Ke batho ba RraSEROKA mautlana.
Matsitsirwana-a-Mmakaitswe.
Ke Maja-Kgomo ga ba gadime.
Ke magadimana ntweng,
Ge ba ja ga ba gadime.
Ke Batho ba kwa Kolokoto-e-tona Rramakatsole.
Motho-a-nyakwana.
Motho a tsaya ditlhako a hulara TLOU ya Madisenyane.
Ke batho ba tswang nkong ya Mogopodi.
Ba tlhomile nko ko magalapeng.
Bana ba pepilweng ka thari ya Mathulwe.
Mathulwe-a-botlhabatsatsi, mokgope wa bathula balotsana.
Ke dikokomana tsa Ntjao, a ngadile Rraseroka senesa tsheola.
Ashee Tlou!
