Izithakazelo zakwa Nxele. Nxele Surname. Sereto sa Nxele.
Iziduko zako Nxele.Nxele‘s surname info is currently not listed.
If you know its Meaning, Clans or History, please add it by making a comment below.
Tag: nxele Page 1 of 2
Nxele Clan Names, Meaning & History.
Izithakazelo zakwa Nxele. Nxele Surname. Sereto sa Nxele.
Izithakazelo zakwa Nxele. Nxele Surname. Sereto sa Nxele.
Nxele Clan Names, Meaning & History.
Izithakazelo zakwa Nxele. Nxele Surname. Sereto sa Nxele.
Izithakazelo zakwa Nxele. Nxele Surname. Sereto sa Nxele.
Iziduko zako Nxele.Nxele‘s surname info is currently not listed.
If you know its Meaning, Clans or History, please add it by making a comment below.
Leave a Reply
Kuthe abakwaNxele behleli kukuhle endaweni ephakathi komfula iNyalazi nechweba lase -St. Lucia, beholwa uMendu okwakuyena inkosana yesibongo sakwaNxele, kwabakhona abafaka unyawo ledada esibongweni sakwaNxele, okusolakala iNkosi uKhayi kaMadango yesizwe sabaThethwa. Kuthiwa iNkosi uKhayi yayiganwe indodakazi kaMsweli, yingakho isolakala kulokhu. Kuthiwa yayalela uMsweli ukuba akahole abantu bakwaNxele. UMendu kwabe kumfowabo omdala kaMsweli. Abantu bakwaNxele babe sebehlukana phakathi kwakhona uhlangothi olweseka uMendu oludume ngokuthi abakwaSeme. Kuthiwa lengxenye yazingela izinyoni iziseme yase yase ithola isibongo, abanye bathi uSeme kwabe kungelinye igama likaMendu alithola ngokuzingela izinyoni iziseme.
UMendu wazala uDovuyana yena wazala uNdaba/ Ndebe yena wazala uSotiti noMlondo. Lena iyona ndlunkulu yakwaNxele.
Olunye uhlangothi lweseke uMsweli, lwaduma ngokuthi abakwaMsweli. UMsweli wazala uZaza, yena wazala uMyambo/Mnyambo, yena wazala uMandeku, yena wazala uDlovunga. Lena indlu eyaduma kakhulu eyaba nobukhosi obuqinile ngenxa yokuba nobudlelwano obuhle nesizwe sabaThethwa, futhi yaba namaqhawe avelele.
Abanye bakwaNxele babedume ngokuthi amaXasibe/Xesibe bebakhe phakathi komfula iMpanza noMngwenya eMsinga (Greytown). INkosana yabo kuMjoli kaSinama. Nakubo laba kwagcina behlukana phakathi kwasala iqembu elagcina liholwa iNkosi uSoqhosha ngezikhathi kubusa uShaka kwaZulu, lengxenye yabakwaNxele isatholakala koMzimkhulu, Xobho, Richmond, Mgungundlovu, naseMsinga.. USoqhosha wayazalwa uMngethwa /Mkhethwa kaZamazama abanye bathi uMzabana.
Esingakwengeza ukuthi babekhona abanye abafowabo bakaMendu noMsweli, esibala uKhuwana owachema noMendu. Lana bengichaza ngokuvela kwezibongo uSeme noMsweli ngaphansi kukaNxele. Ngiyochaza ngelinye ilanga ukuthi esakwaNxele sivele kanjani kuphi, kwenzakaleni?
Lona umlando ocwaningiwe futhi wavivinywa ngezindlela ezahlukene.
UTshevu Nxele wayeyi qhawe leSilo uShaka, wayebuthwe kwelinye lamabutho eNgonyama uDingiswayo Mthethwa.
Ngaphansi kombuso weLembe wafakwa ebuthweni iziMpohlo. Ngempi eyaphakathi kukaZulu noNdwandwe eyalwa eMhlathuze uTshevu waba ngomunye owahlabana kakhulu, waze wathola izibongo ezithi “inqe elizwe ngosi ukuthi kuyadliwa eZintenjaneni”, iZintenjani kwakuyibutho elalithelela iziMpohlo, leli butho ilona elahlabana kuqala empini yaseMhlathuze kubambene impi yamaNdwandwe noZulu. Kuthiwa yena washiya ibutho lakhe wagena eziNtenjaneni ezase ziphambili zigwaza impi yeNgonyama uZwide, wafike wahlabana. Sibuye sizwe kuthiwa walimala kulempi. Ubengagcini ngokuba iqhawe nje ubebuye abe induna esemazingeni aphansi ebutho iziMpohlo. UTshevu wayezinze endaweni yaseMpangisweni uhlale ngenkathi iLembe lehlula iNkosi uZwide kaLanga Ndwandwe, kuthiwa iLembe layalela ingxenye yabaThethwa liyobheka umuzi walo iMpangiso, phakathi kwalabo baThethwa kwakukhona noTshevu. Siphinde sizwe ukuthi bacelwa iSilo uMpande ukuba abahambe kanye noSiwangu
kaMbikwana kaKhayi Mthethwa beyohlalisa iNkosazana uMkabayi kaJama emuzini wasebaQulusini, empeleni babekade bafika endaweni yaseMpangisweni, bahlala kuleya ndawo kubusa iLembe. UTshevu naye wayene ndawo okuthiwa iNgedlane (eNgedlaneni) eteketiswa kuthiwa “abagedli bemithi” eMpangisweni.
Leave a Reply