Kokela Masondo Lisinga;
Lisinga leNyanga;
Nyangekomo;
Ngowagoma unotswayile wathi akananyongo akanamhlwehlwe;
Nange ikomo ingagoma Iyafa;
Bathi Mkhubezitha;
Ngalo ngezabikwa emaNdebeleni;
Zinjaz’bawa;

Mlibolwana kaDabeza;
Jojwezitha, inyoni ekhathaza abalimi, yinyoni ephapha phezulu hlangana nezingwe Kanye nengwenyama.

Ngebalima izizwe zingakalimi,
Bathi “izizwe zilimile, izizwe zilimephi? ”
yizizwe ezalima emangweni wamathangazana; Abomalima ngonyezi.

Bathi nguMsutjhwana kosinomtlwayi;
Ibe ingu somdikwana kwaManala; inyangeKomo,
Udlongodlongo owajama endabeni ngempengu zakhe,
Ngathana kheyibe ingasi nguMabhena inga bakulalamela kwelamaNdawo,
Bathi ipengu ibuzwa kibomndawu.

Kumhlana umntwana azakulila athi “angina bisi anginani”
Bathi “Ngumathanda ibisi anganaKomo; ledlha mrena ukwaKomo khathesi”.

Siphuthumani sikaMaqoqoda wakoBizweni esaphunyuka zeSlongweni, inyanga engarori kwaphela, kodwana ngeyabhodla kwaridibala amanaba nabalinganyana kwagibhidlha inhliziyo zamadoda.

UMbandeni unengongoma;
“Bambethephi?”
Bambethe kwaLisinga;
KwaNyangeKomo nabantu; Amahlabane abhunubhunu;
bathatha isungulu baliqubunga.

Kokela KaMasondo, Lisinga leNyanga.