bakgatla ba seabe
bakgatla ba seabe
Makhoakhoa…
Ke thelleleng ke Lekhoakhoa la Selimo Nthole,
U nthole mokopu le maraka, ke imetsoe,
Oabo Lijo, oabo Moselane,
Habo Lijo ho hlabana lithotsela,
Li hlabana le ba shoeleng marumong,
Thotsela se hlooho-kholo, Tumane,
Re bolela tse ka mots’eo ho ntlo,
Oa ma-Pohosela.
Bang ba re;
Ke thelleleng ke le Lekhoakhoa labo Selimo Nthole,
Khoakhoa le Maphutse le maraka-raka,
Nthole Maphutse ke imetsoe,
Ha habo Lijo ho hlabana lithotsela.
Bang ba re;
Ke thelleleng ke le Lekhoakhoa la Selimo,
Lekhoakhoa la Selimo, Nthole,
U nthole mokopu le maraka, ke imetsoe,
Oabo Lijo, oabo Moselane,
Habo Lijo ho hlabana lithotsela,
Li hlabana le ba shoeleng marumong,
Thotsela se hlooho-kholo Tumane,
Re bolela tse ka mots’eo ho ntlo,
Oa ma-Pohosela..
Makhoakhoa ke bo-mang?
-Taba e ileng ea tuma, eaba ea jaleha, ke ea hore Makhoakhoa a ana ka mokopu, ha se ‘nete taba eo.
-Makhoakhoa ke bana ba Molapo, mora oa boraro oa Napo, Napo oa Mosito, Mosito oa Koena, Koena oa Malope, Malope oa Masilo, Masilo oa Morolong..
Bahlakoana ba pholo ea lisema maila ho ngoatheloa batho ba jang polokoe e chesa ba sa jeng sengoathana sa maobane ba ka se ja ha merithi e theha ho so theile le e menyane ea liotloana batebang batho ba seliba sa manapo,mohloli o sa psheng batho ba lifaheng masihla sihla e ile eare ba li roala ba li roala lifate,batho ba morapalla lisema,o rapaletse khoro ea nthopi,maila khoanchane ea maobane,matebi,mafiroane,tshoene ea e cha senana e beleha !!