Mthembu
Mvelase
Qhudeni
Jama ka Mnisi
Mnisi wemvula ilanga libalele,
Gabadela owagabadel’ inkundla yakwaBulawayo
Utshani abushi busha ngokubhebhezela
Khuluse omuhle
Phewa
Ngoza kaMkhubukeli kaGazi.
Nina baseMlamlankunzi!
Wena kaNgoza ‘kakhokhobi, ‘kanjengay’ uMacingwane waseNgonyameni, yen’ obedl’ imihlambi yamadoda ngokuyikhokhobela;
Wena kaJel’ ophume kuNdingiza kuHlazakazi, abanini beNdingiza basale bevungama…
Cuphayibambe
Mhlakazanhlansi bayosala becisha abafokazane
Gabadele
Mvelase ka Guda!
Guda kaNgoza kaNgwavuma
Ogud’ inkom’ ingenalubisi;
Wena owathembelenjeni imithi wathi uzosenga ngenxa yokuzingelwa yizitha nabafokazane
Wena Owavel’eNyandeni yemikhonto yakwaMabaso,
Akadli ‘mathibane,
Kuth’ angadl’ amathibane kube indlala iwile
Ndaba!
Ndaba kaLushozi kaGeze kaMangqiyima
Ndab’ongakhothameli amakhosi angakhothama kuyozilwa e Qhudeni!
Mthembobomvu
Myayiza omuhle nezinyawo zakhe!
Wenophuza kwezind’iziziba
Uphuz’oPhongolo wayophuzeManguza!
Usikhothanyelwa kama Kholokotho ngokukhothanyelwa zintaba zo Bombo no Phongolo
Jama wena owajamela imingcele ka Sobhuza neka Soshangane!
Tag: Mthembu-Mvelase
UMangqiyima uzale
UGeze owazala
ULushozi owazala
UNdaba noMlenze
UNdaba wazala
UMnisiwemvula owazala
UJama noNdima
UNdima wazala
UVico,uSondaba kanye noMangcikivana
USondaba wazala
USiyembeyembe
UJama kaMnisi wazala
UMahawana noSojabha
UMahawana wazala
UMmangaliso owazala
Ulokothwayo
USojabha wazala
UMashobane owazala
UFunwayo
UMlenze kaLushozi wazala
UBhacile owazala
USikhala owazala
USomopho owazala
UMsiyana.
Indlu encane: abakwaMvelase
uMangqiyima wazala
uNyandeni owazala
uMvelase owazala
uGazi owazala
UMkhubukeli owazala
UNgoza owazala uMnhlakomuzi noNodada
UNodada wazala
UMganu owazala
UMabizela noNgqamuzana
UMabizela wazala
UKufakwezwe noZisulu
KwaMvelase kwaduma kakhulu uNgoza kaMkhubukeli owalwa noShaka kodwa wehlulwa wase ebalekela eKoloni nabantu bakhe.
Kubese kuba nezindlu eziyisende likaNgoza eKoloni okuvalwa kuzo nazi;
Mathanzima
Dalindyebo
Mandela
Nezinye ezingingi.
Izithakazelo zako Mvelase:
Mvelase
Qhudeni
Mvelase kaGuqa
Owavela enyandeni yemikhonto yakwaMabaso
Mnisi wemvula ilanga libalele
Nina basemlamankunzi
Nina eningawadli amathibani nawadla kobe iwile.
Ngoza kaMkhubukeli.
Izithakazelo zako Mthembu:
Mthembu
Mvelase
Qhudeni Mvelase
Ndaba
Jama kaMnisi
Mthembu waseGubase
Wena owavela enyandeni!
Nina eningawadli amathibani
Nina basemlamankunzi
Ngoza kaMkhubukeli kaGazi