LEBOKO LA BATAUNG

Ke wa Makgaka a pula a tlala gaba ga tlala Mmanonyana gwatlhe a tlala pula e sana,Maulaula a dikgong tsa kgotlha o seke wa ditsaya fa o ditsaya o tla rogakwa ke beng ba Mmapa wa be wa rogakwa ke Mmanong.Ke Motaung tshetla a dipoa phologolo e mokokotlo thupa,Mophato ere le eya letsholo le itshete ebe le iphaphanye go seng jalo o mongwe o ya go sala fa ole lepogo o ngapa nna ke Tau ka ngapakaka retla kopana.Are ke lentswe bopelepele jwa lefika dichaba ikile yare di phuthegile dire di tlo epa lefika la re keaitse ke monna ke tlo pala ga ke lekwe ke basimanyana ke fatlhogile le bo-rraeno bo MAKGAKA LE RAMOROKA.e kile yare etswa bodibeng Tau entsho kgwanyape ya simolola go ntsha maleme a mararo le lengwe ya le lebisa bophirima le lengwe botlhabatsatsi le lengwe la potela ka moteng mouwane wa kgoagana lekotokoto ba tshoga bana ba mathega yare ga kelwe empane ke ipapalla fela.Tshetla a dipoa ga ke lome ke a onyaonya nkabe ke loma nkabe ke lo feditse e bile borraeno ba ka bo ba sa nkapare letlalo motho o ntse a re digagabi diteng gareng ga bodiba gareng ga tsona go Kgosi Mabye a masigwana KE LEBOKO LA BATAUNG