Category: Uncategorized Page 3 of 12

Tinanatelo – SITHOLE (KuMbulungwane)

Zikodze.
Phangakufa.
Lindzamkhonto.
Dzindza singeva.
Wena weNyati yaMswati.
Wena waMaphangela,
Lowaphangela tinkhomo temadvodza.

Tinanatelo – MASINA

Lutsala.
Mngomakati.
Mancele.
Khombelwako.
Mavutfwel’ ekhatsi njengelihwaba.

Tinanatelo – MALINDZISA(TFWALA)

Tfwala.
Lukhambule.
Mnyamandze.
Tfwala leMtimkhulu.
Lukhambule.
Wena loluhlata njengencoshane.
Wena wakaLaSiwela naboNgwaca.
Khandzelakati.
Wena wadla umkadzadzewenu,
Watsi akananyongo akanamhlehlo.

Tinanatelo – MAMBA

Nkhosi.
Mamba lendze leseNsokonsokweni,
Leyakhwacel’ uMkhwakhwa neNgwavuma.
Siwelela lesimkhon’ umatima.
Sigubudvu singumuntfu singuMswati.
Ntfulini.
KaMamba akuvalwa ngetimvalo,
Kuvalwa ngemakhandz’ emadvodza.

Tinanatelo – KHUMALO

Mntfungwa loluhlata njengencoshane.
Mbulazi loluhlata.
Labatsi badl’ umuntfu
Bebamyenga ngendzaba.
Labadla timfe letimbili kepha
Likhambi laphuma lilinye.
Mzilikazi waMashobane.
Mabaso lowabas’ entsabeni
Kwadliwa lishona lilanga.
Sawela.
Nkhomo tavula incaba ngetimphondvo
kulaseNgome.
Bheje.
Lowabhej’ eNgome kwabonakala.
Labala kudl’ umlente kaBulawayo.

Tinanatelo – MSIBI

Ndlondlo.
Bashise.
Mabuya lowabuya naseMgangadza.
Ndlondlo leyadla bulongo yalibala.
Guliwe.
Gasa waSiwela.

Tinanatelo – MALAMBE

Mkhwanati.
Shiba.
Mkhwanati loluhlata njengencoshane.
Wena lowadla dzadzewenu watsi akanamhlehlo akanangati.
Bushashati belitulu leladvuma kabi
Lidvumela bafana bekwelusa,
Nkhomo lelele kabi
Ilele ngencebeni ngoba idzinga baguculi.
Mabuya wetindlovu.

Tinanatelo – KUNENE

Madvonsela.
Mtimandze.
Bhambo lunye,
Tingaba timbili tafuta ekhabonyoko
Masango makhulu, newebantfu newetinkomo.
Nine lenawela umfula ngekuhlehlela emuva.
Nine lenadvuba nafika kaZulu natsi kunene kwelive.
Madvonsela lolobola ngelijazi ebulandzeni
Lophaca njengelilanga.
Nine baMalambule.
Lokwatsi Malambule abanga naMswati.
Natsi Malambule embili.

Tinanatelo – MALINGA

Mcusi wendlunkhulu
Lodl’ acakatsise phas’ enkhaba.
Gumakhulu.

TINANATELO

MASINA
Lutsala.
Mngomakati.
Mancele.
Khombelwako.
Mavutfwel’ ekhatsi njengelihwaba.

MALINDZISA(TFWALA)
Tfwala.
Lukhambule.
Mnyamandze.
Tfwala leMtimkhulu.
Lukhambule.
Wena loluhlata njengencoshane.
Wena wakaLaSiwela naboNgwaca.
Khandzelakati.
Wena wadla umkadzadzewenu,
Watsi akananyongo akanamhlehlo.

MAMBA
Nkhosi.
Mamba lendze leseNsokonsokweni,
Leyakhwacel’ uMkhwakhwa neNgwavuma.
Siwelela lesimkhon’ umatima.
Sigubudvu singumuntfu singuMswati.
Ntfulini.
KaMamba akuvalwa ngetimvalo,
Kuvalwa ngemakhandz’ emadvodza.

MSIBI
Ndlondlo.
Bashise.
Mabuya lowabuya naseMgangadza.
Ndlondlo leyadla bulongo yalibala.
Guliwe.
Gasa waSiwela.

KHUMALO
Mntfungwa loluhlata njengencoshane.
Mbulazi loluhlata.
Labatsi badl’ umuntfu
Bebamyenga ngendzaba.
Labadla timfe letimbili kepha
Likhambi laphuma lilinye.
Mzilikazi waMashobane.
Mabaso lowabas’ entsabeni
Kwadliwa lishona lilanga.
Sawela.
Nkhomo tavula incaba ngetimphondvo
kulaseNgome.
Bheje.
Lowabhej’ eNgome kwabonakala.
Labala kudl’ umlente kaBulawayo.

KUNENE
Madvonsela.
Mtimandze.
Bhambo lunye,
Tingaba timbili tafuta ekhabonyoko
Masango makhulu, newebantfu newetinkomo.
Nine lenawela umfula ngekuhlehlela emuva.
Nine lenadvuba nafika kaZulu natsi kunene kwelive.
Madvonsela lolobola ngelijazi ebulandzeni
Lophaca njengelilanga.
Nine baMalambule.
Lokwatsi Malambule abanga naMswati.
Natsi Malambule embili.

LUKHELE
Mhlanti weNdlunkhulu.
LoMavov’ emvula.
Nine lenatsatsa sitfokati lesibovu
Nayawutsenga emanga.
Lomasikisiki,
Inyoni lesindvwa sisila sayo.

MALAMBE
Mkhwanati.
Shiba.
Mkhwanati loluhlata njengencoshane.
Wena lowadla dzadzewenu watsi akanamhlehlo akanangati.
Bushashati belitulu leladvuma kabi
Lidvumela bafana bekwelusa,
Nkhomo lelele kabi
Ilele ngencebeni ngoba idzinga baguculi.
Mabuya wetindlovu.

MALINGA
Mcusi wendlunkhulu
Lodl’ acakatsise phas’ enkhaba.
Gumakhulu.