Ke batloutsi baila ngope, batho BA bo mmapitsi a mahlaba,
Batlogolo BA ngoako o moso,ramatimana ka fola Mara Ga nke a timana ka diyamaleng,
Ngoako wa go ja dinonyana dihlogo a di fa basimane.
Ke batloutsi baila ngope,batho BA mmapitsi a mahlaba, batlogolo BA ngoako o moso,ramatimana ka fola Mara Ga nke a timana ka diyamaleng . Ngoako wa go ja dinonyana dihlogo a di fa basimane,
Ke bakgalaka BA mmamaatana a bo sedibelo a bo phaga motse Ke madikwe,selamolela magotlo,a re falatsa Lena Le sale Le iketlile .
Ke batho BA bo kgantshi BA kgantsha go lepelela mola mathaka a kgantsha go loya batho,Ke batho BA Moshokwa ba Molewa gohle tlang le moje Lebakgalaka ba mojele BA hlokafalelwa Ga BA lle bare go tlare gosa ra belega yo mongwe.
Ke batho babo mabifi-a-mahlo-a-makhwibidu,
Bare hee lena basadi bitsang banna,
Batle le matswaa bae bofe,
Lea bona e khwibiditse mahlo,
Mo etswa gona basadi barotse mangina.
Sebone bakgalaka mahlo mahwibidi ware kgane ba gogile patse ,
Ke mokgwa wa bona. Ke batho ba go tsea maswika ba diya meruka ba kgokella melaleng melodi ya shala e lla ka morago.
Ke batho ba go goja molelo kadeng ga meetse. Ke batho ba ga bo selamolela matebele. Ke mathoko mpeko motho wa tselang mpidibidi.