Re batho ba leriba ba Lesiba la Kgomogoroga. Ba ruma ka nna ntwa Maroteng, bapedi bare leba, bare Kgoshi rea lwa. Re lwa le batho ba thipa e khubedu. Ke batho ba Sekaraka sengope ba sekgoro sa malesha motho moetlo. Kgomo o tshee dihlako o bee kgakala kgomong ya ngwana a ga mashilo. ke Nkgobagobe o fetile boshego Mogobareng o fetile a swere goba sa motho e ka be e lesa Kgomo e kabe a ntshegetshe.
Re boa mogodumo a bana ba shiko a Nape. Thaba tshe pedi go etelana, Sepitsi e rwele nkata e etela Mogodumo. Re boa Tubatse tletlolo, re batho ba Kgomogoroga, morwa Mohlale le Mogohlo. Re bapedi ba magana go hlolwa madumela go retwa. Re e pitsha bapedi goba renwa noka pedi Motsepula le Tubatse
Rena re boa Sellale sa ga-ra-Mohlala Morudi. Tswako re isha moano, re tshabile rupu sa meeno go betlwa. Re boa sebetlole Maru a masa a ngwatlale a bonwago ke motsoga gae motho letshatshi ga a bone. Ke mokutu matlala maudu otlalago mathetobola molapo meetse a pula a sa tlalego.
Ga geshu Matibidi a namane, Mphato makolokotong, ga mogotshana a fetoga pula. Ba ga Mohlala gare ba nyane re e kgodisha ka legowa la pula, bana ba Monamodi a ntwa, maoto nka mosotho motebele ge a sepela nka Lesea Matlatlaila Mokoena