Monaheng/Nkopane
Ke Mokwena wa MmaNtsane a Monaheng,
Wa Nkopane a Mathunya.
Kwenana-nyane kwena di a tshaba,
Kwena ho hlapa tse potlana,
Kwena tse kgolo di a seha feela.
KAPA
Ke Mokwena wa Ntsane a Monaheng,
Wa Napo a Mosito,
Kwenanyane, kwena di e sira ka seriti metsing,
Ho hlapa tse dipotlane,
Kwena di hlapa di a nyolosa madiboho,
Ke Motebang, ke teba ka sekepe!
KAPA
Mokwena wa ha Monaheng,
Maila ho ngwathelwa,
Motho ya sa jeng sengwathwana sa maobane,
Ha e tla re ha a eja ho thehe meriti,
E menyane ya diotlwana
Ke motho wa Nkopane le Mohlomi,
Ke motho wa ha Monaheng,
KAPA
Ke Mokwena wa Monaheng
Wa Nkopane wa Mathunya
Ke modidimanyane ngwana Ramakatsa
Morapela putswa o e rapela a sa e bone
Petsana ke ya lehowahowa Makhetha
E howa e koma komisa ditjhaba
Tsa heso tsa ha Monaheng
Makhetha ke Tau ngwana Ramakatsa