By: Elizabeth Poledi (MACHETHE) Themane
Ahee Tau, Ahee Mothobolo Ahee Nkwana Ke motho wa pyafale a bobotla wa ka gola ka ba masonono wa bo poo. Ke motho wa bo pholwana a makitla kitlele naga tsaboroka gaMachethe. Ahee tau, Ahee mothobolo, Ahee Nkwana Ke motho wa bo mothupi abo mee mee a bo lapane a rego ke thopa dikgomo ka thopa le batho. Ke motho wa bo Sewela mmeula bangwe lawe lesiri o hwa nalo. Ahee tau, ahee mothobolo Ahee Nkwana Ke batho ba ba ya go Thobolong a mpse ya teka, e taka go se na pula. Ke batho ba bo Maile swifi la boroka la ifala pula e ya na. Ke batho ba bo Molala-matsutsa hlare sa mmamodula kgorong se a dula ke inne dithoka. Ahee tau, Ahee bathobolo Ahee Nkwana Ke batho ba bo Mmakalewa dipalelo bogadi ka isa mahloka Ke batho ba bo mma monama bo nama kobo bja nama lesela le a swa. E re o a naiwa la tshofa la tau la mmasebokgoma se mwabong sa kwela ntle se a loma. Batau wee, Bathobolo wee
Leave a Reply