SERETO SA MABEBA

Ahee, Mautswi wee!

Ke mahodu maokgokgo…

Ke Mautswi a kgoro yao Ntlhonyana ‘a Mabeba!

Mabeba ke wa ‘o Mmabadikile ‘a Tṧhaka,

Ka naga ba mofaletṧe photookoma,

Esita a ille lesolo le bangwe,

Gabake bare okgonne Mabeba,

Bafela bare o phositṧe Morwa-Rasekodi.

Ke Mokidikitlwa ‘a mamphallwa ‘a Batlokwa

Keyena pitsi yao Mmanaka a Sekodi,

Pududu ya sekoti sa Mmapela ‘a Batlokwa,

Bareti ba yona batlhwa badutṧe mafikene,

Bona ba tlhwele ba lebeletṧe Mphakane,

Bangwe ba hoelela Mabjanene,

Botlokwa ‘a Mmamelodi ‘a pela ya dithaba.

Bare wena oyane Moletjie go eta,

Ofihle obotṧe le Machema ‘a Raseaka,

Ore photla tsebe oa reta tsokotlana!

Moṧomo ebe ele ofe lena batho ba -Tsherane?

Gobe o retwa tele Mabeba Rasekodi,

Ge `o retwa yena re bea marumo ka thoko!

Ge otlhafile seriting sa Ratlaila,

Bakgomana ka mphela ba phetheletṧa Mabeba.

Bare `o Mochalo leo’ Kotlolo baile re phetheleditxe, badiya leano lao boela Mabjaneng…

Mabune ao’ Tṧhaka le Matome `a Dikgosi!

Ba bona naga ya Botlokwa erena khutṧo!

Mabeba ke woa’ Mmabadikile `a Tṧhaka.

Ke barwa ba Makgapshyane ke lepompo,

O gola okaaka mosekanapye, okaaka more okwa Bokgalaka bja Makhura `a Molaba.

Keba `o Leupa la moseumane,

Batho ba ntṧhetṧe melora ka hloka le mohlahlamodi.

Keba `o monye-mohu wa `o Mmutlana,

Monye-mohu le mo kgobele sebete,

Ke yena motho wao’ kgona o hlabanela ntwa!

Ke kelekete ke wele,

Kewetṧe mehlalene ya dikoloi,

Bare Nnoi are tsoga o robegile, ke mokgwa wa bo loforo ‘o rebega.

Ngwana wa motse o’ moholo Kgaudi,

Kgaudi ya kgaola tlou mosifa.

Ke sehlako sao’ Mmakgetlhe `a Leupa,

Ga seke se haela Mabeba motse…

Kenna bodiba bjo boholo bo phampha boduma dikwena,

Bja `o Mmabotsekola `a Tṧhaka.

Bjona bjo bo hakilene Ramokgopa `a dibata,

Bo hakile le Mmamafa motswalae ngwana wa `o malome aye,

Bjare go motsietṧa a tṧhabela thabene.

Mala-mabedi le yena o mpone a rothisa dikeledi,m

Yena orile ge a tṧhaba, a leba kua Tsumele!

Lephalala, wena morwa-Mmamohaṧwa `a Titṧana,

Otloba wa lapa ‘o phalala Mabeba

Mabeba kewa’o Mmabadikile ‘a Tshaka

Le ngwana wao Mmamonyai, Tidima ‘a difoto

Ke kgosi ye tsheu ya difoto, selema le diphoofolo,

Bangwe ba lema le basadi

Ba ‘o motlhoki ke letlile,

Yena Morwa Mmakgapsyane ke lepompo

O hola a kaaka mosekanapsye, o kaaka more

Okwa bokgalaka bja Makhura ‘a Molaba.

Mabeba ke Mmantotole ‘a Botlokwa

Ka tloropone o lototse sehowa ‘a Nape,

Makidikitlwa ona le Batho ba bonale…

Dibolaya wee!

Ke dilo tsao motlharemmipe ‘a Ngwato

– Compiled by Moyahabo Mabeba