Batlokoa ke ba lelapa la boreneng,Mme ba ana ka nkwe. Re fumana Batlokwa ba ha sekonyela,ba ha Tsotetsi,ba ha Molefe,ba ha Sebiloane,jwalo jwalo. Bana ke bona ba ha Sebiloane,bao e reng ha ba ipolela ba re:

“Ke Sebiloane was ha letsholo la Mankitlane,

Motho ya sa jeng qhetswana la maobane,

Motho ya jang polokwe e ntjha,

Motho wa ba Matiya,

Phakwe ha e ba je, e ka bola molomo,

Ke Motlokoa so.”

Ba bang Batlokwa ha ba ipolela ba re:

“Ke letsibulo la Mokgalo was Mmatjotjo,

Ngwana wa Rabosielo,lekgukguntsha kodu,

Motho a lo bona mmae,

A dule le mosadi wa hae,

A dule le Mmadosielo,

Motho was Seboloka,

Motho eo a reng a tla Shea,a pongwe hlooho,

A sale a nyeketsa ka mohatlana,

Kgohledi ya basadi ba ditlebeso,

Mosadi ha a ja a iphehele,

Ha a sa iphehele o kgohlela lephako,

O re mang a iphehele,o patalletswe ke ngwanabo ntatae,

O mo patalletse thole sa nku e emere,

O mo tlohele a tjhe le dimpampa,

Mpampa! mpampa! mpampa!.”

Ba bang ba ke Batlokwa ba Molefe:

“Ke Motlokwa was ha Molefe,

Wa ha Molefe,wa ha Sebidi,

Wa Mmankgaodise wa ho nkga lefotha,

Le mohla nama e leng siyo ha motho

Wa ha Mmanthatisi a Motonosi.”