izithakazelo

clan names 💛 clan history 💯

izithakazelo

Category: Umlando Page 7 of 9

Tinanatelo tabakaMdluli

By

On

In Sinanatelo, Tinanatelo, Umlando

Tinanatelo tabakaMdluli

Nati tinanatelo takaMdluli tilandvwa ngetindlela letehlukene. Lokubanga kutsi kube netindlela letehlukene kutsi labatitekako abatiteki ngendlela lefanako tinanatelo. Loku kubangelwa kutsi umlandvo wetfu bewungabhalwa phansi manje labanye bateka ngendlela lebeva ngayo kepha tonkhe tisasho bona labekunene:

Indlela yekucala
Mdluli
Bhekiswako
Wena wabhekis’ inkhos’ elusaseni
Sukuta
Luvuno
Luvuno alunanhloni
BakaMdluli abayidli inyama yembuti
Badla yenkonkoni
Phika sinamandla
Mlimi wansindze
Bantfu balim’ emafus’ aboGembe
Mlisana
Ndzindzindzi
Mdluli!

Indlela yesibili
Mdluli
Bhekiswako
Phakatsi
Nselo lenkhulu
Luvuno lolungenamahloni
BakaMdluli abayidli inyama yembuti
Badla yenkonkoni
Mdluli!

Indlela yesitsatfu
Mdluli
Sikhandzisa
Mandzindzakandzaba
Wena Delila, tinkhomo
Watsenga emajaha

Indlela yesine
Mdluli
Sikhandzisa
Mkholo lonsundvu
Lonsundvu ngisho netinyawo takho
Mbokodvo lenhle legaya bulawu bemakhosi

Indlela yesihlanu
Mdluli
Sikhandzisa
Semakholo
Mbokodvo lendze
Lesilala bulawu bemakhosi
Mhlanti wendlunkhulu

BakaMnisi

By

On

In Sinanatelo, Tinanatelo, Umlando

BakaMnisi

BakaMnisi, boMvuleni, boNkhophe timayaka, ngendzabuko babeSutfu. Bebakhe kusuka eDlomodlomo, eManzana, kubheka emphumalanga kuya kaNgwane kufaka ekhatsi lapho sekusiciwu khona setilwane iMalolotja kuye kuyokhawula ngeMbuluzi lemnyama. Bebakhelene nebakaMncina nebakaMagagula nebakaMaseko.

Mnisi utele Madlalisa naLukhambule. Madlalisa utele Manyovu lokunguyena tindlu letinyenti letikhona takaMnisi tiphuma kuye. Manyovu lo lelinye libito lakhe shengatsi bekunguMantjolo, abakhe lapho sekukuseSidvwashini khona lamuhla.

ENtabamhlophe kunesitiba, lekutsiwa sitiba sakuMantjolo, lapho kutsiwa khona wakaMnisi akaminti khona. Kutsiwa bekutsi nome kunembango webukhosi, batsatfwe laba lababangako basiwe kuso lesitiba,bafakwe ekhatsi nesikhuni lesivutsako. Lotawuphuma naso sivutsa kusho kutsinguye lokhetfwe ngulabadzala bemaMvuleni.

Ekufikeni kwebakaDlamini uma basuka eShiselweni babakhandza babuswa nguye Manyovu, lobongwa kutsiwe nguManyovu labengadzinwa nakusutela. Ikhona lenye indlu yaseSilotfwane, yaLukhambule waMnisi, umnakaboMadlalisa uyise waManyovu.

Somhlolo ekuhlaselweni kwakhe nguZidze wasuka eShiselweni wayekwakha dvute naseSinceni, wakha umuti wakaPhungalegazi. Nakhona lapho Zidze wamhlasela, wasuka Somhlolo wabalekela kubakaMaseko ngaseBhunya kuKhabangobe. Kusuka lapho wagudla liGwa(Vaal) wenyuka nalo wesuka wacondza enyakatfo wayewukhosela kuMagobhoyi labengumntfwanenkhosi wesive sebaPedi labakhe dvute neDlomodlomo. Ngalesikhatsi akhile la eDlomodlomo sewuyacala uhlasela letinye tive abakhelene nato. NebakaMnisi kungenteka kwekutsi wabahlasela ngaso lesikhatsi.

Kutsite sekubusa inkhosi Mswati, Manyovu sewuyakhotsama. Loko sekususa umbango kubasabakhe Manyovu, boNjinji, naNkhundla, naMsundvuka naMajahane. Njinji asuke abulale Msundvuka naNkhundla. Lesento sakhe samecatsa nenkhosi Mswati lowabahlasela bakaMnisi wabachitsa. Lokunye lokwenta abahlasele,kutsiwa ngaloyo mnyaka lana kakhulu litululenta tikhukhula. Kwatiwa ngabo boMnisi labente letikhukhula.

Njinji wabaleka, banalomunye lokungatiwa kahle ngaye, Hanisi waMitsi, behlela eMhlongamvula. Bengca bayawukhawula ngeLukhahlamba(Drankensberg). Baphindze bancandzeka babuya batekwakha dvutane neMkhomazana ngaseSilobela(Carolina).

Tindlu takaMnisi time ngalendlela:

YAMSUNDVUKA(BADPLAAS)
————————————-
Mnisi utele Madlalisa, lotele Manyovu, lotele Msundvuka, lotele Maloyi lotele Mkofumane, lotele Bhekumuzi.

Bhekumuzi wabekwa ngewe-1992 njengenkhosi yesitiba.

YALUKHAMBULE(EMAPHALALENI)
———————————————
Mnisi utele Lukhambule, lotele Madludlu, lotele Sihhamula, Siphungo, lotele Madludlu 2.

Laba bebakhe eSilotfwane, kepha ngesikhatsi kusukunyiswa siciwu sakuMalolotja basuswa baya eMaphalaleni. Sihhamula utele Gobindvodza,Siphungo, Mcebi naMashopha. Gobindvodza abeyiNyatsi ngekubutseka futsi bekunguye bekumele alandzele Sihhamula kepha wasala emphini yaseMshadza kaSikhukhune banaMashophi naMcebi. Siphungo yena abeyiNdlavela.

YANKHUNDLA(BEDESKUDI)
————————————-
Mnisis utele Madlalisa, lotele Manyovu, lotele Nkhundla, lotele Ndlalambi, lotele Dvuma, lotele Ndinda,lotele Makhubalo.

YASETJENI LEMBUBE
—————————
Mhhomeli utele Maliwa. Shengatsi iphuma kuNjinji lendlu nome kungatiwa kahle.

TINANATELO
——————-
Mnisi.
Mvuleni.
Nkhophe timayaka.
Lwandle kaluwelwa,
Luwelwa tinkhonjane,
Tona tiphaphaetulu.
Gwadlagwadla.
Nine nangena kuMantjolo
Naphuma nesikhuni sivutsa.
Nine beMhlongamvula.
Manyovu lobengadzinwa nakusutela.

Izithakazelo nomlando wakwaJele

By

On

In Izithakazelo, Umlando

Izithakazelo nomlando wakwaJele

Abantu bakwaJele bangabeNtungwa ngokwezigaba zabeNguni . Ukhokho wabantu bakwaJele nguPhahla owabe eliwele noGumbi bezalwa kwaQwabe . Ngakho-ke abakwaPhahla , abakwaJele kanye nabakwaGumbi bayizihlobo zegazi . Ngenkathi iSilo u-Shaka sihlanganisa izizwe umuntu owabe egqame kakhulu kwaJele nguZwangendaba kaJele , u-Jele nguyena okwaqanjwa ngaye isizwe.

U-Zwangendaba wabe engomunye wezinduna zenkosi u-Zwide kaLanga . Ngakho-ke ngenkathi kuqikilina amakhosi amabili oShaka noZwide u-Zwangendaba yena wayegqishe ngasenkosini u-Zwide nokwathi ngemuva kokunqotshwa kwenkosi u-Zwide inqotshwa iSilo u-Shaka u-Zwangendaba wabona kukuhle ukuba elibhekise enyakatho

UZWANGENDABA JELE

UZwangendaba kaJele kaQheko kaLoyanda kaNyandeni kaNgubuyamakhosi kaPhahla [u-Phahla wabe eyiwele noGumbi owazala abakwaGumbi]wayengenye yezinduna zebutho laMaphela nokwakulibutho lenkosi uZwide kaLanga.  Wayengelinye lamaqhawe enkosi uZwide kaLanga nokwathi ngemuva kokunqotshwa kwenkosi uZwide inqotshwa yiNgonyama uShaka uZwangendaba wabona kukuhle ukuthi alifulathele elakwaZulu abhekise amabombo enyakatho.

Kwakuwunyaka ka 1821 ngenkathi uZwangendaba esuka kwaZulu eya enyakatho,kungalowo nyaka lapho noSoshangane Nxumalo, (owayelwe ngasohlangothini lwenkosi uZwide) uNxaba kaMbekane kanye noMzilikazi kaMashonana Khumalo(owayelwe ngasohlangothini lukaZulu‎)nabo balifuthela elakwaZulu.  Kwathi ngonyaka ka 1822 uZwangendaba wakha amadlangala phezu komfula iNkomati (Manice River).

Ekusukeni kwakhe kulawo madlangala wabhekisa amabombo lapho usekuyidolobha laseMbombela khona wafika wahlelesela eminye yemizi yeSilo uSobhuza wathumba abantu maqede waqhubeka nohambo lwakhe. Kulabo bantu ayebathumbile kwakukhona owesifazane ogama lakhe kunguNyamazana okwaqanjwa ngaye indawo yakwaNyamazane eMbombela. Indawo yakwaNyamazana imbandakanya amalokishi iLekazi, iPinaar kanye noMsogwaba. UNyamazana naye wabe eyiqhawekazi eliyisimanga (sisazobuye sixoxe ngaye)

Kwathi ngonyaka ka 1831 uZwangendaba wenza umfelandawonye noSoshangane Nxumalo  kanye noNxaba Msane bahlasela izizwe ‎ngenhloso yokudlondlobalisa imibuso yabo. Kodwa leyo mizamo yabo yagcina ibhutshile ngoba babuye bajikelana bodwa kwaqubuka enkulu impi phakathi kwabo,uZwangendaba noNxaba bahlanganyela uSoshangane. Kuleyo mpi wabanqoba uSoshangane ize babemhlanganyele . Leyo mpi yalwelwa eDalagubha (Delagoa Bay eMozambikwe. La maqhawe amathathu ayesefunde indlela yokulwa ngomkhonto owodwa obizwa ngokuthi yiklwa noma ijozi nokuyindlela yokulwa eyaqalwa yiSilo sakwaDukuza. Kodwa-ke bona iklwa basebelibiza ngegama elihlukile, elithi u-‘mdikadika’.

Kwathi ngemuva kokunqotshwa kwabo nguSoshangane uZwangendaba wabhekisa amabombo ezweni labaLozi naMakaranga lapho osekuyizwe laseZimbabwe. Ngaleso sikhathi wayengakafiki uMzilikazi kuleliya zwe ngoba yena wafika ngonyaka ka 1837 enyangeni kaLwezi.

Ngenkathi uZwangendaba efika ezweni labaLozi naMakaranga wafika esevuke umbhejazane ngoba wayesebulala kwasani. Wabulala amakhosi akhona oChangamire noTshilisamuhulu, akagcinanga lapho okaJele wabuye wabhidliza nezakhiwo zabaLozi naMakaranga ezabe ziligugu  elikhulu kubona. Lezo zakhiwo kwakuyiKhami, iDlodlo kanye naMaswingo.

Lezo zakhiwo zazishiye zakhiwe inkosi uMwene Mutapa eminyakeni yama 1400. Amakhosi amaKaranga kanye nawabaLozi ayengawakhi amaqhugwana , ayakha izindlu impela ngezitina. Ukwakha izindlu ngezitina ayekufunde kumaPhumalimi angamaPutukukezi eminyakeni yama 1400.

UZwangendaba wenza zonke lezimanga nje ukhona uNyamazana, bazenza ngokubambisana lezi zimanga. Esewabulele amakhosi aseBukaranga kanye nawaseBulozi uZwangendaba wakha imizi yakhe esingabala kuyo owaseNdingeni(kwabo Mmbelwa),  eKhahleni, eLangeni, eZondweni (kwabo Mthwalo) eMbangweni neminye. Wahlala lapho waze wahlaselwa nguSoshangane ngonyaka ka 1834, wabuye wamhlasela futhi ngonyaka ka 1835. Ngasenyakatho yezwe likaZwangendaba kwakwakhe uNgwana Maseko ongazange asinde naye ngenkathi okaGasa ehlasela.

Kwathi ngawo unyawo ka 1835 uZwangendaba wafuduka washiya uNyamazana kwelaseBulozi ngoba esemiswe kabi nguSoshangane. Esinye sezizathu esabangela ukufuduka kukaZwangendaba ukuthi wayesezwile ngezinhloli zakhe ukuthi uMzilikazi Khumalo wayesakhe eNtilasifali izwe lakhe lisuka koMosega lize liyovinjwa umfula uNgulukudela(Limpompo River). Lezo zindaba zamenza wahlalela ovalweni ngoba yena noMzilikazi babe beyinkukhu nempaka ngesizathu sokuthi uZwangendaba wayethinteka ekubulaweni kukaMashobana uyise kaMzilikazi owabulawa yibutho lenkosi uZwide elalaziwa ngokuthi yibutho laMaphela. UZwangendaba wayengenye yezinduna zaMaphela njengoba besengishilo ngenhla. Ngakho-ke uMzilikazi wayezomhlasela uZwangendaba ukuba wayeqhubeke wahlala kwelaseBuLozi.

Ayavela amagama oZwangendaba noNyamazana ezibongweni zenkosi uMzilikazi uma kuthiwa ‘Unsingo yashaya uphawu kwezikaZwangendaba ngoba ilushaye kuNyamazana iNgwane’.

UNyamazana wasala ezweni lasebuLozi, wagcina esegane inkosi uMzilikazi kwazalwa indodana uNyanda Khumalo. UZwangendaba wakhothama ngonyaka ka 1848, washiya engayikhombanga indodana eyayizothatha ubukhosi ngemuva kwakhe ngakho-ke kwathi ngemuva kokukhothama kwakhe kwabamba umnewabo uNtabeni kaJele ka Qheko ka Loyanda ka Nyandeni ka Khali kaLuvuno. ‎ UZwangendaba wayezele amadodana amaningi kodwa kwagqama oMphezeni noMbombela .UNtabeni wayebambele uMphezeni owayesemncane ngaleso sikhathi. Kwathi  ngenkathi uMphezeni esegcotshiwe ukuba abe yinkosi yaMaZwangendaba uMgayi kaMafu kaJele waphikisana nokubekwa kwakhe wathi uMbombela okwakumele abe yinkosi hhayi uMphezeni. Asazi-ke ukuthi wayekusho ngaliphi lokho. Ngakho-ke ngaleso senzo sikaMgayi isizwe sikaZwangendaba sagcina sihlukana kabili. Esinye saholwa uMphezeni, kwathi esinye saholwa uMbombela.

UMgayi wayezalwa uMafu umfowabo omdala kaZwangendaba. UMafu wasala kwaZulu ngenkathi uZwangendaba elifulathela elakwaZulu.

Isizwe sakwaJele esiseMalawi manje saziwa ngokuthi esakwaJere ngenxa yokuhluleka kokubiza igama okuyilona kwabantu baseMalawi. Sibuye saziwe ngokuthi abaNgoni. Lesi sizwe manje sisithola sizinze esifundeni saseMzimba -Bona eMalawi, sibuswa inkosi uMmbelwa yesine..

Izithakazelo nomlando wakwaShongwe

By

On

In Izithakazelo, Umlando

Izithakazelo nomlando wakwaShongwe

Abantu bakwaShongwe bangabeNtungwa baseMbo ngokwezigaba zabaNguni.
Imvelaphi yabo ixhumene neyakwaDlamini, Shabalala , Kunene , Mavuso nezinye . Ngenkathi befika kuleli eliseAfrika eseMazansi bafika bazinsa lapho sekuyizwe laseSwazini khona. Babekade beqhamuka enhla nezwe njengabo bonke abaNguni.

Laba bantu bakwaShongwe bayinzalo yeNgwenyama uMtimande kaKunene kaGabase kaSidwabasiluthuli. Ngakho-ke laba bantu bakwaShongwe bahlobene kakhulu nabakwaKunene futhi basabazisa ubuhlobo babo nanamuhla.

Yena-ke uMcusi kaMtimande wazala amadodana amaningi kodwa sizobala amathathu kuphela okuyiwonaayizinsika zezindlu zakwaShongwe . Lawo amadodana uMagude , uTinkuni kanye noNgcaphalala owabe engomncane . Kuthe lapho bekhula uMagude noTinkuni baphuma emzini kaYise wabo ngasentabeni iMbilaneni

Basuka lapho bagudla umfula uPhongolo baze bayofika lapho uhlangana khona
nolwandle eMabhuda (Maputo). Yingakho nje kunendawo okuthiwa
kuseTshongwe lapha kwelaseNgwavuma iqanjwe ngabo abakwaShongwe.

Baze bahambe indawo engaka nje yingoba abakwaShongwe bayizinyanga phela
behambe bethubeleza emahlanzeni bekhendla imithi. INkosi uTinkuni kwaze
kwathiwa uzikhuni nje yingoba wayenomlingo wokungena esizibeni nesikhuni
esivuthayo aphind’aphume naso sivutha.

UMntanenkosi uNgcamphalala yena wakha endaweni ephakathi kweShiselweni neSiphofaneni.
Leyo ndawo yagcina ibizwa ngokuthi kukwaNgcamphalala. Ngokuhamba kwesikhathi -ke izizukulwane zakhe zafuduka zaze zayofika kwelaseMkhondo (Piet Retief) naseNcaka
entshonalanga neDumbe lapho zafike zakha khona umuzi wa kwaHlohlingwe
phakathi kwentab’iNcaka nomful’uPhongolo. Kule ndawo zafica kugcwele izingwe
zazizingela zaze zaphela ukuze imfuyo yabo ibenedlelo eliphephile.
INkosi uTinkuni yena wazala iNkosi uMathafeni.

INkosi uMathafeni yasuka kwelasoPhongolo yayozinza eBulunga kwaManzini. Yafika lapha inamabutho ayezizingwazi ngokwempi nangokwenqina ngenxa yokuthi base bebuya endaweni
eyihlanze oPhongolo lapho ababezingela khona izingwe nezingonyama.

INgonyama uMswati 2 wase eyayicela iNkosi uMathafeni ukuthi iyombheke la izwe
lakhe elangaphesheya kwemifula iNkomazi noMlumathi leli zwe namhlanje
eselaziwa ngokuthi isifunda saseMpumalanga nengxenye yeGauteng ikakhulukazi
indawo yaseKurhuleni neSandton. 
Leli zwe-ke abakwaShongwe namaSwazi onke
alibiza ngokuthi kuseSikhwahlaneni okuyigama likakhokho wabo olamana
noMntanenkosi uMagude.

INkosi uMathafeni yakha umuzi yawuqamba igama
yathi kukwaShongwe iwuqamba ngomuthi wokwelapha isikhumba nezinye izifo
ezibangaphakathi kumuntu. Yaqamba neminye imizi emibili, yathi omunye
kukwaDlangamandla, omunye yathi kuseSidungweni noma kuseMashobeni.
INgonyama uMswati 2 yabuye yathumela uMathafeni Mdluli induna yempi ukuba
akhe umbimbi neNkosi uMathafeni  ukuze bashaye abaPedi, baze
bayobabek’eMhuluhulu (Hoedspruit). Babathathel’izinkomo nezingane bazifaka
ngaphansi kwesizwe sakwaShongwe.

INkosi uMathafeni washona emva kokulwa lempi phakathi kuka-1869 no-1870
ebulawa yingxibongo (small-pox) watshalwa eduze nalapho osekuthiwa
kukwaShongwe Mission manje. Ingxibongo yabhubhisa umuzi
wakwaDlangamandla, umuzi waseMashobeni wona wase uthuthela esifundeni
sakwaHhohho. INkosi uMathafeni yalandelwa iNkosi uMathamo ngokubusa
owayeyingwazi naye.

Ingwazi eyalwa nabaPedi, abaTsonga nabaTshopi kubangwa
izinkomo nezwe. Kwathi emva kwenye yezimpi iNkosi uMa thamo yahlatshwa
ukugula, bayithwala abantu bakaMahlalela Mlambo bayoyibeka eBulunga
kwaManzini. INgonyama uMswati 2 yase ixoshisa uMahlalela ngokumenza inkosi
yakwaMlambo eMbuzini. INkosi uMathamo yayinondlunkulu abawu-30 nemizi
ewu-16 ezindaweni ezinjengoMzinti, Schuzendal, Middelplaas, eSchoemansdal,
eJeppe’s Reef naseSwazini.

INkosi uMathamo kwakuyinkosi elungile eyayithandwa yiwo wonke umuntu.
Yayinomusa futhi ikwazi nokunika indawo yokuhlala abantu okungebona abesizwe
sayo ngisho abelungu imbala, abelungu abanjengoKirk, uSchoeman noGilliland.
INkosi uMathamo yashona ngo-1925 isihlalo sayo sabanjwa yindodana yayo
uMntanenkosi uNjiyeza, ebambele uMntanenkosi uMagubha ozalwa
uMntanenkosi uGebhuza inkosana yeNkosi uMathamo eyashona kuqala iNkosi
uMathamo isaphila. UMntanenkosi uNjiyeza wayeyisanusi emndenini. Waminza
emfuleni iNgugwane ngo-1937.

INkosi uMagubha yayizalwa uMntanenkosi uGebhuza kundlunkulu wakhe uMangeti umzukulu weNgonyama uMswati 2.
Yazalwa ngo-1909, yahlala emzini waseMbanweni eMlumathi (Schoemansdal).
Wabusa iminyaka ewu-11, watshalwa eduze kukayisemkhulu, iNkosi uMathamo.
INkosi uMagubha ikhunjulwa njengenkosi eyayinomthetho futhi yagcina namasiko
amadala, yagcina nobuhlobo obuhle nabantu baseSwazini.

Emva kokushona kweNkosi uMagubha isihlalo sabanjwa umfowabo uMntanenkosi uSisini kusukela
ngo-1941 kuya ku-1945. Emva kwalokho kwabamba uMntanenkosi uZithulele
umfowabo omncane kaMntanenkosi uNjiyeza. Wabamba kusukela ngo-1945 kuya
ku-1955. Kusukela ngo-1955 kuya ku-1962 kwabamba uMntanenkosi uSigweje
(hhayi owakwaKunene) kodwa enye yamadodana eNkosi uMathamo.

Emva kokubusa kwamabamba amathathu kwabesekuphatha iNkosi uTinhlonhla,
indodana yeNkosi uMagubha ezalwa inkosikazi yakhe yesibili uTotoyi. Yabusa
kusukela ngo-1962 kuya ku-1981. Kwaba ngesikhathi sayo le nkosi lapho indawo
yakwaShongwe yakhelwa isikole iShongwe Secondary School ngo-1970.
Emva kweNkosi uTinhlonhla kwabamba udadewabo, uMntanenkosi uMdzili
okhunjulwa ngokulunga kwakhe, wabamba kusukela ngo-1981 kuya ku-1982.

Emva kwalokho kwabamba uMntanenkosi uMahusha kwaze kwaba u-1992. Ngo-1993 kwaphatha indodana yeNkosi uTinhlonhla, uMntanenkosi uSikhumbuzookuthe ngesikhathi sakhe kwavulwa amahhovisi amasha obukhosi.

Egumeni elikhulu uMntanenkosi UMagude wazala uMagubhela, uMagubhela
wazala uJezi, uJezi wazala uMkhulunyelwa, uMkhulunyelwa wazala
uMhlambanyathi, uMhlambanyathi wazala uMagugu. UMntanenkosi uMagude
wazala nabanye abaNtwanabenkosi oNgobazana, Mhlushwa/Sidlamafa,
Sithandwa, Mdladla, Herodi noMgobozi.

Egumeni elincane kwazalwa uNgcamphalala, uMabhengeza, uNtekelezi,
uMgulube; indlondlo eyadl’ubulongwe yaze yalibala, uNjuqu edl’amahleza
kaNgangaza, Mlobho ozishay’ishingana, uMthunzi, uMxhosa, uMdekeni (uZoza II),
uBatshoki, uBhalabhala, uPhawula, uDuma, uMnyezane, uMadula, uMalunda
noNdlalingubo.

Bese egumeni likaSomhlolo (iguma laseNhlangano) kuzalwa uMadingindawo,
uMadingindawo wazala uPhikithi, uPhikithi wazala uJulayi, uJulayi wazala
uSomhlolo II.

Izithakazelo Zakwa Sibisi Nomlando Wabo

By

On

In Izithakazelo, Umlando

Izithakazelo Zakwa Sibisi Nomlando Wabo

Sibisi!
Mahlase!
Wen’ obhincis’ umuntu ngojojo
Abanye bebhinca ngobuhlalo nobusenga
Gumede!
Izibisi zikaSishaka
Mlom’ obomvu namachwane azo
Bhovugana!
Izingubo zokwembatha zikaZulu ezidla uselwa.
Onkomo inezitho ezinhlanu, othanda ukuhlephula kwasayo kodwa kungapheli.
Wen’ osilevu side singange sempongo.
Izibisi zomshayi wodaka kuvele amanzi, kwavela uPhongolo
Mlotshwa!
Mncube!
Nomashila kaMbango
Nsuku kaMagawula
Mavela!
Nina bakwaZith’ ezinhlanu
Othandayo makaxebul’ esakhe
Nin’ enaseng’ inkomo nadl’ ubisi
Kant’ inkomo ifuyelwe inyama.

Umlando wakwaSibisi
Isibongo sakwaSibisi besidume kakhulu ngokuba bebizwa ngoMahlase, lokhu okugcine sekuba izithakazelo zabo. Isilo uShaka sithe abantu bakwaMahlase ngabaseZimpisini (Zibisini) kwase kuthiwa ngabakwaSibisi. AbakwaSibisi bebakhelene nabakwaKhumalo nabakwaKhoza le eNondweni ngaseNquthu. Isizwe saseZibisini sitholakala kwaNgenesitheni, eNhlazatshe ngase Vryheid naseNkandla.

Ubukhosi bakhona bebuphethwe yinkosi uBango, ozale uBhovungana, ozale uMtshana wazala uMnqangi, ozala uSishishili noVusindlu. Inkosi Mnqangi ikhothame ngowe 1883 ngempi kaZibhebhu ehlasela uCetshwayo.

Ngenxa yobuqhawe bayo inkosi uMnqangi kuqanjwe ngayo isikole eNkandla. Izindlu ziqale ukuhlukana ngemuva kokukhothama kwenkosi uMnqangi. UVusindlu ubuse eDumbe, uSishishili wabusa kwaChwezi, eNkandla. USishishili uzale inkosi uWillem. UVusindlu, eDumbe uzale uSikhukhu. USikhukhu uqophe umlando ngokuba namakhosikazi angaphezu kama 30.

USikhukhu uzale uMuntu noGeorge, uMuntu uzale uBheki. Indlu yakwaSibisi yesende likaVusindlu isuka e-Utrecht naseDumbe. Isizinda sabo sisoBivane Mission njengoba kuhambe isikhathi basonta eSheshi.

UMxhamana ungomonye wabantu bakwaSibisi abanothise umlando. Ubeyinyosi yeSilo uShaka, bakhule ndawonye kwaMthethwa. Isilo uShaka siqambe abakwaMahlase ngokuthi ngabaseZimpisini nje, bekusolwa uMxhamana ngokuthi uyathakatha, wahletshelwa yiSilo uShaka ukuthi uzohlaselwa. Kuthiwa uMxhamana akabalekanga, uhlomise abesifazane nezingane balala emnyango. Kuthe uma kugasela amabutho eyohlasela, wawabulala. Kufike iSilo uShaka safica abesifazane nabantwana bakaMxhamana begcwele igazi emlonyeni, sathi bayizimpisi ezimlomo ubomvu, kwase kuqhamuka isibongo sakwaSibisi. Ngesikhathi kubulawa iSilo uShaka, ukhalile wathi izinja seziyibulele inkosi yakhe. Uyibongele waze waphuma amagwebu emlonyeni waqhuma washona. UMxhamana kuthiwa kube nguye owendlalela iNkosi uShaka.

Indabuko yakwa mngomezulu – Imvelaphi yakwa mngomezulu

By

On

In Umlando

Izithakazelo zakwaMngomezulu

Dlakadla,
Mdluli,
Msuthu,
Lukhele,
Wena wasenhla
Masok’ anqunu ngemizimba yawo,
Makhub’ aluthuli ngokukhubana wodwa ezinyaweni,
Maphakel’ indoda edlengelweni
Wen’ udlele entanyeni.
Mbokodo!
Nina bakaSobhuza
Izingonyam’ ezidl ’ ekhaya,
Ngokweswel’ umalusi.
Nin’ enanqamul’ amaBhunu namaNgisi
Mhlanti wendl’ enkulu
Sicikwazane senkosazane
Makhunga!
Skhangisa!
Lukhele, qhaw’ elinjonjo.

Indabuko yakwa mngomezulu

Imvelaphi yabo

Ziningana izibongo noma abantu bezibongo abanemvelaphi efana neyakwaMngomezulu onsila yabo idabuka ebaSuthwini. Indawo eyaziwa ngokuthi kuseMadzimba iyona abafikela kuyona eseSwazini. Ngenxa yezimpi nokugwema izimpi ngalezo zikhathi, iziqhwaga ezifana noSomhlolo zafika zazinda khona lapho oMngomezulu akhe khona, wabona ukuthi akaqhubekele phambili. Wathutha waya kokwakha eMabantaneni. UDlakadla kaMalinga owayengumholi wabantu bakwaMngomezulu. Kuso lesosikhathi amaSwazi kaSomhlolo axabana wodwa ngenxa yobukhosi obabubangwa.

Ukukhothama kukaDlakadla, base bebeka uZondiwe esihlalweni sobukhosi yena owayemdala kunoMsunduka kuDlakadla. UMsunduka wangena enye inkosikazi kamfowabo uZondiwe ngenxa yokungabi nabo abantwana ngesikhathi esebusa. Kwathi ngelinye ilanga uMsunduka ephuma elawini lankosikazi kaZondiwe, wakubona lokhu uZondiwe kodwa wase embiza umfowabo wakhuluma naye ukuthi uyayazi inkinga anayo nokuthi angabaleki uzomzalela inkosi eyobusa isizwe kanye naye uMsunduka. Inkosikazi eyazithwala kwakunguKaMafuleka owazala uLubelo.

Sahamba isikhathi uZondiwe wagula kwathi uma sebeseMabantaneni, kulapho kwamenela khona, wase ekhothama. Lapho uLubelo wase ethatha ubukhosi wagcotshwa njengenkosi. Akathathanga sikhathi ke lapho esephethe uLubelo ebona isizwe namabutho eSilo senkosi uShaka ehlasela izizwe ezazikhona nezazakhelene naye. Ukugwema ukuchitheka kwegazi, wavele wathatha izinkomo uLubelo wayokhonza kuShaka wathi uma ehlasela amlekelele. Kulesisikhathi wase uLubelo akha umuzi wakhe eNkungwini.

Ukuzalana KoMngomezulu
UMngomezulu wazala uMdluli noMafu. UMdluli wazala uMsuthu, yena wazala uLudonga owazala uNgwane yena wazala uMalinga, uMalinga wazala uDlakadla. UDlakadla wazala uZondiwe, Msunduka (waseMnambithi) noMbangamuni (wakaHlabisa). UZondiwe wazala uLubelo yena wazala uMbikiza wazala uZombizwe, uBhungane noMbalekelwa. UZombizwe wazala uKhathwayo ozale inkosi uMndeni osakhona. UMsunduka wazala uMdludlu yena wazala uMboni wazala uNyambane wazala uMahembe.

Imvelaphi yabantu bakwa-Ndlovu

By

On

In Umlando

Umlando wabantu bakwa-Ndlovu 

Ukufika kwabantu bakwa Ndlovu, bafika ngesikhathi kusabusa iNkosi uShaka. Umlando usitshela ukuthi iNkosi uShaka yayihamba ihlasela izizwe ngezizwe azinqobe bese eyazihlanganisa zibe isizwe esisodwa. Umlando uthi-ke wehluleka ukuhlanganisa amaZulu nabeSuthu. 

Wayeshaywa into eyodwa njalo uma efika entabeni kwakunenkungu, wabe eseqoqa amabutho akhe wabanikeza umyalelo wokuthi uma ngase bathole noma oyedwa wabeSuthu abombamba bangambulali bese bemletha kuye khona ezoke bambuze ukuthi iphi inyanga yabeSuthu. 

Uma kwenzeka amabutho ethola inyanga uqobo lwayo ukhokhovula bangalinge bambulale, nangempela bamthola bandla umSuthu bathi ukumjezisa kancane waze wayoyikhomba inyanga yabeSuthu lapho yayicasha khona, bayithola emgedeni ihleli babuya nayo-ke lenyanga. Igama laloKhokhovula kwakunguTLOU phecelezi Ndlovu ngesiZulu, lo owayedidiyela amakhubalo anzima abeSuthu. Amabutho kaShaka ayengababoni nhlobo abeSuthu uma sebesokhalweni impi isiphisele, kodwa abeSuthu babebabona bavele bame phezulu entabeni bagingqe amatshe afe amabutho kaShaka. 

Umlando uthi iNkosi uShaka wamthatha uNdlovu waya naye esigodlweni sakhe , wabe esethi akakhiphe lomuthi wenkungu, nempela wamnika uNdlovu umuthi wezinkungu. Kwahamba isikhathi uShaka wamuzamela intombi ngoba wayesefa uNdlovu umuzwangedwa, kuthiwa-ke wamnikeza intombi eyayisikhulile. Umlando uthi lentombi yayisikhulile ngethambo impela, futhi kukholakala ukuthi yayingakaze imthole umuntu wesilisa , kwakusoleka nokuthi ikhubazekile kancane. Intombi yahlala-ke noNdlovu yaze yakhulelwa bathola ingane yomfana.ahamba amabutho eseyobikela iNkosi uShaka ukuthi uNdlovu usethole ingane. Inkosi yafike yathi, “ Ninamanga uthol’dala kukhona lapho lingakhipha khona?” yamangala iNkosi ukuthi kukhona uthi olungaphuma la kulento esindala kanje. Igama lalengane kwagcinwa isiqanjwa ngayo igama elithi uThol’dala. Umlando uthi uThol’dala wakhulela endaweni yase Malimede (Melmoth) ngaphansi kweNkosana yakwa Biyela, uMkhosana Biyela. Bakha lapho kuze kube imanje basatholakala abantu bakwa Ndlovu. Abanye oNdlovu bafudukela kwezinye izindawo zakwaZulu, abanye baze bafika bakha eThaleni eNkandla. Abafika eNkandla bafika sebeholwa iNkosi uMpongo kaZingelwayo. 

Kuthiwa isizwe sakwaNdlovu kwakuyisizwe sasingezwani nomsindo kanyye nezimpi. Bafika bakhelana ngokuthula nezinye izizwe ezazakhe khona eNkandla. abakwaNdlovu baqala bakhelana nesizwe sasemaChunwini khona eThaleni. Ngalenkathi uShaka eshakazisa izizwe ngenhloso yokubumba isizwe esisodwa , ngaleyonkathi uMpongo Kanye nabanye bakwaNdlovu babekhonza iLembe. INkosi uMacingwane kaJama wasemaChunwini Kanye neNkosi uNgoza Mthembu benqaba ngoba bethi ngeke bakhonze umfana bona ngoba bawontanga benkosi uSenzangakhona uyise weNkosi uShaka. 

Ukukhonza kwabakwaNdlovu bekhonza iSilo uShaka kwabangela amazinyo abushelelezi esizweni samaChunu. iNkosi uMacingwane yayithi uma ihlangene nesizwe sayo isitshele ukuthi iNkosi uMpongo kaZingelwayo iyathakatha. Okuthe langalimbe iNkosi uMacingwane wakhipha inqina wathi maliyozingela ingwe, leyo ngwe ibanjwe ngamabutho eNkosi bese eyayibhila ngemithi enzima bese eyayithumela ingwe iyobulala iNkosi uMpongo eyamfica elele, kwaba ukuduka kwakhe uMpongo. Ukubulawa kweNkosi uMpongo kanje kwasithukuthelisa kakhulu iSilo uShaka besemzingela sifuna ukumbulala. 

Ngemuva kokubulawa kweNkosi uMpongo, isizwe sakwa Ndlovu safuduka sayokwakha ngasemfuleni iNsuze, ngaphansi kwentaba yaseQhudeni.kunendawo lapho esafike sakhelana nesizwe saseMbo. (Mkhize) uzalo lukaMavovo. Ngaleso sikhathi abaseMbo babeholwa uZihlandlo kaGcwabe Mkhize Babehleli kahle, ukwakhelana kwabo kwakukuhle kakhulu, babelima, kusiselwana nangemfuyo. 

Lezizwe bezikhonzene kakhulu. Ukuzwana kwalezizwe kwathukuthelisa inkosi uDingane wabonakala eseyingozi kakhulu uZihlandlo kaGcwabe uMacingwana. uMacingwana wabe esehlasela isizwe saseMbo, sabe sesifuduka nabanye oNdlovu baya eNhlazuka (Richmond) eduze nomfula iLLovo. 

Isizwe sakwaNdlovu sase siholwa uNogwijela? Ngema? Kwathi ukufika eNhlazuka , uNogwijela waphinda wasuka waya kwaNogqaza, eMngeni (Howick). uMpongo ngenxa yamandla akhe, nobuchule, nobuhlakanipha, wabe ebizwa ngo “Mandle’zizwe” bathi unguboya benyathi, buyasonga bube busombuluka.

Umlando wakwa-Ngcobo

By

On

In Umlando

Umlando wakwa-Ngcobo

Izithakazelo zakwaNgcobo

Mapholoba
Nyuswa
Fuze, Mavela,
Mafuz’afulele njengefu lemvula,
Mashiya amahle ngath azoshumayela,
Dambuza, Mthabathe,
Mabhala ngozipho abanye bebhala ngepensela,
Malal’efake umunwe endunu,
Avuke ekuseni awuncinde akhombe ilanga,
Mavulankungu kuvel’ilanga,
Sididane
Ngongoma
MaQadi amakhulu
Mbili


Zikhona izikibha zakwaNgcobo ezinhle ezibhalwe izithakazelo/izibongo: 061 868 5163
T-shirts: R200
Hoodies: R400

 

UVumezitha wazala amadodana amaningi, kodwa agqama kakhulu kwaba nguNgcobo kanye noMkheshana. Izibongo ezithinte oNgcobo zivela kulaba bantu ababili, abangamadodana kaVumezitha.
Abantu bakwaNgcobo bangaMalala Nguni bavela eNyakatho nezwe. Abantu bakwaNgcobo sibathola benendlunkulu, iqadi kanye nekhohlwa kuqhubeke njalo. Kuthiwa umuntu wokuqala owaba yinzalabantu, simthola akhe umuzi wakhe eduze komfula uThukela, ezansi nalo.
Igama lakhe kuthiwa nguVumezitha indodana kaMthebe . kuthiwa uVumezitha ozala uNgcobo noShangase (umkheshana) wayevela ebantwini bakatembe kamaphutha eMozambique budebuduze neminyaka yo 1500.
Yibona lababantu abasusa uDlamini wesithathu inkosi yamaswazi ngasedelagoa bay, lapho besahlala khona kuze kube manje. elinye lamadolobha abo libizwa ngokuthi kusemaputo, leligama lisuselwa kuleli elithi Maphutha, ngabelungu laba ababehluleka ukulibiza. Njengoba sesikhulumile ngamadodana amabili kaVumezitha okungu Ngcobo inkosana kanye no Mkheshana umfowabo.
Umlando uveza ukuthi uNgcobo ubekhonze kakhulu abantu besifazane besekuthi uMkheshane yena ekhonze ukuzingela izinyamazane. umkheshana yena owagcina esezala abantu bakwaShangase kodwake asiqondile ukuhlaziya abantu bakwaShangase sibheke uNgcobo phaqa.ake sibheke uNgcobo kemanje njengoba sishilo ukuthi uNgcobo ubekhonze abantu besifazane yenake waganwa ke ngamakhosikazi ahlukahlukene inkosana yakhe kwaba nguDingile).
Amadodana kaDingile aba ngamakhosana ezindlu zawo ake siqale sizwe ngenkosana yakhe uDingile ayizala endlunkulu ogama layo kwabe kunguNyuswa yena ke ufana njengenkosana jikelele yesizwe sonke sakwa Ngcobo ulanywa uZonca.bese kuthi ekhohlwa azale uGasela(fuze) noXhonxo bese kuthi eQadini azale uNgothama kanye noTshezi.
amaNyuswa
Njengoba ngichazile ngenhla Lena yindlu enkulu yakwaNgcobo. Ibuye Yaziwa ngokuthi yiNkumbemfece. Abantu bakwaNyuswa kuthiwa babakhe eduze komfula obizwa ngokuthi iMamba, ongumngenela woThukela . Indlu yakwaNyuswa isukela kuVumezitha uqobo, ozale uNgcobo kanye nomnawakhe uMkheshane. UNgcobo yena uzale uDingile noGasela endlunkulu , uDingile uzale amadodana amabili, oNyuswa kanye noZonca. UNyuswa yena uzale uYemesi, kwathi uZonca yena wazala uMaguya.
Kuthiwa uYemesi katholanga indlalifa, kwase kuthi uMaguya ozalwa umfowabo kaNyuswa uZonca wangena umkaYemesi ukuze amzalele indlalifa. Nempela wazala uMbhele, yena wazala uMapholoba wodumo lwakwaNgcobo. UMapholoba uzale amadodana amane uMiswayo(inkosana), uSihayo ( olama inkosana), noMavela (emzala ekhohlwa) kanye noMgabi. Lawa kwakungamadodana kaMapholoba,ngezindlu zawo. uSihayo kaMapholoba wazala uDubuyana umuzi kaSihayo kwakusenkumbeni, wayesebuthweni uNoqiki. Ngemva kokushona kukaMapholoba kwakufanele kubuse indodana yakhe uMiswayo.
Kodwa lokhu kakwenzekanga ngoba nayo yasheshe yashona. lokhu kwavusa umbango phakathi kukaSihayo noMgabi, babubanga ubukhosi, kuthiwa lokhu kwathi kungafika ezindlebeni zikaShaka kwamcasula kakhulu weza nenja wabaklelisa imigqa emibili abantu bakwangcobo wayeseyihambisa phakathi kwabo inja leyo. Yabanuka inja ngamunye ngamunye yathi ingafika kusihayo yatshikizisa umsila yahlala phansi. wayesethi ushaka “pho nisafunani? nayo inkosi yenu!” usihayo wathi eseyinkosi yabakwangcobo amanyuswa wayelokhu ethumela isipho sikagwayi kushaka. kwathi ngoba uMgabi engabutholanga ubukhosi wayesetshela ushaka amanga okuthi logwayi usihayo uthakatha ngawo uShaka. Nempela wakukholwa lokhu uShaka wayesemhlasela uSihayo wambulala.
Kwathi ngoba amaNyuswa engasenayo inkosi aya endodaneni kasihayo udubuyana owayakhe ngakuZihlandlo mkhize ukuba ababuse. yilapho baphazamiseka khona ngesikhathi sekubusa udingane eseketula uzihlandlo. basuka lapho baya emhlathuzana, kwathi sebebuswa nguMqedi kaDeliweyo uSomtsewu(Sir Theophelus Sherpstone) wabasusa wabayisa phakathi komfula iMona neziongo zase Noodsberg.UDubuyana kaSihayo wazala Deliweyo,Xhegwana noGobosi. uDubuyana wanikwa indawo enatali ngusomtsewu. uGobosi yena walwa nabakwaHlophe (umbango) ngo-1906 ngoba ethi bangamambuka ngenkathi yempi kaBhambatha yamakhanda . Wayesephucwa ubukhosi bakhe banikwa uXhegwana umfowabo.
uDeliweyo kaDubuyana wazala uMqedisi. uDeliweyo wayehlala ozwathini ngase-verulam. Yena nendodana yakhe uMqedi babekhona empini kaBhambatha. UMqedi kaDeliweyo wabekwa nguSomtsewu phakathi komfula iMona neziqongo zaseNoodsberg khona bude buduze ne Ndwedwe. UMqedi waboshwa ngokuphatheka kwakhe empini kaBhambatha kwabekwa ubaba wakhe omdala uXhegwana ebukhosini bakwangcobo.
Manje ake sizwe ngoMgabhi lowaya owabulalisa umfowabo ngoShaka
uMgabhi wazala unqume yena wazala umshiywa owazala umgudwa owazala umhlabunzima no mkhwantshi mva kokuthi ushaka abulale uSihayo, uMgabi wasuka nabantu bakhe bayokwakha ngasemfuleni uMlazi, lapho bafika bathi ukuhlala isikhashana besafuna indawo yokuhlala. Bagcina sebehlala endaweni ebizwa namhlanje ngokuthi yi-valley of a thousand hills lapho bafika babuswa khona nguNqume ngoba uMgabhi wayeseshonile. UKholo lwafika ngesikhathi kubusa yena uNqume lufika noMark ngcobo kanye noSalmon Mtshali ababevela ePakose (New Germany) epinetown eBerlin Lutheran missionary.
UNqume akaluthandanga ukholo ngoba lwaluyekisa abantu amasiko abo futhi lufundisa nabantu ukuthi bathenge izindawo zamakhosi ebelungwini okwakwenza ukuthi abelungu bephuce amakhosi izindawo zawo. NomShiywa owabusa emva kukanqume wayefana noyise engaluthandi ukholo. Emva kokushona kukaNqume usomtsewu wayisa uMshiywa eHarding ukuba ayobusa khona njengamanje abakwaNgcobo batholakala khona lapho ezingolweni eMzimkhulu .
Labo abasalayo babuswa ngu Mkhwantshi . emva kokushona kukaMkhwantshi indawo yakhe yabuswa yizinduna ezaziphethwe yinzalo kamkhwantshi. induna yokuqala bekungu Mbhanana Dladla okwathi ngokushona kwakhe kwaba nguzinti Nzama induna. ngesikhathi sakhe uFrance Hlongwa wakha isonto kulendawo kwase kufika uPosselt Weberlin Missionary Society owayengumfundisi wokuqala omhlophe kulendawo.
Umuntu owabhebhethekisa kakhulu ukholo kulendawo nokho nguwilliam Phewa. kwathi kungashona uzinti Nzama kwase kuba ngugeorge phewa induna. kungalesisikhathi lapho lendawo yehlukaniswa kabili, eyodwa ingxenye kwathiwa yi-camperdown (mkhambathini) kwase kuthi enye kwathiwa yi-pinetown. induna ugeorge phewa wazala ucharles phewa owaba yi-roman catholic. wenza ukuba kube lula ukuthi amaroma akhe isonto kulendawo kwaphela nokuthi amaroma ayosonta emariannhill. usebastian ndlovu nguyena owaphatha lelisonto.
Amaroma aguqula abantu abaningi kunezinye izinkolo kangangoba ngo-1957 abelinganiselwa ku-569 amaroma kwathi amaluthela wona ayefike kuqala aba ngu-204 kuphela. Emlandweni abakwaNgcobo bangabanye babantu bokuqala abalandela inkolo ngakhoke ukukholwa kwabantu bakwaNgcobo ngalendlela kwenza ukuba babongelwe ngokuthi: ungcobo ozandla zimhlophe sengath’uzopheny’isahluko nangokuthi”banamashiy’amhl’engathi azoshumayela
uMavela kaMapholoba yena wazala uMkhalelwa noSinqila
UMkhalelwa wazala uDikwayo owazala uSotobe
UKWEHLUKANA KWAMA-NYUSWA
AmaNyuswa kaMgabi agcine esesabalele aze afika afika ngaseMzimkhulu, sebephethwe yindodana kaNqume uMshiywa. Iyona ebusa lamaNyuswa aseZingolweni.
Kwathi enye indodana kaNqume enguMkwantshi yona yasala endaweni esibizwa ngokuthi kuseMkhambathini(Camperdown) kanye babakwaBhota(Bothas Hill). Ehlukana kanjalo-ke amaNyuswa, kodwa ebevela ndawonye. Umuzi omkhu lapho kuzalwa khona uSihayo kwathiwa kuseNkumbini. Ngalokho uSihayo wazibiza ngeNkumbemfece. Ukwehlukanisa uNyuswa kaSihayo nakaMgabhi.
AMAFUZE
Laba baziwa ngokuthi abasekhohlwa. uGasela kaNgcobo lona ke kwakungumfowabo kaDingile bobabili bezalwa uNcobo uGasela wazala uNombika noXonxo. uNombika wazala uNdaba owazala uMashiza owazala uMavela owazala uBhofungana owazala uMafongosi owazala uSiphandla owazala uMboza Uxonxo wazala abakwafuze.
UGasela washona ekhonze uXonxo kakhulu kunoNombika, lokhu kwenza ukuba uXonxo abesethanda ubukhosi bukaNombika. kwase kudaleka ingxabano eyenza ukuba uXonxo eqe uthukela ayokhonza kumadunge (abakwachiliza) emvoti ngasemgungundlovana (greytown) Kukule ndawo lapho uXhonxo azalela khona indodana yakhe uSanimuse yena wazala uMdunane, kanti yena wazala uDindi , yena wazala uSokebi,yena wazala uDlomo, yena wazala uSokebi ozale uMahawule, yena ozale amadodana amane oMavuso, Gewuka, Gintwa kanye noMadlenya.
UMadlenya uzale uHhemuhhemu, okunguyena owasuka wayokwa eMgungundlovu(Elandskop), emva kokunyakaziswa kakhulu yiLembe. UHhemuhhemu uzale uLangalakhe.inzalo eningi kaNombika yaziwa ngokuthi abakwaNgongoma.
UMafongosi kaBhofungane wajunywa wabulawa yibutho likazulu, abantu bakhe base beyokhonza kudube wakwaNgcobo emaqadini. uMboza kaSiphandla abelungu bambeka endwedwe ngasemfuleni umsunduze.kuthiwa kuke kwabakhona isikhathi lapho inkosi yakwangcobo yabeka usuku okwakuzosukwa ngalo endaweni abebakhe kuyo baye kwenye indawo.
Kwathi sesisondele lesosikhathi abesifazane basusa utshani okwakufulelwe ngabo benzela ukuthi bezokwazi ukuthatha izingodo zodwa, bezwa kamuva ukuthi abakagasela nabakashangase bayenqaba ukuhamba, ngempela inkosi yathi kulungile kungasahanjwa. lokhu kwenza ukuba abesifazane baqalele phansi bafulele lezozindlu abesebesuse kuzo utshani. yilapho-ke abakwangcobo bathola khona izibongo ezithi “ufuz’afulele njengenyamazane” abanye bathi:”ufuz’afulele njengezulu.”
Abase Mangangeni 
AbaseMangangeni bavela kuDingile ozale uNotshezi, kwabanye bonkosikazi bakhe uNotshezi yena ozale uMgcagca, yena uzale uMande, yena ozale uNdela, yena ozale uNomazocwana, yena ozale uKaduphi. Lena ngingasho ukuthi yindlu yesihlanu yakwaNgcobo. Kodwa abantu baseMangangeni kabasazibizi ngokuthi bangabakwaNgcobo. Uma nje uthi kumuntu waseMangangeni ikakhulukazi osemncane ‘Ngcobo’ angaqwebula amehlo, ekhombisa ukwethuka.
Abase Malangeni
Laba bazalwa uZonca ufowabo kanyuswa endlini eyodwa. ezinye izingane zikamaguya kaZonca zahamba zayokwakha ehlanzeni, kwasekuthi ngoba leyondawo inelanga ishisa kakhulu kwasekuthiwa abasemalangeni. kwathi ngoba unqina kangono kaMaguya engathandanga ukubuswa nguThayi kaBhebhe kaMaguya. wayokhonza kuNdaba inkosi yakwaZulu nalapho wafike waqala isizwe sakhe sakwaHlabisa.
Kwathi ngoba abaseMalangeni bengenankosi base bethanda ukubuswa ngudube wamaqadi ongazange abamukele ngoba esaba ukuthi ushaka uzomthukuthelela, base beya kunzombane emabomvini. kwathi ngokuhlushwa kwabantu bakwangcobo, umka thondolozi wakhetha ukuzithukusela yena ngokwakhe ingane yakhe umagawozi akwaziwanga lapho babalekela khona. Ngokungatholakali kwendodana kathondolozi kwabekwa ubhacela kadubo kathayi kaBhebhe ukuba abe yinkosi.
uMagawozi waqhamuka esemdala ehlikizeke ubuso, kuthiwa wathi esemncane elele nomama wakhe emva kokubaleka kwabo, kwangena impisi ilambile yambamba ubuso, yathi noma isiyethuswa kwatholakala ukuthi isiwudlile umlomo. kwathi noma eseqhamukile uMagawozi awuzange uthikamezeke umbuso kabhacela nendodana yakhe.
Ama Qadi
UNgothoma kwakunguMfowabo kaNyuswa endlini yeQadi yena uzale uNjila, yena wazala uSilwane. AMaqadi enabe aze afika eNanda kanti kukhona futhi amanye aMaQadi aseNcwadi ngaseRichmond..
Azalana kanjaloke amaqadi khona futhi lapha emaQadini siphinde sithole abantu bakwaDabeka noDube kodwake laba odube akubona laba abangonzakele kodwa baziwa kakhulu ngoMtima bangabakwaNgcobo abaganiselani noNgcobo laba. USilwane kaNjila kaNgothoma ngcobo wazala uMahluka noDabeka. uMahlukana yena wazala uBabane.
UDabeka yena wazala uDube no Mqhawe owazala uMandlakayise noLangalibalele Mandlakayise yena wazala undodembi owazala umzonjani. UMqhawe kaDabeka wabalekela esilungwini ngesikhathi sempi kaBhambatha. UMqhawe wayebusa KwaMaphumulo, Emngeni, Othukela, ENdwedwe, eNanda naseMpendle.UDube kaDabeka wayakhe egqalabeni, wayebusa amaqadi asuka eziqabeleni aya ngasentunjambili. uDube noshaka babezwana kakhulu.
UManqondo Magwaza noNomazocwana kasomsuka ngcobo (indodana yakhe ukaduphi wayebusa exobho nase-alexandra) babengamthandi udube, kwathi ngesikhathi sekubusa udingane badala ubutha phakathi kukadingane noDube okwenza ukuthi udingane aqothule amaqadi kaDube ngoMbasa 1838. umkhulu kalangalibalele john dube wabulawa ngaso lesisikhathi. lokhu kwaba lula kudingane ngoba wayevele ebazonda bonke abantu ababezwana noshaka. kulapho umahlukana kasilwane abaleka namanye amaqadi bayothi gozololo phakathi kwemifula umngeni nomdloti.
uMahlukana wayehamba nomqhawe, umfowabo kadube, owayesemncane ngalesosikhathi, ngakho-ke wafika wambambela ubukhosi waze waba mdala umqhawe. ngokugqabuka kwegoda (ngesikhathi umpande eguqukela umfowabo udingane) amaqadi abuswa nguMqhawe enanda. izwe likanomazocwana kasomsuka laphiwa uMpeyana kaManqondo Magwaza emva kwempi kaQethuka noMpeyana.umqhawe kadabeka ngcobo wazala uMandlakayise owazala undodembi owazala umzonjani.
Umqhawe kadabeka wabalekela esilungwini ebalekiswa ngubaba wakhe omncane uMahlukana ngesikhathi iNgonyama uDingane ehlasela amaqadi kaDube. Kwathi ngesikhathi umqhawe eseyinkosi wabeka umahlukana ngasebotha’s hill ukuba abuse khona, ngempela waba yinkosi waze wakhothamela khona lapho. kwathi ngemva kokukhothama kwakhe indodana kamahlukana ubabane yaba yikholwa yayisithumela kumandlakayise kamqhawe owayebusa ngalesosikhathi ukuthi useyabuyeka ubukhosi. ngakho-ke bonke abantu ababebuswa nguye base bebuswa ngumandlakayise.
Izihlobo zakwaNgcobo
Dube (Mtima), Dabeka, Ngongoma, Shangase kanye nabanye!!
Izibongo ezidabuka kwaNgcobo
Hlabisa, Ngidi (Hlomuka), Woyisane (Nzama/Zama), Vilakazi, Nzimande, Jili nezinye esingakabi naso isiqiniseko sazo.
 

History: Khumalo

By

On

In Umlando

History: Khumalo / Umlando wabantu bakwaKhumaloNjengoba abantu bakwaKhumalo bephuma kuKhumalo obengumnewabo kaMabaso, bezalwa nguMntungwa onguMbulazi, yingalesisikhathi bebesoThaka, lapho beholwa nguKhumalo. Basuka lapho beholwa nguKhumalo behla bayozinza eNquthu, bahlala endaweni yaseMvunyana eNondweni kwehle njalo kuze kuyoshaya eMzinyathi. UKhumalo wabe ke esezala inkosana yakhe uMkhatshwa, yena ozale uZikode. Ngesikhathi abantu bakwaKhumalo sebebuswa nguMagugu kaGasa kaZikode banda baze benabela eBabanango nokulapho uMagugu efike wakha khona ihlalankosi lakhe wathi kuseSikhaleni.

Akahlalanga lapho ubuye wathuthela eNquthu. Simthola esehlukana nabafowabo obekungoDonda noSiwela ebashiya noyise omncane uMashobane noBheje kaMagawozi owayeyibutho likaDloko. Labo Khumalo abebehamba noMashobane sibathola behamba beze bayowela umfula iSikhwebezi. UDonda wase akha umuzi phesheya komfula iSikhwebezi wawetha ngokuthi kuseZizibeni lokhu okwaholela ekutheni uma ehaywa abizwe ngoDonda weziziba. UBheje wakhe owakhe wathi kuseNgome, owabuye waziwa ngokuthi kuseTsheni likaBheje. Kanti noMlotshwa kaSiwela yena wakha owakhe umuzi eduzane kweqguma uMaphonjwana wathi kusoThulini. Ngesikhathi uMagugu eseNquthu, uhlaselwe yiNkosi uShaka wabaleka nabantu bakhe bahlakazeka nezwe lonke.

Isizukulwane sakhe sitholakala eNquthu, eNtinini eTilehe nase (Utrecht) naseDriefontein. Umuntu oqgame kakhulu kwaKhumalo nguMzilikazi kaMashobane. Usocongwe nguZwide kaLanga wakwaNdwandwe ngoba emsole ngokuthi uxwayise iNkosi uShaka efuna ukumbulala. Wambulala uDonda wamnquma ikhanda wayohlobisa ngalo endlini kanina uNtombazi kwaDlovunga KwaNongoma.

Kanjalo noyise kaMzilikazi uMashobane wasocongwa yinkosi uZwide ikhanda lakhe layohlobisa khona kwaDlovunga. UMashobane yena washiya inkosana yakhe uMzilikazi. Lokhu kwenza uMzilikazi agcine ehambile eyokhonza enkosini uShaka ethi uzama ukubalekela ulaka lukaZwide njengoba esanda kwenzakalisa uyise. Lapha KwaZulu uMzilikazi afika wavele waba isilomo enkosini uShaka njengoba iNkosi uShaka wayewathanda amaqhawe, naye-ke waba ngelinye lamaqhawe eNkosi uShaka.

UMzilikazi wabuye wabaleka KwaZulu emuva kokuba eseqembule izinkomo zenkosi uShaka. Wabaleka waze wawela umfula iGwa ehlasela izizwe ayehlangana nazo, wadla izinkomo zazo wazithatha zaba ngaphansi kwakhe. Waqhubeka njalo waze wayofika koTransvaal kodwa akangahlala kahle ngoba abamhlophe bebembona njengomuntu ongahlalisani nabanye abantu othanda impi kakhulu.

Wabaleke wawela umfula uBhalule (Limpopo River) waze wayozinza eZimbabwe lapho babebabiza ngaMatebeke ngoba bengagoduki, befaka amabheshu nezidwaba. Bagcine sebebizwa ngaMaNdebele. Ufike laphaya eZimbabwe wakha umuzi wakhe wathi kwaBulawayo okwabe kuligama lomuzi weNkosi uShaka KwaZulu.

Lowo muzi usulidolobhakazi elingelesibili ngobukhulu khona eZimbabwe. Amadodana akhe okwabe kunguNkulumana oyinkosana noMangwane babanjwa bexoxa ngamasu abayowasebenzisa uma sebebusa emva kokukhothama kukayise.

Lokho akuzange kwehle kahle kuMzilikazi, ubabuze ngamasiko ukuthi bayawazi yini. Wathi kubo lake laphuma yini elinye lisekhona, esho ngoba bezibeka amakhosi yena esekhona. Wathi abendiswe wabuye washintsha umqondo wathi abayiswe KwaZulu beyofundiswa amasiko. Bahamba ke nezancinza zabo, amakhosikazi nabantwana. Ohambweni lwabo behlukana endleleni ngoba uzalo lukaNkulumana kunamuhla luyatholakala eBotswana.

Oluka Mangwane lona lutholakala eFree State naseMpumalanga Province. Laphaya eNgome uBheje nabantu bakhe sibathola sebehlaselwa yinkosi uShaka. Kuleyompi iNkosi uShaka wayebambisana nabengwadi bephethe izibhamu kwathi abakwaKhumalo bayazama ngamatshe bebajikijela kwanhlanga zimuka nomoya, kwasho khona ukuthi bebengazibekile phansi abengwadi ngemijojantaba.

Izibongo Eziphuma KwaKhumalo

Zingaphezu kwama 95 izibongo eziphuma kwaKhumalo. Lapha sizobheka ukulamana kwabantu bakhona.

UMbulazi wazala uMntungwana yena owazala uKhumalo ozala uMkhatshwa noMangethe. UMkhatshwa wazala uZikode owazala uGasa, uMashobane noMagawozi (Dlomo). UGasa wazala uMagugu, Donda noSiwela. USiwela wazala uMlotshwa yena owazala uMbophe noMphazima owabe eyinyanga yezulu. KuMphazima yilapho kuphuma khona abantu bakaNkosi ababizwa ngoDlangamandla.

Indlu yaseMahlangeni (Utrecht)

UMagugu kaGasa wazala uMthentisi, uManjobo noNkonyeni. UMthenteni wazala uQomintaba, uNhlaka (uzalo lwakhe lulaphaya eDlebe, Nkonjeni, Nongoma naseMahlabathini idlinza lakhe likwaDuvela). UQomintaba wazala uSabulawa yena owazala uWillem ozala Enock yena ozala iNkosi uLaduma. UNkonyeni wazala uMzungezi owazala uMgabashe ozala uDikida.

Indlu yaseSizibeni

UDonda wazala uMaqandela yena owazala uMbiyane, uMangwane, uGqogqa nabanye. UMbiyane wazala uManzini owazala uSobanqandi noMzondeni. USobanqandi wazala uMajubane noDakwa. uMzondeni wazala uPhefeni noNkwelo. uPhefeni wazala uNqabayembube. UNkwelo wazala uMshikane. UMajubane wazala uMbuzi noNdweshe. UDakwa wazala uMhlathi noMamba.

Indlu kaBheje (eNgome)

UMagawozi wazala uBheje yena owazala uMqhethi ozala uKhezi, ozala uMsayeya yena ozala uSibanda owazala uMeshu.

Indlu kaManjobo (eNondweni)

UManjobo wazala uSobhuza, uMgitshwa, uMshanananda, uNdengezi, uLugede noMnyanda. USobhuza wazala uMhlangane, uMbuyana, uMnguni, uNtoyani, uSigqoko, uMzila noNdophi. UNdophi wazala uMajana. UMzila wazala uMbhukudu kwathi uMnguni yena wazala uSonkamfu noMbuyana wazala uGabangani. Inkosana yakhe uSobhuza uMhangane yazala uNgulwane emzini wakhe kwaDidwayini, yena owazala uHomfu.

Indlu kaMzilikazi (KwaBulawayo eZimbabwe)

UMashobane wazala uMzilikazi yena owazala uNkulumane, uMangwane noLobengula. ULobengula wazala uLobila, uMphezeni noSidonjwa yena wazala uCaiphas. ULobila wazala uBanyana ozala uSikokwana.

Ezinye izibongo eziphuma kwaKhumalo

Nkosi – Dlangamandla

Shembe

Dubazane

Mabaso

English Summary

MaShobane was Mzilikazi’s father who was killed by Zwide. Mzilikazi decided to go and serve Shaka trying to flee from Zwide’s wroth after having killed his father. He became very popular and Shaka liked him since he was a great hero and he became one of Shaka’s trusted men. He was then later forced to flee from Shaka because he stole Shaka’s cattle that were meant to be brought to Shaka. This made the king very upset and he was very unhappy about this action. He ran until he reached Zimbabwe and the Khumalo’s are found all along this trail because of this situation that happened between Shaka and Mzilikazi.

Izithakazelo zakwa-Khumalo

Mntungwa,
Mbulaz’omnyama,
Nina bakaBhej’ eseNgome,
Nin’ enadl’umuntu nimyenga ngendaba,
Nin’ enadl’ izimf’ezimbili ikhambi laphuma lilinye,
Lobengula kaMzilikazi,
Mzilikazi kaMashobana,
Shobana noGasa kaZikode,
Zikode kaMkhatshwa,
Okhatshwe ngezind’ izinyawo nangezimfushanyana,
UMkhatshwa wawoZimangele,
UNyama yentini yawoZimangele
Mabaso owabas’ entabeni kwadliwa ilanga lishona,
BaNtungw’ abancwaba,
Zindlovu ezibantu,
Zindlovu ezimacocombela,
Nin’ abakwaMawela owawel’ iZambezi ngezikhali,
Nin’ abakwaNkomo zavul’ inqaba,
Zavul’ inqaba ngezimpondo kwelaseNgome zahamba,
Nin’ enalukudl’ umlenze kwaBulawayo,
Mantungwa Aluhlaza,
Mantungwa Amahle,
Bantwana benkosi,
Nin’ abakwaNtokela,
Inkubele abayihlabe ngamanxeba,
Abakhule ngezinyawo ezimfishanyana nezimaqhukulwana,
Inyang’ abathe beth’ ifil’ uZulu kanti isiyetheswe,
Yetheswe ngoNyakana kaMpeyana,
UBando abalubande balushiy’ uZulu,
UNtshwintshwintshwi kaNoyanda noNdaba,
UNkone evele ngobus’ emdibini,
Maqhaw’ amakhulu!

Umlando wabantu bakwaKhumalo

By

On

In Umlando

Umlando wabantu bakwaKhumaloNjengoba abantu bakwaKhumalo bephuma kuKhumalo obengumnewabo kaMabaso, bezalwa nguMntungwa onguMbulazi, yingalesisikhathi bebesoThaka, lapho beholwa nguKhumalo. Basuka lapho beholwa nguKhumalo behla bayozinza eNquthu, bahlala endaweni yaseMvunyana eNondweni kwehle njalo kuze kuyoshaya eMzinyathi. UKhumalo wabe ke esezala inkosana yakhe uMkhatshwa, yena ozale uZikode. Ngesikhathi abantu bakwaKhumalo sebebuswa nguMagugu kaGasa kaZikode banda baze benabela eBabanango nokulapho uMagugu efike wakha khona ihlalankosi lakhe wathi kuseSikhaleni.

Akahlalanga lapho ubuye wathuthela eNquthu. Simthola esehlukana nabafowabo obekungoDonda noSiwela ebashiya noyise omncane uMashobane noBheje kaMagawozi owayeyibutho likaDloko. Labo Khumalo abebehamba noMashobane sibathola behamba beze bayowela umfula iSikhwebezi. UDonda wase akha umuzi phesheya komfula iSikhwebezi wawetha ngokuthi kuseZizibeni lokhu okwaholela ekutheni uma ehaywa abizwe ngoDonda weziziba. UBheje wakhe owakhe wathi kuseNgome, owabuye waziwa ngokuthi kuseTsheni likaBheje. Kanti noMlotshwa kaSiwela yena wakha owakhe umuzi eduzane kweqguma uMaphonjwana wathi kusoThulini. Ngesikhathi uMagugu eseNquthu, uhlaselwe yiNkosi uShaka wabaleka nabantu bakhe bahlakazeka nezwe lonke.

Isizukulwane sakhe sitholakala eNquthu, eNtinini eTilehe nase (Utrecht) naseDriefontein. Umuntu oqgame kakhulu kwaKhumalo nguMzilikazi kaMashobane. Usocongwe nguZwide kaLanga wakwaNdwandwe ngoba emsole ngokuthi uxwayise iNkosi uShaka efuna ukumbulala. Wambulala uDonda wamnquma ikhanda wayohlobisa ngalo endlini kanina uNtombazi kwaDlovunga KwaNongoma.

Kanjalo noyise kaMzilikazi uMashobane wasocongwa yinkosi uZwide ikhanda lakhe layohlobisa khona kwaDlovunga. UMashobane yena washiya inkosana yakhe uMzilikazi. Lokhu kwenza uMzilikazi agcine ehambile eyokhonza enkosini uShaka ethi uzama ukubalekela ulaka lukaZwide njengoba esanda kwenzakalisa uyise. Lapha KwaZulu uMzilikazi afika wavele waba isilomo enkosini uShaka njengoba iNkosi uShaka wayewathanda amaqhawe, naye-ke waba ngelinye lamaqhawe eNkosi uShaka.

UMzilikazi wabuye wabaleka KwaZulu emuva kokuba eseqembule izinkomo zenkosi uShaka. Wabaleka waze wawela umfula iGwa ehlasela izizwe ayehlangana nazo, wadla izinkomo zazo wazithatha zaba ngaphansi kwakhe. Waqhubeka njalo waze wayofika koTransvaal kodwa akangahlala kahle ngoba abamhlophe bebembona njengomuntu ongahlalisani nabanye abantu othanda impi kakhulu.

Wabaleke wawela umfula uBhalule (Limpopo River) waze wayozinza eZimbabwe lapho babebabiza ngaMatebeke ngoba bengagoduki, befaka amabheshu nezidwaba. Bagcine sebebizwa ngaMaNdebele. Ufike laphaya eZimbabwe wakha umuzi wakhe wathi kwaBulawayo okwabe kuligama lomuzi weNkosi uShaka KwaZulu.

Lowo muzi usulidolobhakazi elingelesibili ngobukhulu khona eZimbabwe. Amadodana akhe okwabe kunguNkulumana oyinkosana noMangwane babanjwa bexoxa ngamasu abayowasebenzisa uma sebebusa emva kokukhothama kukayise.

Lokho akuzange kwehle kahle kuMzilikazi, ubabuze ngamasiko ukuthi bayawazi yini. Wathi kubo lake laphuma yini elinye lisekhona, esho ngoba bezibeka amakhosi yena esekhona. Wathi abendiswe wabuye washintsha umqondo wathi abayiswe KwaZulu beyofundiswa amasiko. Bahamba ke nezancinza zabo, amakhosikazi nabantwana. Ohambweni lwabo behlukana endleleni ngoba uzalo lukaNkulumana kunamuhla luyatholakala eBotswana.

Oluka Mangwane lona lutholakala eFree State naseMpumalanga Province. Laphaya eNgome uBheje nabantu bakhe sibathola sebehlaselwa yinkosi uShaka. Kuleyompi iNkosi uShaka wayebambisana nabengwadi bephethe izibhamu kwathi abakwaKhumalo bayazama ngamatshe bebajikijela kwanhlanga zimuka nomoya, kwasho khona ukuthi bebengazibekile phansi abengwadi ngemijojantaba.

Izibongo Eziphuma KwaKhumalo

Zingaphezu kwama 95 izibongo eziphuma kwaKhumalo. Lapha sizobheka ukulamana kwabantu bakhona.

UMbulazi wazala uMntungwana yena owazala uKhumalo ozala uMkhatshwa noMangethe. UMkhatshwa wazala uZikode owazala uGasa, uMashobane noMagawozi (Dlomo). UGasa wazala uMagugu, Donda noSiwela. USiwela wazala uMlotshwa yena owazala uMbophe noMphazima owabe eyinyanga yezulu. KuMphazima yilapho kuphuma khona abantu bakaNkosi ababizwa ngoDlangamandla.

Indlu yaseMahlangeni (Utrecht)

UMagugu kaGasa wazala uMthentisi, uManjobo noNkonyeni. UMthenteni wazala uQomintaba, uNhlaka (uzalo lwakhe lulaphaya eDlebe, Nkonjeni, Nongoma naseMahlabathini idlinza lakhe likwaDuvela). UQomintaba wazala uSabulawa yena owazala uWillem ozala Enock yena ozala iNkosi uLaduma. UNkonyeni wazala uMzungezi owazala uMgabashe ozala uDikida.

Indlu yaseSizibeni

UDonda wazala uMaqandela yena owazala uMbiyane, uMangwane, uGqogqa nabanye. UMbiyane wazala uManzini owazala uSobanqandi noMzondeni. USobanqandi wazala uMajubane noDakwa. uMzondeni wazala uPhefeni noNkwelo. uPhefeni wazala uNqabayembube. UNkwelo wazala uMshikane. UMajubane wazala uMbuzi noNdweshe. UDakwa wazala uMhlathi noMamba.

Indlu kaBheje (eNgome)

UMagawozi wazala uBheje yena owazala uMqhethi ozala uKhezi, ozala uMsayeya yena ozala uSibanda owazala uMeshu.


Indlu kaManjobo (eNondweni)

UManjobo wazala uSobhuza, uMgitshwa, uMshanananda, uNdengezi, uLugede noMnyanda. USobhuza wazala uMhlangane, uMbuyana, uMnguni, uNtoyani, uSigqoko, uMzila noNdophi. UNdophi wazala uMajana. UMzila wazala uMbhukudu kwathi uMnguni yena wazala uSonkamfu noMbuyana wazala uGabangani. Inkosana yakhe uSobhuza uMhangane yazala uNgulwane emzini wakhe kwaDidwayini, yena owazala uHomfu.


Indlu kaMzilikazi (KwaBulawayo eZimbabwe)

UMashobane wazala uMzilikazi yena owazala uNkulumane, uMangwane noLobengula. ULobengula wazala uLobila, uMphezeni noSidonjwa yena wazala uCaiphas. ULobila wazala uBanyana ozala uSikokwana.


Ezinye izibongo eziphuma kwaKhumalo

Nkosi – Dlangamandla

Shembe

Dubazane

Mabaso

English Summary

MaShobane was Mzilikazi’s father who was killed by Zwide. Mzilikazi decided to go and serve Shaka trying to flee from Zwide’s wroth after having killed his father. He became very popular and Shaka liked him since he was a great hero and he became one of Shaka’s trusted men. He was then later forced to flee from Shaka because he stole Shaka’s cattle that were meant to be brought to Shaka. This made the king very upset and he was very unhappy about this action. He ran until he reached Zimbabwe and the Khumalo’s are found all along this trail because of this situation that happened between Shaka and Mzilikazi.

Page 7 of 9

Previous

Next

Powered by WordPress & Theme by Anders Norén