Kabini surname history and origin:
Ama Kabini abuya esizweni sama Swati.
Bafuduka nge Swatini ngesibanga sokobana amadodana ka Chief Nkabinde athunjwe yiNgwenyama yama Ndebele.
U Chief Nkabindze bekabusa begodu amlaphi wendabuko esifundeni sange Pietertief nge Mpumalanga, ngaphas kombuso ka Sobhuza l. uNkabindze bekanamadodana ayisthupha(6) kungu Ngaphi, Msabeleni, Mihla, Mtjhitjhi, Khuzeni, Mvalo.
Wathuma indodanakhe yomaswaphela ekungu Mvalo,kobana akhambe ayothiya i Datjha (wild-dog) bebalapha iskhonkwani ngamafutha we Datjha. Yeke indodanakhe yenza njengobana uyise amyelele ngayo. Wakhamba wayokufika ngemlanjeni wakha indlwanakhe ngama kari weenhlahla mgega nomlambo. Wathi nakasalibele buthongo, kwafika ama butho ka King Magodongo.Amthumba amusa nge Ngwenyameni.
Kwazwakala ku Nkabindze bonyana indodanakhe ithunjwe ngesgodlweni sakwa Magodongo,wathumela amadodanakhe amane bonyana ayokulanda umfowabo kwa Ndebele.
Nakafika ngale athunjwa nawo, iKosi uMagodongo wababuza bonyana bavelaphi. Baphendula bathi babuya nge Swatini bathunywe ngu yise kobana bazolanda unfowabo omncani. IKosi khenge ibanikeze umfawabo,wabathumba nabo. Wababuza godu ukuthi benzani ngamafutha weDatjha.Baqhazake, iKosi yathi mabalaphe abantu abaphethwe yiskhonkwana. Yeke babalapha u Magodongo bewathi kibo abasabuyeli emuva uzabanikeza abafazi babefolokazi bamadodanakhe nabafowakhe,wathi sukela mhlokho u Kabini no Mahlangu sekubo mfo abasathathelani.
Kwazwakala ngale ku Madindwasi bonyana abentwana bakhe boke batjhunjiwe,wakwata kumbi khulu.Bewabutha amabutho wakhe wathi uyohlasela kwaMagodongo.USobhuza wezwa ukuthi u Madindwasi uyokuhlasela uMagodongo. Wakwata naye wathi kuba yini u Nkabindze ayohlasela kwaNdebele angakambikeli.Waphuthuma msinyazana wayokuvimba u Madindwasi,bewafika kuye wambulala.
Yeke isizwe sakwa Kabini sibuya nge Swatini, Kunabanye bakwa Nkabinde abazibiza ngamaZulu.Nabo babuya nge Swatini,siyinto yinye.Sekuhluka ngokuthi abanye bafudukela kuphi. Kodwana yoke iimvelaphi yethu ngeye Swatini.