uRadebe uMthimkulu
uBhungane kaNsele
Izulu laduma lasa, la subungela!
Nina enindlebe zinde zikhanya ilanga
Nina enindlebe zinde zombile
Mashiyamahle, amahle anjenge nyamazane
uMafuz’afulele njengelifu lemvula
Mashwabathe, owashwabathela inkomo nepondo zayo !!!
Tag: izibongo Page 1 of 2
B
Bhembe: Mashinini, Guliwe
Bhengani: Singo, Nyambawu
Bhengu: Ngcolosi
Bhuyeni: Sigwaxa
Biyase: Khathini, Ziqubu
Biyela: Ntshangase, Menziwa
Blose: Ndelu, Shinga
Bophela: Hlomuka, Ngidi
Bukhosini: Mtshali
Buthelezi: Shenge, Sokwalisa
C
Caluza: Mnguni
Cebekhulu: Linda, Nsele
Cele: Ndosi, Khumbuza, Dubandlela
Chamane: Nzama, Wosiyane
Chili: Mthuli, Ngwenya
Chiliza: Mdunge
Chonco: Gambushe
Chule: Nxele
Cibane: Shongololo
Cindi: Mahlaba, Mashinini
D
Dimba: Dukada, Fanisa, Fenya, Nkundlande,
Mnguni
Dindi: Mhlongo, Mgabhi, Njomane
Dladla: Gadlela, Vezi, Ngazitha, Mgabadeli,
Mhlophe
Dlamini: Nkosi, Sibalukhulu, Mlangeni
Dlamlenze: Shamase, Nzima
Dlangalala: Galu, Nyamenja
Dlomo: Mkhabela, Dinangwe, Bhelesi
Dlodlo: Nyandeni, Mabanga, Mpangazitha
Dludla: Cebisa, Sikhakha
Dludlu: Mtima, Mzomba, Sikhakhane
Dlame: Mwelase
Dlungwana: Nondaba, Gagashe, Zondi
Donda: Ngonyama, Masinga, Thusini,
Manqele, Mzimela
Dubazane: Mwelase
Dube: Maqhama, Mafukuzela, Khushwayo,
Nsizwakele, Shozi
Duma: Ntenga, Mthombeni, Lwandle
Dumakude: Shange
Dumisa: Gcwensa, Ndimande
Dunge: Chiliza
Duze: Seyama
F
Fakazi: Fakude, Fihlela
G
Gabela: Lindamkhonto, Mgabhi, Nsele,
Mnungwa, Vezi
Gama: Shabangu, Mbokane, Mdluli, Manyoni
Gamede: Magadlela, Mkholwa,
Sebenzekhaya, Mbebe
Gasela: Chiliza, Mdunge
Gazu: Sibiya
Gcaba: Thembela, Nombela, Mbuso
Gcabashe: Mnguni, Gumede
Gcaleka: Mthembu, Mvelase
Gcumisa: Ngwazi
Gcwensa: Mzulwini, Ndimande
Gebashe: Ngcaweni, Mnguni
Gedeza: Mnyandu, Nongalaza, Mpangazitha
Gina: Mhlungu, Magadlela
Gininda: Nyembezi, Shamase
Goba: Mbambo, Magoza
Gobhozi: Nyuswa, Ngcobo, Fuze
Gule: Malambule, Nselenduna
Guma: Siyaya, Mangena
Gumbi: Ndandali, Mlotshwa
Gumede: Qwabe, Mnguni, Khondlo, Yeyeye,
Phakathwayo
Gwacela: Mbili, Mhlanga
Gwagwa: Mlambo, Qunga
Gwala: Mphephethwa, Nkondlwane
Gwamanda: Yenga, Sochumase
H
Hadebe: Mthimkhulu, Bhungane
Hlabisa: Ngotsha, Mdinwa, Songiya,
Somfula
Hlatshwayo: Mhayise, Mavuso, Swazi,
Cebisa
Hlela: Madlula, Hangala, Kunene
Hlengwa: Mashasha, Thoyana
Hlongwa: Gabhisa, Mtumaseli, Lange,
Khawula, Gence
Hlongwane: Ngwane, Sangweni, Zikhali
Hlophe: Thumbeza, Myeni, Sameya
Hlubi: Nkosi, Ludonga, Mavuso
J
Jali: Bhengu, Ngcolosi, Dlabazane, Ngwane
Jama: Dlamini, Mzizi, Sijadu
Jamile: Nkamzwayo, Mehloluhlaza, Ntsele
Jele: Luvuno, Nonyana, Sokhwebula
Jili: Vilakazi
Jiyane: Mkhathini, Magolwana, Mahlinza
K
Khaba: Ngobese, Mqungebe
Khambule: Mlotshwa, Mncube
Khanyeza: Ngwane
Khanyile: Ngwane
Khathi: Nandisa, Mbende, Sotobe,
Phakathwayo, Sibiya
Khawula: Hlongwa, Gebhezi, Ntombela,
Ntanzi
Kheswa: Mnguni, Nozulu, Mpangazitha
Khomo: Sibiya, Zamisa
Khoza: Mlotshwa, Msuthu, Ndlandla
Khubisa: Nkomo, Ncube
Khuboni: Maseko, Simelane
Khulu: Mbulaze, Mntungwa
Khuluse: Hlongwa, Gabhezi, Mdindela
Khumalo: Mntungwa, Mabaso
Khumbuza: Cele, Ndosi
Khuzwayo: Qwabe, Gumede, Mnguni
Khwela: Ndulini
Khwane: Dlakela, Gugushe
Kubheka: Khathide, Sobote, Magononde
Kunene: Madonsela, Mtimande
Kweyama: Vezi, Dladla
L
Lamula: Zinyane, Mthembu
Langa: Sothole, Ngwane, ,Mcwaye
Lembede: Ndima
Linda: Cebekhulu
Lukhele: Mdluli, Nzimande
Luthuli: Madlanduna, Mshibe
Luvuno: Malembe
M
Mabanga: Dlodlo, Langa, Mpangazitha
Mabaso: Mntungwa, Ndabezitha, Mbulazi
Mabhena: Musi, Mhlanya
Mabizela: Mshengu, Shabalala, Ndimande
Mabika: Dinane, Dinabantu
M
Mabuya: Msibi, Ndlondlo, Ngwenya,
Mntimande
Mabuyakhulu: Ndiyema, Mdotshana
Mabuza: Ludonga
Made: Zimbu, Ngwane, Zimase, Mkhandlela
Madela: Longode, Ndaba, Hhoyiyane
Madiba: Shinga
Madi: Ngalonde, Ngwane
Madide: Phikela, Mawanda, Sompisi
Madlala: Mpumuza, Bhengu, Sishi,
Khabalidaka, Nodlomo
Madondo: Mnguni, Mnquhe
Madonsela: Kunene, Mntimande
Maduma: Mthiyane
Maduna: Mdlalose, Nyanda
Mafulela: Mafobo, Ndondakusuka
Magagula: Mthombeni
Magubane: Thole, Nkomose, Sothole,
Ndlandla
Magutshwa: Simelane
Magwaza: Yengwayo
Mahaye: Nodanga, Ntombela, Ntanzi
Mahlaba: Mbunjwa, Nsukuza, Shengele,
Cindi
Mahlalela: Maziya, Mcanco
Mahlangu: Mabhoko, Mbili, Phetha
Mahlinza: Jiyane, Zosongo, Mkhathini
Mahlobo: Sokhela, Nzuza
Maila
Majola: Macingwane, Mchunu
Majozi: Mnqamu, Gwanyana, Mbhulangwe
Makhanya: Duze, Mnguni, Yeyeye
Makhaye: Shombela, Mdeke, Nyawokhulu
Makhathini: Mncwabe
Makhaza: Luvuno, Sokhela
Makhoba: Sengwayo, Ncwane
Makhunga: Phethela
Malevu: Vezi, Kunene, Ziqunde
Malinga: Mlotshwa, Vunisa, Zindela
Maluleka: Thomoyi
Mamba: Nkosi
Manana: Ncusi, Mbuyise, Nkabinde,
Ndimande
Manqele: Duyaza, Phakathi, Ndaba
Manyoni: Mlotshwa
Manzi: Nonkululeko, Qomazitha,
Nyokayebululu, Njinji
Manzini: Zungu
Maphalala: Khoza, Mtimande, Mavuso
Maphanga: Gumede, Ginindza
M
Maphisa: Mlambo, Sishange, Mabhedla
Maphumulo: Mashimane, Doncabe, Zikode,
Cwalile
Masango: Ntusi, Mdluli
Maseko: Ngcamane, Khuboni
Mashaba: Ngungunyana, Phoseka
Mashinini:Guliwe, Bembe, Cindi
Masikane:Tiba
Masina: Mathebula, Mkholo
Masinga: Shobane, Njomane, Mangethe
Masilela: Mntambo, Mlondo
Masondo: Nyambose, Mpanza
Masuku: Nhlane, Ndwandwe
Mathaba: Mcambi, Mbuyazi
Mathe: Ncanana, Thenjwayo, Mzilankatha
Mathebela:Nsele, Lindamkhonto, Mthembu,
Sodiza, Ntongadli
Mathebula: Masina, Mkholo, Mthombeni
Mathenjwa: Ndabezitha
Mathunjwa: Mvubu
Mathibela: Msuthu
Mathonsi: Shekimbuya
Mathwasa: Silangwe, Ntamonde
Mavundla: Bhembe, Mwelase,
Mngwemkhulu, Thabekhulu
Mavuso: Ludonga, Mshengu, Shabalala
Mayise:Phakathi, Nkomoye, Nsele
Mayisela: Mhayise, Jibela, Mbonane
Mazibuko: Mwelase, Manzezulu, Nzima,
Phuthini
Mbamali: Mveni, Thobeni, Nhlanhlampofu
Mbambo: Goba, Magoza, Mdunge
Mbanjwa: Sokhela, Magujwa, Dindela
Mbatha: Shandu
Mbebe: Guliwe, Mashinini
Mbeje: Mbatha, Shandu
Mbhele: Khuboni, Godide, Ndlela
Mbhense:Nsibande
Mbili: Khosini
Mbokazi: Donda, Sontuli, Hlumakazi
Mbonambi:Mbuyazi, Mabhodla
Mbongwa: Mbuyisa, Makhubo
Mbongwe: Sondisa, Maphanga
Mbotho: Nsindane, Mtolo, Mshikela
Mbuli: Mlawula
Mbuyisa: Mlotshwa,Sikhunyana, Mbuyazi,
Mbonambi, Dube
Mcambe: Mathaba
Mcanyana: Mayeza, Kholose, Mshiyane
Mchunu: Macingwane
Mcoyi: Gumede
Mdaka: Nhlabathi, Mdomula, Magezana
Mdakane: Mlangatshe
Mdladla: Thumbela, Mwelase
Mdlalose: Nyanda, Maduna, Dikane
Mdletshe: Ngomane, Msindazwe
Mdluli: Nyoka, Lukhele, Nzimande, Sikwayo
Mdonswa: Nguse
Mdunge: Chiliza, Mwelase, Mbambo,
Makhathini
Memela: Gambu, Msuthu, Nontuli
Meyiwa: Msomi, Gasa
Mfeka: Mzimela. Mnguni
Mfusi: Thiyane
Mgcaleka: Mthembu, Mvelase
Mgenge: Maphahla
Mgobhozi: Mahlobo, Mnguni, Yeyeye
Mhlambo: Mngwengwe, Mzilankatha,
Nyazitla
Mhlanga: Gwacela, Mbili
Mhlangu: Gwacela, Mbili
Mhlongo: Njomane, Langeni, Mgabhi,
Makhedama, Khuyameni
Mhlophe: Dladla, Gadlela
Mhlungu: Mthiya, Mwelase, Ngwane
Miya: Mzizi
Mjadu: Sonqandile, Mshikila, Ndlela
Mjwara: Mbelu, Mnangwe, Gubeshe
Mkhabela: Dlomo
Mkhatshwa: Nxumalo, Ndwandwe
Mkhithi:Zaza, Mkhokeleleki, Mbembe,
Langa
Mkhize: Gubhela, Khabazela, Gcwabe
Mkhonza: Mhlongwane, Ngwane
Mkhulisi: Mwelase, Mthembu
Mkhumbuzi:Magaye, Cele
Mkhungo: Lango, Sodi
Mkhwanazi: Nkwali, Ndonga, Shamase,
Mwelase
Mlaba: Ximba, Mabhoyi
Mlambo: Gubhuza, Ndlanzi, Magaye
Mlangeni: Magasela, Sishiya, Madondo,
Mdephane, Linda
Mlawu: Nzamela
Mlondo: Mgenge, Mntambo
Mncube: Khambule, Mlotshwa, Mzilankatha
Mncwabe: Mpangazitha, Phakathi,
Sishangwe, Mjoji, Makhathini
Mngadi: Madlokovu, Ngema
Mngoma: Cenge, Mkhongisa
Mngomezulu: Dlakadla, Msuthu
Mnguni: Mzimela, Khonjwayo, Donda,
Mfeka
Mnikathi: Gcwensa, Khaphela
M
Mnisi: Mvulani, Nkophe
Mnomiya: Gininda, Shezi
Mnqayi: Mashiya, Linda Nsele
Mntambo: Mlondo, Vezi, Masilela, Jiyane
Mnyandu: Mpangazitha, Bhedleni
Mnyoni: Dlamane
Motha: Mvulane
Mtolo: Nsindane, Mboko
Mpanza: Sandanezwe, Thabekhulu,
Mavundla, Siwele, Donda
Mpila: Delwayo
Mpofana: Ntombela
Mpungose: Khuba, Gawozi, Phahla
Mpunzana: Mavundla, Mpanza
Mqadi: Mbuyisa
Msane/Msani:Vangisa, Mvuna, Majoka
Mseleku: Duma, Lwandle, Mthombeni
Msibi: Ndlondlo, Guliwe
Msimang: Thabizolo, Nonkosi
Msomi: Nyawose, Phingoshe, Gasa,
Nomndayi
Msweli: Nxele, Seme, Nongalo
Mthabela: Chibi, Mlotshwa
Mthalane: Weza
Mthanti: Mnyaka, Mthiyane, Ntsele
Mthembu: Mvelase, Mkhulisi
Mthethwa: Jobe, Nyambose, Masondo
Mthimkhulu: Hadebe, Bhungane,
Makhulukhulu
Mthiya:Zubane, Mbatha
Mthiyane: Sokhulu, Luvuno, Zondo, Mazwi
Mthombeni: Magagula
Mtshali: Hlabangane, Mantshinga, Magalela
Mtolo: Dlangamandla
Mvubu: Mgasela, Mdluli, Mathunjwa
Mvula: Duma
Mvuyana:Khumbuza, Cele
Myeza: Ndengezi, Msokazi, Mzukwuse,
Dimbane, Mpangele
Mwandla: Nqumela, Magange
Msweli: Dubandlela
Myeni: Mzukase, Mnguni, Mzimela,
Mziyankatha
Mzila: Mawewe
Mzileni: Nyawose
Mzimela: Mnguni, Dimbani
Mzizi: Dlamini
Mzobe: Lamula, Phohla
Mzolo: Dlangamandla, Gasa, Mbungela
Mzoneli: Phingoshe, Msomi
Mzulwini:Gcwensa, Shozi, Ndimande
N
Nala: Gwija, Mhlophe
Ncala: Njiki, Maphanga
Ncwane: Gwamanda, Cebekhulu, Dlamdaka,
Linda, Nomvuma
Ncanana:Mathe, Thenjwayo, Mzilankatha
Ncongwane:Nkwakha
Ncube: Mzilankatha, Nzimande
Ndaba: Manqele, Sibhene, Madela, Mhlungu,
Mthiyane
Ndabandaba: Mahamba, Sidlodlo,
Mphephethwa
Ndawo: Yamela, Khoza, Khobeni, Mphahlwa
Ndawonde: Zitha
Ndebele: Mazankosi, Vanande
Ndima: Lembede
Ndimande: Gcwensa, Mzulwini
Ndlala: Khezokhulu, Tukane, Mlalane
Ndlangamandla: Mphazima
Ndlanzi: Hadebe, Bhungane, Mthimkhulu
Ndlanya: Mjoli, Mbekwa
Ndlela: Bayeni, Sompisi, Godide, Mphemba
Ndlovu: Gatsheni, Boyabenyathi
Nduli: Khwela
Ndulini: Khwela, Sithombo
Nene: Sithenjwa, Madlokovu, Ngema
Ngcamu: Mncube, Mzilankatha
Ngcemu: Makhathini, Xulu, Donda
Ngcobo: Mavela, Fuze, Mapholoba, Mbili
Ngema: Mngadi, Madlokovu, Ntusi, Nene
Ngiba: Mlungwana, Zikhungwini
Ngidi: Hlomuka
Ngobese: Mqungebe, Donda, Mthinti
Ngonini: Mlawu
Ngubane: Mbomvu
Ngubeni: Nkomo
Ngwenya: Mtimande
Ngwazi: Zumbisa, Cele, Mbutho, Gcumisa
Nhlanhla:Mncube
Nhlapho: Sigegede, Mwelase
Nhleko: Mgilija, Mncwango
Nhlengethwa: Msuthu
Nkabinde: Mcusi, Mzizi
Nkonyeni: Chibini, Khanyayo
Nkosi: Dlamini
Nkumane: Zitha
Nkwanyana: Zikode
Njapha: Soduba, Vabaza, Siyeshe
N
Nogantshi: Dlamini, Jamasijadu, Sitolotolo
Nsele: Linda, Hadebe
Nsibande: Goje, Mdlanyoka
Nsibanyoni: Malambule
Ntaka: Mzimela
Ntanzi: Khawula, Gebhezi, Mahlobo,
Ntombela, Zulu
Ntenga: Duma
Ntombela: Mahlobo, Mpangazitha
Ntuli: Mphemba, Mbhele
Ntshangase: Mgazi, Biyela, Menziwa
Ntshalintshali: Phathwayo
Ntshingila: Dlabane
Ntshiza: Mtolo, Dlangamandla
Nxamalala: Zuma
Nxasana: Nonduma, Bele, Sikhonza
Nxele: Sweli, Semi, Msweli
Nxumalo: Ndwandwe, Mlaba, Mkhatshwa
Nyandeni: Gasela, Khukhuza, Mashobane
Nyawo: Dumakude, Mlaba
Nyembe: Thwala, Siwela
Nyembezi: Nkwaliyenkosi, Shamase,
Mkhwanazi, Nkwali
Nyide: Ndabase, Mahulube
Nyongwana: Nyuswa
Nyoni: Mbebe, Gwalagwala,
Nyoniyamakhosi
Nyuswa: Ngcobo, Fuze, Mapholoba
Nzama: Zukula, Chamane, Wosiyane
Nzima: Phakathi
Nzimande: Mphephethwa, Mdluli, Mdlobhiya,
Mangcamane
Nzimase: Sishi
Nzuza: Mshazi, Mahlobo
P
Phakathi: Mncwango, Sigagu, Juqula
Phewa: Mvelase
Phoswa: Nyoni, Gengeshe
Phungula: Mdlovu
Q
Qwabe: Gumede
S
Sabela/Sabelo: Gwamanda, Mdlumbi,
Maphindela, Vezi
Sangweni: Hlongwane, Ngwane, Zikhali
Seme: Mbuyazi, Msweli
Shabane: Mboyisa, Mlinga
Shabalala:Mshengu
Shabangu: Mbhele, Gama, Ntuli
Shandu: Mbatha, Mthiya
Shange: Dumakude, Mdima
Shangase: Shuku
Shazi: Zindela, Cebekhulu
Shelembe:Maphalala, Mzamela
Shezi: Dlaba
Shinga: Ndelu, Blose, Madziba
Shoba: Mpikela, Mathumba, Mjakada,
Nowanqa
Shoyisa: Mnqayi
Shozi: Mthiya
Sibaya: Thango, Gotsholo
Sibeko: Maziya, Mkhabela
Sibisi: Mahlase, Bhovungana, Gamede
Sibiya: Ndaba, Sotobe
Sikhakhane: Mathula, Nzimase
Sikhosana: Ncama, Msamkhulu, Somboni
Sikobi: Ngwenya
Simelane:Magutshwa
Sithole: Mondise, Jobe
Siyaya: Guma, Mangena
Sishi: Nzimase, Mathenjwa, Ncwaba
Sokhela: Nzuza, Mahlobo
Sokhulu: Mthiyane
T
Thabethe: Mangede
Thango: Sibaya, Jiyane
Thela: Mhlabandlovu, Mtimande
Thembekwayo: Dlamane, Masina
Thembela:Nombela, Gcaba
Thenjwayo: Nsibande, Gabadela
Thwala: Mnyamande, Nyembe, Motha,
Siwela
Thusi:Sishange, Dlebenkomo, Mlotshwa,
Mfene
Thusini: Donda, Manqele, Mnguni, Mlaba
W
Wanda: Mathetha, Mphankomo
Wela: Qwabe, Gumede, Yeye
Weza: Mthalane
V
Vezi: Kweyama, Mnembe
Vilakazi: Mphephethwa, Jili, Binda
Vumase: Sikhumbane, Mfumu
Vumisa: Nkala
Vundla: Gigaba
X
Xaba: Nonkosi
Xala: Gubulundu, Mbanjwa, Zizi, Dlamini
Xhakaza: Bhengu, Nondela
Ximba: Mlaba, Nondlela, Msuthu, Thusi
Xolo: Msuthu, Ntamonde, Thusi
Xulu: Makhathini, Gxabhashe, Sonkophe,
Jiba
Y
Yengwa: Gwamanda, Sondini
Yeni: Shibase, Zondi
Z
Zaca: Msenti, Majila
Zakwe: Cebisa, Mdlolo, Lindamkhonto
Zama: Dingila, Nombhoco, Gcugcwa,
Wosiyane
Zibani: Zikhonjwa, Nontanda
Zikhali: Sangwani, Hlongwane, Ngwane
Zincume:Mhlongo, Njomane
Zindela: Malinga, Mlotshwa, Shazi,
Cebekhulu
Zimu: Mtuswa, Mbhodwe
Ziqubu: Biyase, Khathini
Zitha: Ndawonde
Zondi: Nondaba, Gagashe, Luqe
Zondo: Mthiyane
Zubane:Mthiya, Zikhonjwa
Zuke: Mbhedu, Bikelwayo
Zulu: Mageba, Ndabezitha, Sithuli
Zuma: Msholozi, Nxamalala
Zungu: Manzini
Zwane: Mangethe, Cebekhulu
Mpanza
Umlando wakwaMpanza 😍 Mpanza Clan History:
AbakwaBhengu 😍 Ngcolosi
UMUNTU wokuqala ongukhokho wabantu bakwaNgcolosi nguSongololo. Yena wazala uLusibalukhulu, uLusibalukhulu wazala uDlabazana ozala uBhengu.
Kokhokho babantu bakwaNgcolosi igama likaBhengu laduma kakhulu laze lagcina seliyisibongo kuze kube namuhla. Esend*ni likaBhengu kwavela uNgwabini, uNgwabini uzala uLamula. Nazi izihasho zakhe uma egiya: uLamula bonyanga! Kuyophel’ amabele sidl’inyama.
NabakwaJali bangabakhona kwaNgcolosi. Maningi amaqhawe avela kubo aziwa ngokuthi angawakwaNgcolosi njengoBheje kaJali: uMayikhipha! uMayikha kuzond’ umkhwekazi, Ath’ umntanami kendele ndawo, Wendele esigcwelegcweleni.
Iqhawe lesibili lakwaJali kwaNgcolosi nalo elahlabana ezimpini laze lanikezwa izibongo ezasala ziyisibuko sezinto elalizenza nguSikhewu kaJali wakwaNgcolosi: uVuthuvathu! uMvub’ uyaphukutha [kutekezwa ukubhukuda]! uMathanga dabul’ isiziba; uMathendele kabuyi laph’ eyekhona.
Iqhawe lesithathu kulo mkhakha wabakwaJali bakwaNgcolosi nguGwadlela. Naye wavelela esizweni sakwaNgcolosi ngobuqhawe bakhe waze wathola lezi zibongo: uSidunga manzan’ abawesabayo; uMklaklaza njengezulu. uSogweb’ onjengomuny’ uSogweba. OnjengowakwaJobe. Impukane ezibindibindi; uMagwaz’ ephindela njengezulu.
Ngakho-ke abakwaBhengu nabakwaLamula kabaganani. Esendeni likaLamula kuvele uNgwane: “uNgwane-Ngwathi. Abayibonileyo, Bayibone ngasondo ukuthi iwele; Ningayiphungi ngezandla, Ningayiphungi ngezandla, Niyawube niyibangile; Ngob’uNgwan’udl’umuntu, Ebende ngentaba, Ethi yikhon ‘intab ‘izomlamulela.
UNgwane wazala uMepho. Nguyena owayebusa isizwe sakwaNgcolosi ngenkathi iNgonyama uShaka ihlanganisa izizwe zamaZulu ukuba zibe yimbumba eyokwazi ukubhekana nezitha zayo. uMepho wahlakanipha ngokungathathi izikhali enqabe ukuzimbandakanya nezizwe ezazihlanganiswa. Ngakho-ke ISizwe sakwaNgcolosi asizange sihlaselwe ngobuhlakani bakhe: uMdlung’odl’ abantu. Iphephede elingezwa ludaba, Elizw’ udaba ngoba lishunyayeziwe. Inkos’ ephos ‘ukulibala, Kwaze kwacishe kwabus’abezindlwana.
Inzalo kaMepho kaNgwane
UMepho wazala uNkungu noFaku. UNkungu kaMepho umuzi wakhe omkhulu kwakuseSinyameni lapho azala khona indlalifa yakhe uNdlokolo. Waphinde wazala kwenye indlu uHlangabeza unina owalotsholwa ngezinkomo zakwabo Faku umfowabo. Lokhu kwenziwa ngukuthi kwakuthi uma uNkungu efikile kwabo kaFaku alale elawini.
Lowo mfazi ayelala naye lapho elawini wazala uHlangabeza elotsholwe ngezinkomo zakwabo Faku. UNkungu wabulawa ngesikhathi sokubusa kweNgonyama uDingane ngoba wayesolwa ngokuthi uyozimbandakanya namaBhunu ayezinze ngaseMlaza.
Akazange afele eManzalathi igama lomfula esizweni sawaNgcolosi kwaNtunjambili okungamanxiwa okudabuka esizwe sakwaNgcolosi, nokulapho wonke amathuna amakhosi esizwe ekhona. Yithuna likaNkungu kuphela eliseMkhumbane lapho abulawelwa khona.
uBiliza! uBiliza ubeza nazo izibongo, Zinhl’ izandla, Zikulo mntwana, Zinjenge zimvu zisemaxhegwini, Zinjenge zikaNodanga, ngaseKuboshweni. uNyathela ngomkhonto, Abanye benyathela ngezitho.
Ngenxa yokuthi amadodana kaNkungu ayesemancane ngenkathi uyise edlula emhlabeni, isikhundla sobukhosi bakwaNgcolosi sabanjwa wuFaku.
Ukwehlukana kabili kwesizwe sakwaBhengu
Kwathi uma sekufanele kubuse uNdlokolo kaNkungu ngaphambi kwempi kaLangalibalele ngowe 1873, isizwe sehlukana kabili yize wayethathwa njengendlalifa kaNkungu. Yena wasala ehola ingxenyana encane ngaseMngeni. Ingxenye enkulu yazimbandakanya noHlangabeza.
Imbangela yakho konke lokhu kwaba yile: uNdlokolo wazalwa eyinxele. AbakwaNgcolosi kusukela ekufikeni kwabo lapha bevela lapho kwagcina kuseSwazini khona, babekholelwa isaga esithi: “inxele aliwakhi umuzi.”
Kwathi noma sebezinze lapha kwaZulu leyo nkolo yalokhu igxile kakhulu ezingqondweni zabo.
Ngakho-ke kwathi uma uNdlokolo sekufanele athathe isikhundla sobukhosi, oFaku kaMepho, oMayeza kaMqweleba, oCinwa noJali abazalwa ngamakhosi amadala akwaNgcolosi bathi inkosi okwakufanele ibuse isizwe nguHlangabeza kaNkungu. Ngakolunye uhlangothi oMambedu kaMepho namanye amadoda ozalo wona athi inkosi kufanele kube nguNdlokolo kaNkungu.
Baqhubeka oFaku nethimba lakhe bethi bona ngeke babuswe yinxele ngoba liba yishinga lone umuzi. Bagxila ekutheni abayifuni inkosi ephatha isihlangu sayo ngesandla sokudla bonke abantu bebe bephethe izihlangu zabo ngezandla zesinxele. Ngaleso sikhathi sonke isizwe sakwaNgcolosi sasakhe eMngeni phansi kweNtshangwe.
Ukuphindela emanxiweni aseManzalathi
Ngokubona ukuthi ayikho eyayigoba uphondo ezinhlangothini zombili, uFaku owayelibambabukhosi wathatha isinqumo sokuphindela emanxiweni amadala akwaNtunjambili eManzalathi nengxenye eyayesekela uHlangabeza. AMandlalathi ngumfudlana ongenela oThukela. Wakhukhula-ke uFaku nezinkomo zonke kanye nengxenye enkulu yesizwe eyayeseka uHlangabeza. EMngeni kwasala abantu abambalwa ababesekela uNdlokolo.
Isinqumo sikaTheophilus Shepstone [Somtsewu]
Umbango woqhekeko esizweni wakhula kanjalo kwagcinwa kumangalelwene kuTheophilus Shepstone owayenguNobhala weZindaba zaBantu abamnyama kuKoloni yaseNatali. Zombili izingxenye zabizelwa eMgungundlovu (Phithamarizbheki).
Isinqumo sikaTheophilus Shepstone sagcina sivune ingxenye kaNdlokolo kwazise uShepstone walithatha njengenhlekisa iphuzu lenxele nokungabusi kwalo umuzi. Wanquma ukuthi lonke ifa maliphindele eMngeni kuNdlokolo.
Wagcizelela ukuthi kufanele kugxilwe ekutheni uNdlokolo wayezalwa iyiphi inkosikazi kaNkungu, ukuthi wayelinxele kwakungasho lutho. UTheophilus Shepstone wagcina ngokuthi ukuba uHlangabeza wayeyintombazane izinkomo zakhe nxa egana zazizodliwa nguFaku ngoba unina wayelotsholwe ngezinkomo zakwabo.
Umuzi waseMandleni eMandlalathi
Ngenxa yenkolelo yokuthi inxele alibusi umuzi isinqumo sikaTheophilus Shepstone asizange sisho lutho engxenyeni enkulu yabantu ababesekela uHlangabeza. Wakha umuzi wakhe awuqamba igama wathi kuseMandleni. Lelo gama lalisuselwa ekutheni uHlangabeza lowa muzi wayezakhele ngamandla akhe, engawakhile ngefa likaNkungu. Lakhula kanjalo uhlonze lukaHlangabeza: Sijuqu esomndindimana, [kushiwo ukunqamuka kabili kwamadoda] uNkomo zidla nezamaNgisi, NezamaJalimane, Munt’ osentabeni, Uthuleleni?
Ngakbo-ke isinqumo sikaTheophilus Shepstone asizange sisho lutho ngoba isizwe sanda kakhulu eManzalathi endaweni eyayilele wonke amakhosi akwaNgcolosi. Kuyacaca-ke ukuthi lonke uzalo lukaMepho kaNgwane kaLamula, lwabuyela ngakuHlangabeza lwesaba inxele. Ozalweni ngakuNdlokolo baba babili: uMambedu indoda umntanenkosi noZithoya kaMepho.
Ukufa kukaNdlokolo
uNdlokolo owashona mhla Zlyl 19 kuNhlolanja 1915 isibhedukile iMpi yaMazwe oMhlaba [1914-1918]. Indlalifa yakhe kwakungu Vika yena owazala uDinabakubo ozala inkosi uBhekisisa Felix obusa isizwe esincikene nesaseMaphephetheni nesakwaNgcobo eThekwini hhayi kwaNtunjambili eManzalathi lapho umzukulu kaHlangabeza ebusa khona.
Ngenkathi kubheduka impi yamaNgisi namaBhunu [1899-1902], isizwe sakwaNgcolosi ngaphansi kukaHlangabeza sacindezelwa kakhulu ngabaphathi bezempi yamaNgisi ukuthi sikhiphe amadoda ayezohamba nezinqola zempi ezazithwalela amasotsha ukudla nezinye izimpahla ezazidingeka empini.
Laba bantu bakwaNgcolosi kwakudingeka belekelele amaNgisi uma kunesidingo ekunqobeni impi yamaBhunu. Abanye babantu abathunyelwa yiNkosi uHlangabeza Bhengu mhla ziyi 14 Masingana 1902 ngoNonjanja noMagqibo.
Laba bantu banikezelwa kuMkhuzi wempi yamaNgisi owayaziwa ngokuthi ngu Officer Commanding Army Service Corps eMarizbheki yena wase ebathumela ezindaweni ababedingeka kuzo.
Kwathi mhla ziyisi 5 Ntulikazi bonke abantu abamnyama ababephoqwe ukuyosiza impi yamaNgisi badedelwa ukuba babuyele emakhaya, banikeza amawarrants esitimela ukuze bafike emakhaya bedlule eMgungundlovana. Imali ababeyiholelwa ngopondo ababili ngenyanga. Bonke abazange bakhokhelwe ngenyanga yesithupha yokugcina besemsebenzini.
Bathenjiswa ukuthi imininingwane yayizothunyelwa komantshi babo ukuze bakhokhelwe imali ababekweletwa yona kodwa lokhu akuzange kwenzeke.
Ubuhlakani bukaMepho nendawo yabakwaNgcolosi
Indawo yabakwaNgcolosi yagudla umfula iNzalathi yehla njalo kwaNtunjambili yaze yayofinyelela oThukela. Kukhona abathi abantu bakwaLuthuli bavela kwabakwaNgcolosi kodwa abanye bayakuphika lokho.
Siyaz i ukuthi ngemuva kokuthi iNgonyama uShaka ithumele uNongila Mabaso owayeyinhloli enkulu yezwe eMpumalanga Koloni, wabuya nokuthi kwakuliwa abelungu behlasela amaXhosa. Ngakho-ke uShaka wazilungiselela ukuthi impi yabelungu ithi iqambe ifinyelela kwaZulu bese ilindiwe. Ngakho-ke wahlanganisa izizwe zamaZulu. Isizwe sakwaNgcolosi esasibuswa nguMepho naso sazimbandakanya nokugcwele nokuhlanganiswa kwezizwe.
Ngaleso sikhathi abakwaNgcobo nabo base beyingxenye kaZulu ohlangene kumbandakanya bakwaMkhize bakaZihlandlo.
UNgoza kaMkhubukeli Mthembu yena wase ebalekile waphikelela eMampondweni lapho afika abulawelwa khona indlalifa yakhe yabuya yazokhonza kwaZulu.
Enye ingxenye yabakwaNgcolosi ngaphansi kukaJali yona yaphikelela phesheya koMzimvubu nabakwaXesibe nabakwaThusi. Ngakho-ke abakwaJali nabakwaBhengu abaganani. UJali wavela ngoba bayingxenye eyajabha yadangala ngenxa yezimo ezazinzima kubhekenwe nazo.
Isizwe sakwaNgcolosi ngaphansi kukaMepho asizange sihlaselwe ngalobo buhlakani bakhe bokuvuma ukuthi sizimbandakanye ngokugcwele noholo IweNgonyama yamaZulu saze sakhipha ngisho izinkomo zokukhonza eNgonyameni uShaka.
Izithakazelo zakwa Hlanguza
Into eyenza kubenokuphikisana okukhulu kangaka phakathi kwabaNguni wukuthi kunezizwe ezabekwa nguShaka. Ngingenza isibonelo ngoNqetho.
Emva kokuba us haka enqobe uPhakathwayo kwaQwabe, wabeka uNqetho ozalwa ezindlini ezincane kwaQwabe.
Ngenxa yolwazi olufishane ungathola abantu bakwaNqetho abanye bengasazi ukuthi bangaMaQwabe, abaNguni.
Uzwe umuntu ephika ukuthi bavela kwaGumede, Mnguni kaYeyeye kodwa angakwazi ukusho umlando wesibongo sakhe before uShaka.
Umlando kaYeyeye, Gumede, Mnguni,njll, usukela emuva kuIshmaela kaAbraham. Baningi asebaphuma kulolozalo bagcine nabo sebenomlando wabo ongasamfali uGumede noMnguni noQwabe.
Noma bengasabafaki labokhokho babo ezithakazelweni, lokho akuwuguquli umlando wokuthi bayinzalo yakhona. Esinye isbonelo ngesabantu bakwaZulu.
NgamaNguni oZulu kodwa abanye babo abasamfaki uGumede noMnguni yize bezalwa khona. Abanye babethi noma sebehlubukile noma bagxoshwa emndenini ngezizathu ezithize bangakulibali ukuqhubeka negama likaMnguni ongukhokho wabo.
Kukhona ngisho abayisende likaKhondlo kaQwabe(okungesiwo umlando omdala kakhulu), asebekulibele ukuthi baphumaphi. UKhondlo wayenabafazi abaningi kanye nezingane eziningi.
Esinye isibonelo ngabantu bakwaMzimela, kuvelaphi ukuthi uMnguni ovela olwandle? Uma uthi indabuko yabo bakhe eMpangeni, uyazi yin I ukuthi leyondawo (Ongoye) bekungeyakwaQwabe? Abantu baseMazimeleni babekwa nguShaka kuleyondawo ngoba ingasenamuntu. Abantu bakwaQwabe babeyishiye kudala, engakazalwa noShaka lowo, sebethuthela eMthandeni.
Nabo abaKwaQwabe, akusibona bonke abathuthela eMthandeni. Ngakho-ke ukuthi “uQwabe ovela eMthandeni” yisisho nje, not isthakazelo. Emthandeni yikoMkhulu labantu bakwaQwabe kulesikhathi samanje.
OGumede, Qwabe, Mnguni, abanamncele, lonke izwe ngelabo.
KwaNdwandwe kuzalwa uMngcwanga
UMngcwanga uzala uFekhaya
Isizukulwane sakhe uNhlekela noZwana noPhakathi
UNhlekela uzala uMsane
UZwana azale uMzimela
UPhakathi azale uMfeka
UMsane noMzimela kanye noMfeka yinto eyodwa ngimile kulelo.
UNtaka uqale eZaphowane ngokudla izintaka labo bangabakwaMzimela.
Imibono yabalandeli yale-blog
UMfeka wayezalwa uGumede kuyindodana endala,wabe eseshiyelana ugwayi nodadewabo wambamba oqitsheni uGumede wanengwa washaya uMfeka waze wamphosa olwandle.
Emva kwezinsukwana waya olwandle uGumede lapho amphose khona wafike washisa inoni kusenjalo memfu uMfeka ehlamba emanzini olwandle eza kuGumede,wabe esethi uGumede:isenzo osenzile sibi njengoba uzimelele ngomsila kudade wenu ngakho-ke awusesuye uMnguni kaYeyeye usungu Mnguni wasolwandle njengoba uphume olwandle nje zimele.Savela kanjalo ukuthi singabase Mazimeleni sizimele.
Umfeka,Mzimela yinto eyodwa yibo kuphela uMnguni wasolwandle.uma uthi Mnguni usuke ungakasho lutho.
Mina ngatshelwa uMkhulu wathi singaganwa kwa Gumede akusibo abakithi
Khanyi,
Msuthu,
Mwelase,
Ongaweli ngezibuko,
Owela nge zimpambosi zomfula,
Isigejan’ esemba sembula,
Wen’ ophaphela phezulu,
Msunywa’ ozimpumpuluzwana,
Msuthu ka Nciza,
Msuthu ka Sidiyanekazane,
Msuth’ owesab’ ukwesoka,
Msuthu wasomponjwana,
Wen’ oway’ eLenge wabuyelela,
Wena wakwa mabele made,
Msuthu