THE CHILDREN OF MSWATI (MOSES)
TIBONGELELO TA-MSWATI
Wen’omhle kakhulu
Wena weluhlanga
MSwaz’omnyama kulabaluthuli
Ngiyesaba ekhabo’MSwati ngob’ekhaboMSwati bayabulalana
Ekhabo,MSwati akuvalwa ngemahlahla kuvalwa ngetinhloko temadvodza
Wena lowa shikashikana nendvodza es’hlahlleni
Kufa kwendvodza kungumshikashika
Kufa kwe muntfu kungumtamo
Lwandlel’khulu lwandlel’bovu, lwandle ludvungene
Waze wal’khuta lwandle lwakubalekela
Lwandlel’makhenekhene
Umagwazegijima
’Gebhula ngejozi kukhaphak’igazi ngamakhala amadoda
Luvuso lolwadla umuntfu aseswiswini
Kwatsi longephandle wasindza ngokutibalekela
Lifu lelimnyama lalihace leyo tsab’uMdzimba
Kwasa ngitfutfumele mine muntfu’wanyana
Mlomo longacali manga
Mashosha phansi ngezandla nangezinyawo
MSwati uyedzelela sibili
Uchamela kumuntfu uphindze uchamele enkhomeni
Sidlukeladledle sakitsi sale kaLobamba
Lesitsi sibapha sibe sibadlukutisa
Gwalagwala
Wachakaza ’keMswati wabanje Ngemhlambi wemagwalagwala
Mphandleni lokhanya njengelilanga
Ulilanga
Uyimbube uyingwenyama uyabalekelwa
Uyesabeka Wena Waphakathi
Bayethe Mbhangezitha. Bayethe Wena waphakathi

+ ADD CLAN NAMES

🔍 SEARCH 🔍

🎬 YouTube channel