Category: Izithakazelo Page 20 of 440

Umlando wakwaLanga:

Abantu bakwaLanga bangabaNguni abawela esigabeni sabaNguni abangabaNtungwa Nguni
ngokwezigama zabaNguni. Laba bantu bakwaLanga baphuma kubantu bakwaZulu. Umuntu esiqala ukuzwa ngaye nguye uLanga uqobo lwakhe. ULanga wayeyinkosana kaZulu futhi nguyena okwakufanele abe yinkosi ngemuva kokukhothama
kukayise uZulu kodwa ngenxa yokuthi wayemhlophe
(eyisiphiwo) lokho akusenzekanga. UZulu ungukhokho wabakwaZulu, abakwaMbatha, abakwaDladla nezinye izibongo. Yena uZulu
wayezalwa iNkosi Malandela engumfowabo omncane
kaQwabe owazala abakwaQwabe. Elinye igama
likaLanga uMahaye. Leli elikaMahaye lavela ngesikhathi
uLanga efuna ukungena umfazi womnewabo uMpangazitha kaNtombela. Kuthiwa umama kaMpangazitha akavumanga ukuthi uLanga angene umfazi wendodana yakhe. Kuthiwa wayevele aphume ame egcekeni ahaye amagama omubhinqa, ebhinqa
uLanga. Lavela kanjalo-ke igama likaMahaye lagcina selidume ukwedlula elikaLanga, lagcina seliyisibongo kwabanye njengoba liseyisibongo nanamuhla.

Umuntu esimbona egqama emlandwini
wakwaLanga (uMahaye) uNodange kaMningiza owabe
eyiqhawe leziNgonyama oCetsheayo noMpande. UNodange wagcina esehlala oNdini esengenye yezikhulu zakhona.

Ake sibelamanise oLanga:

ULanga (uMahaye) indodana kaZulu kaMalandela wazala uBhulu noMbekwa.

UMbekwa wazala uMafuza owazala uNtukumbana owazala uNdosi.

UNdosi yena wazala uMgobhe noMnyakanyaka.

UMnyakanyaka wazala uNhlokwana owazala
uMqhutshwa.

UMqhutshwa wazala uMgqobhi
owazala uBhekinkosi.

UBhulu kaLanga wazala uMpikwana owazala uMningiza.

UMningiza yena wazala uNodange
noBhengu. UBhengu ongeyena owesibongo.

UBhengu wazala uNguluza owazala uKhiwane.

UKhiwane yena wazala uMesabeni.

UNodange kaMningiza yena wazala uZidunge, uNkonka, uMnqandane, uMhayi, uQhakaza noFokothi.

UZidunge wazala uZibone.

UMnqandane yena wazala uSonke.

UQhakaza wazala uMdumo.

UFokothi yena wazala uMgibeni owazala uBonginkosi yena owazala uSimphiweyiNkosi.

Izithakazelo zakwaLanga (Mahaye):

Mpangazitha
Mahlobo
Sonomo
Zulu
uNodange edumile
Mningiza
Mpikwane
Nondela zimba odikila isidumbu adle umlenze
uMlungwana ozihlabanelayo
Bubi kabulali ngoba babulala abakwaDludla
Mabhala ngozipho abanye bebhala ngepensela
Mnqandwendwe
Mageba sabela uyabizwa
Dlambedlu olumashobane

Vilakazi- Mphephethwa.

Mabena – Mbhuduma.

nhlapo- sgegede

Dladla-mgabadeli

Sithole-Jobe

Xaba-Shwabade, Nonkosi

Nyandeni – Mashobane, khukhuza, Ngomanya.

Buthelezi – Shenge, Sokwalisa

Cele – Ndosi, Dubandlela

Dlomo – Mkhabela, Dinangwe

Hadebe – Mthimkhulu, Bhungwane

Jali – Bhengu, Ngcolosi

Khuzwayo – Qwabe, Gumede

Langa – Sothole, Ngwane

Mazibuko – Mwelase, Nzima,

Phuthini, Mgabhi, etc. Mjwara -Mbelu, Mnangwe

Nxumalo -Ndwandwe, Mkhatshwa

Qwabe – Gumede

Sibiya – Sotobe, Ndaba

Thwala – Mnyamande,Motha

Zuma – Msholozi, Cebekhul

Ndlela – Madida

Ngwenya, Shongwe, Kunene, Madonsela, Hleza, Gamedze – Mtimande.

Ntuli – Sompisi

Sibiya – Sotobe

Zulu – Mageba

Tshabalala – Mshengu

Khumalo – Mtungwa

Zuma – Msholozi

Zwane – Mangethe

Ndlovu – Gatsheni

Ngcobo- Mapholoba

Buthelezi- Shenge

Mhlongo – Njomane

Mabaso – Ndabezitha

Makoaba – Mashiya Mahl

Kubheka – Khathide

Sibisi – Mahlase

Gazu – Gubeshe

Madlala – Sishi

Zungu – Manzini

Shezi – Sgananda

Khanyile-Ngwane

Msibi – Ndlondlo

Mtshali – Magalela

Mthethwa – Nyambose

Xulu – GXabashe

Zondi – Nondaba

Mthimkhulu – Ngelengele

Dlomo – Mkhabela

Thwala-Mkhonto