Ke Sebata se segolo sa mamoriti o maswe ga o nnwe ,o nna ke mona le pelo.
Bakgalaka wee boelang gae hlogo tsa mampsa dia bola,di hloka le bakgakgathedi.
Boshulawee,, bakgalaka weeee
Maphoofolo tswapong ya thaba ya ngwato,ba duma moriti bao lebeletse,bare retla o tsena bjang.
Mo go patlameng nna tau ya bokgalaka,banna ba longwa ke mala ba sulelwa,
Agee Sebata wee, Bakgalaka weeee.
Tag: wasilota Page 7 of 177
Sereto saga Babirwa Baga Kobe.
Re Humana Maina a bakgalabje Baga Maboya
Mo le bokong le…Maboya,Kobe,Mothemane
Ke babirwa ba Mmantotole Ke balatola mphale Ba gana pudi eja mongangane. Ba batswago ngwala la Mmankgotsa Bare Mohau Bare Tlala Bare Kgolo ke di pedi Bare tshitshidi Bare maphena O se bone mmirwa ale tee, babirwa ba tletse lehwiliri Ba bahlagang sebato sa bo RaBotsumi Seohlol O se gohlole o tla tshosha dibata nageng O se alele nama masare O tla ruta mabu bohlale Ke mahlaba a dusa Kgomo ohlabiwa ya dona tsa ditshadi a dihlabiwi Ke ba kgomo ya pelo ye mpe ge nkebe esebe mehala e be tla gana le maswi a yona Ke batho ba bo makwafa diatla Nkabe ke kwafe diatla pelo e dire tsa bosadi Kobe wa MaruaNare Sekoba dinea a phetha Sephephetha a salo naso Sa mohlakana a sebotlane Ke batho ba bo Mmankgodi wa goja moumo thabeng Batho ba bo Tauyatswala a Molefe Batho ba bo Mmasiang a Kobe Ke batho ba bo mathaba ka mpa go kgora
Mmirwa weee
Ke Bathokwa ba Mmaseboko Sebe sa Bathokwa, ga se retwe baneng, se a šiiša Ke maripaleselo, Majankata a bo Mmamologadi, Ke ba bahwibidu ba Mmaleserwane Ke batho ba go tšwa ga Tšhaka Ba wela tsutseng Ke magadimana ntweng, Ba rega ba gadimane ge ba eja Ke batho ba bo molomo o lehodu O reng o tima nko e go akometše Ba re mogwete wa motho o mogolo ga nke o hloka bosepa Ga o re maloba le maabane ke nyele Ba re go nya kudu ke go fetša mphago. Ke batho ba bo phuthi ya bošego ga e bethwe, O tla betha le phuthi ya mmago. Ke bana ba Kgom’athlaba, mmago Lesiba Kgomo manthulane, Kgomo ke thutše banna maswi a tšhela banna maledu. Ke batho babo se ja nna wa bo Lekatšile Ga nke a ya ka taba, Mokaila O ya ka selo a se bone
Ke Masetla tlou ya Bolepye sehula tlou ka thebola ya hwa e sena leshoba.
Ke tlou kgolo ya Bolepye diphelele di tswa Bokgalaka . Ke Masetla a ntswanyana.
Ke batho ba go shia Thaba Bolepye Thokola ba e bea kae.
Ke batho ba bo Masedikwe sa Bokgama batho ba ga Mmapedi.
Ke batho babo Mmakoto Moetlaetli monyana wa ga Masetla, kgaetsedi ya Makoba la Moletlane
Ke batho babo Masetla bana Masetla bana Maretologa mohla mongwe a Fulara.
Ke batho ba bo Matome thate ya seepe wa tla gatee wa tlogela.
Yena morwa Tshukudu ya mpapanana.
Ke bona batho ba bo Pheegane a Malesela.
Makgobokane, rantsha ya ja leoka kua gabo sekhatsa sa moratha tlhako di a lewa.
Ge ele maoka a lewa itsweng Ke mokwakwalla molema tshemo a sa fetse.
Ke bona Batlogolo ba Makoba. Lena Makoba la Moletlane. Ke Morwa Masetla ‘a ntshwanyana.
Ke batho ba bo Mahlodi , Mahlodi la ba ntelele. Go lla Ke go llishana.
Ke yena Mahlodi la Pitsa falala.
Ga bo pitsa go hwile mang.
Ke batho ba boyago Bolepye
Tsatsi la fisha Bolepye
Phalaborwa le besha nama
Agee tlou – Agee Bolepye wee!