Iimbongo zakwa KOKELA
Yekhethu kwa Mdawu;
-kwa Kokela wakoMasondo iSinga le nyanga, inyanga eyaswela amabala yabikwa nge Ngalo zayo kwaKomo yomango engana sbaya, nguDlongodlongo owajama endabeni ngempengu zakhe ingabe asingu Mabena ngenje Baku lalamela kwelabe Suthu.
Mlibelwana ka Dabeza, Dabela zitha owagoma unotswayile wathi akana nyongo akana mhlwehlwe, NguMkhubezitha, Bathi ikhambi libuzwa kibo Mdawu uTlwayibe, uJoJo weZitha onga yi Nyoni eKhathaza abalimi, Jojo ophapha hlangana nezingwe kanye neNgwenyama, Bathi bamqala phasi kandi uphezulu.
Ngu Msuthu emanaleni, ikesi etjanini obusenzasi koNdebele; lisinga elathunjwa kwelama Dawu, lathunjwa yi komo ka Nqagu ngeskhwama seKhambi Kwathiwa ungewakomfazi wamabele amade owamunyisa umntwana ngaphetjheya kweLigwa neligwana.
Nina base Zotjaneni, enalima izizwe zingaka limi, bathi izizwe zilimile, Izizwe ezalima emangwen wamathangazana, yi Dawu elinga rori kwaphela kodwana kuyiNyanga eyaBhodla yadlongoza yatjhiya abalinganyana neNgongoma.
Bathi uMbandeni unengongoma, Ulithole kwaLesinga, Kwa Nyange Komo, kwa Tlwayibe, ekumbeni lakwa Manala, Nabantu bathatha isungulu baliqubunga, Nyange Komo nabantu, mbina Dawu, L’singa, Mdawu;
-Kokela !!