Tjhili Clan Praises | Tjhili Surname

Yekhethu kaTjhili Masegwani
uGadisani kaTjhili, uTjhili Masegwani
uthole limlenzelenze alihluzi ukufa
lihluza umgowani

untambo zakhe ziphothiwe
ziphothwe yintombi yakwaLigogo
nentombi yakwaLisweni
usilambili ekhaya nethafeni
umhlolokazi owalila emangweni
abanye balila ekhaya

umdladla odla amandlakhe
uSoBuwana Tjhili
uhloko esabilanga
usihlamba nabakhwekazi
iinhloni zakhe zemuke nomlambo
izuba lakoNokoyi elahlala ehlokweni yendoda

indoda yagula yabhubha yalahlwa
iinkomo zakaBulawana
Tjhili lapha zidla khona
kukuMaphothi noSilanyana
uMathuthukela koNgofa
nguMphandle zamanye amadoda
daka qhaphuqhaphu
idaka liphelile emazibukweni

liqedwe yini na
liqedwe yikunzi yakwaTjhili uSoMyabuli
iinkomo namhla zinganabisi
zakwaTjhili ziyasengwa
uMaphosa ngentonga engakabazwa
kwaTjhilapha nambili ziyasengwa
kwaGadungisani kaTjhili