Tag: amanzi Page 12 of 14

IZIBONGO ZENKOSI UBHAMBHATHA KAMANCINZA ZONDI

By admin

IZIBONGO ZENKOSI UBHAMBHATHA KAMANCINZA ZONDI

Image may contain: one or more people

Ake simusho okaMancinza kaJangeni kaMagenge kaNomashumi kaNondaba…

UBhambatha imihlane yamadoda.

ULanga libomvu phuma sikothe, kade sikothela kude emafini.

Ubuhwanqa obudabuka nenhliziyo, obunye ubuhwanqa budake nemizimba.

Usephula imithi iphekiwe endlini kwabo kwaMaPhakade.

UMdludli odle izinkomo zikaVoyizana eMgunundlovana.

UMagaduzela owabonela empunzini.

USibhekuza siliqhina.

Sibhekuzele uDlovunga eMgungundlovana.

UMdabu zehla ngamasamaniso kuMakhalana eMgungundlovana.

UMagadu kaMancinza.

UBheshu libomvu liyazenza izindaba.

Kade liwenzela amabandla namabandlana.

NoNyoniyezwe limenzele,

NoGayedwa limenzele,

NoDlovunga Mhlophe limenzele.

USifukufuku silukhakhayi lwengane yakwaMfofelwayo.

Ethe izalwa kwakubikwa, bayifunela amaqanda eziNtshe.

NoNhlangumhloshane.

UMakhathakatha emgugudu.

UManzi amnyama elangeni, phuma langa sikothe, kade sikothela kude.

USidludlulu singankomo ithwele amanzi ekhanda…

Uyibindanda! Nondaba!…

Nkwelo Major Zulu

King Zwelithini 😍 King Mswati III

By admin

King Zwelithini 😍 King Mswati III

Labaholi bezizwe zabeNguni kuseyibo abasasele ekuqhakambiseni amasiko nemihambo yabaMbo

UHlahla loMnqawe neloMqokolo

By admin

UHlahla loMnqawe neloMqokolo.

Abathe ukulivuna kwabo balihlohloza.

UMsontane ongambobo yomnxeba,

ngisho ngamazwi abakusontela wona abakwaZulu.

UPhondo olumyama lwakoKhubazi.

Lwadla uNomxhamana eziBisini,

lwadla uNtendeka kwaDlangezwa.

USilwane vukela abantu ekweneni.

USilwane ubeyiNduna kwaGibixhegu.

Uze noMdlaka ngaseNtshobozeni,

tshelani uSphingo kwabakwaHlengwa.

Nithi iZilo zikaJama zibulelene,

esakwaDukuza nesakwaKhangela.

UMnguni unabele nakwese Ndlovu.

Muntu unesihlobo ngase Sichasheni.

Gijima ngazo zonke izindlela,

ubikele uMthezuka eSichasheni,

uthi uMthezuka igama likaMagugu akaliyeke.

UMagugu ngowakithi eMgungundlovu.

uVezi uManyelela onjengeVezimanzi.

Uyajabula mfazi waseNsuze,

wena owabona uManyelela eyobulala izitsha zaseNdinaneni.

UDledle ongankomo zecala,

zona zimabuya nasekwalukeni.

Ohambe ngokhalo lwamathafa,

waye wayibuthisa oBhalule.

Uthe ephuma oBhalule,

waye walala eNkuthu,

waye wawela eBulingwe kwaMzilikazi.

INyoka eqophe umqala yashiya isibili,

yathi izoqedela ngomhla izovela.

INsimu ethe ukuvuthwa yaxholoba,

zayidla amanhla zayishiya amazansi.

USomnandi wami woza ngange umlomo,

ngingaze ngisale ngibe nomngandeni.

Hlanga lomhlabathi! Vezi Silo sikaZulu….

Abakwa Khoza 😍 NTSHINGWAYO KAMGODI KHOZA

By admin

Abakwa Khoza 😍 NTSHINGWAYO KAMGODI KHOZA

Lona ohlezi oncike ngendlu uNTSHINGWAYO KAMGODI KHOZA, wayekhuliswe uyisemncane wakhe uMAHOLE ngemuva kokuthi uyise uMgodi/uNdlandla abulawe kuhlasela impi yeLembe.

UNtshingwayo wayengumdidiyeli omkhulu ngempi yaseSandlwana. Kwabekuluqhawe umfoka Khoza lona, wayelekelelwa uZibhebhu kaMaphitha noMavumengwane kaNdlela kaSompisi abangamasekela.

Image may contain: one or more people

Chairman of Orlando Pirates Football Club. Vice-president of South African Football Association and Chairman of Premier Soccer League. Businessman with interests in property and football management.

Former president of South African Chamber of Business and deputy president of Black Management Forum. Served 14 years at Shell and 11 years at Nestlé.