebele ke shaba la matalanyane a mahloko a makoro. Ke wa kgoshi wa mantiti a mediti a kgoshi a bo kwena ntudubaduba kwena e kene mereka bakgatla e sa kenwe, e ke ne meraka bakgatla ba Rahlagane.

Ke batho babo lehlaka le modumo; ke hlaka la bo mmantshehleng ke lle; e shita bo mahutwane ba sehlwa balla.
Ke batho ba bo hlapi holofela leraga meetse a pshile o a bona Legwanye. Ke batho babo phologa mangana fologela gae; ngwana Legwanye la mmameta dikgosi!!