Sereto sa Nthethe wa Morapedi 😍 Nthethe Clan

Sereto sa Nthethe wa Morapedi

Ke Motaung wa Nthethe a Morapedi,

Hlalele monna ya hlooho e kgolo,

Petu le lekana molala,

Morena ke Hlalele a innotshi!

Ke Motaung wa Nthethe a Morapedi,

Ngwana tshesana nkope,

E tla re mohla a tla shwa,
A kgaolwe hlooho,

A sale a nyeketha ka mahetlana,

Ka pakana tsa melala,
Wa Mmakatisa leloko,

Tau ha e qalwe seforong,
E bolaya motho!